Victoria thiaj yuav ras los ua Australia thawj lub xeev uas tau tos los ntev uas xav thov tsim ib tsab cai tshiab los nce tej me nyuam yaus lub hnoob nyoog ntawm 10 xyoo mus ua 12 xyoos ces yuav raug teem txim txhaum.
Hau xeev Jacinta Allan thiab Enver Erdogan uas yog tus nom tswj dej num Youth Justice tau qhia tias tsab cai youth justice bill yuav raug coj los sab laj hauv tsev tsoom fwv hnub zwj Quag (Tuesday).
Tsab cai uas nws cais nws kheej no yuav nce lub hnoob nyoog teem txim ntawm tej me nyuam yaus muaj hnoob nyoog ntawm 10 xyoo mus ua 12 xyoos.
Allan tau qhia rau tej neeg nthuav xov xwm tias "Yuav tsis rau txim rau tej me nyuam yaus hnoob nyoog 10 thiab 11 xyoos ... vim lawv tseem kawm ntawv.''
Raws li tsab cai tshiab uas xav thov tsim no ces, tub ceev xwm Victoria yuav tsis muaj cai ntes ib tug me nyuam yaus hnoob nyoog 10 xyoo los yog 11 xyoos thiab rau txim txhaum rau lawv, tab sis muaj peev xwm coj tej me nyuam ntawd ''mus rau ib qho chaw tau txais kev nyab xeeb thiab coj mus rau ib tug twg tsom kwm saib xyuas lawv.''
Jaclyn Symes uas yog tus kws lij choj xeev Victoria thiaj hais tias "Tub cev xwm tsuas muaj peev xwm siv fwj chim tsawg tsawg xwb'' thiab tub ceev xwm peev xwm tuav tus me nyuam ntawd txhais tes ... thiab coj lawv mus rau hauv ib lub tsheb kom thiaj pov puag tau lawv, thiab pov puag tau lub zejzog ntawd xwb.''
Txhua lub xeev ntawm teb chaws Australia yeej tsub txim, teem txim thiab coj tej me nyuam yaus uas muaj hnoob nyoog txog 10 xyoo coj mus rau txim kaw tsev laj cuj tau, tsuas yog xeev Northern Territory thiaj tau nce lub hnoob nyoog ua 12 xyoos rau lub 8 hli ntuj tsaib no thiaj mam rau txim rau ib tug me nyuam yaus twg xwb.
ACT thiaj tsuas yog lub xeev uas tau tsim cai los nce me nyuam yaus tej hnoob nyoog raug teem txim thaum muaj 14 xyoos rau xyoo 2025 thiab tsuas zam qee yam xwb.
Xyoo 2023 ntawd ces tsoom fwv xeev Victoria li nce ntawm 10 xyoo mus ua 12 xyoos, ua ntej ua mam li rov qab nce dua ib zaub ntxiv ua hnoob nyoog 14 xyoos rau xyoo 2027, thiab yuav zam qee yam.
Symes tau qhia tus tsoom fwv no xav siv cov kev hloov tshiab no xyoo 2025 mus txawm nws tau xub qhia dhau los tias yuav pib siv cov kev pauv hloov no rau yav lig xyoo 2024 mus.
Ntxiv ntawd los, tsab cai no kuj tseem yuav txo cov hnoob nyoog ntawm 21 xyoos los ua 18 xyoo uas yuav raug txim rau tej neeg uas pheej siv me nyuam yaus coj los ua txhaum cai lawm thiab yuav tsim ib co program raws cai coj los ceeb toom, ua kev ceev faj thiab lwm cov program coj los pab tej hluas kom tsis txhob ua txhaum cai.
Ces thiaj yuav siv lub caij 2 xyoos los soj tej hluas uas tsis coj mus hais plaub tab sis yuav tau coj tej kauj toog xauv caj dab taw thiab yuav tau rov qab los kho dua tej cai tam sim no uas tej kws txiav txim plaub ntug yuav tsum qhia kom tau tias ib tug me nyuam twg yeej tau paub tias tej nws ua ntawd yog cov kev ua txhaum cai ua ntej yuav raug teem txim rau ib lub txim txhaum twg —
Txij xyoo 2022 los ces kuj tau muaj tej hluas cov kev ua txhaum cai ntau tuaj ntxiv ntawm xeev Victoria lawm, uas twb muaj tej me nyuam hnoob nyoog txij 14 txog 17 xyoo tau ua cov kev ua txhaum cai ntau tshaj 18,700 cov txij xyoo 2023 lawm — muaj muaj cov kev ua txhaum cai no ntau tuaj ntxiv yuav laug txog li ntawm 30 feem pua ntau dua tej kev ua txhaum cai tsaib ub.
John Pesutto uas yog tus coj lwm pab nom ntawm xeev Victoria thiaj tau hais tias tsoom fwv yeej tsis npaj tswv yim tias yuav tshwm nyiaj li cas los pab tub ceev xwm tswj tej xwm txheej no thiab los pab tsim tej program ntau yam pab rau tej hluas kom thiaj tau txais kev nyab xeeb tshaj qub ntxiv rau tej zejzog li cas li.
Pesutto tau hais tias "Tej peb tau pom tus hau xeev Jacita Allan thiab nws tej nom pwm tsav ua hnub no ces tsuas yog ib lub tswv yim tsis muaj qab ntxhiab dab tsi thiab tsuas yog ib co xov xwm ob nploog uas coj los qhia rau zej tsoom xwb.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
