Peb paub nqe lus nug txog Voice to Parliament lawm, ho yuav ua dab tsi ntxiv rau cov referendum?

Tam sim no ces neeg Australia paub txog tej lus nug txog neeg txum tim cov kev muaj suab sawv cev rau hauv tsev tsoom fwv lawm. Nod yog tej uas yuav ua txuas ntxiv.

The Voice to Parliament referendum is due to take place this year. What do we know so far? Source: SBS / Lilian Cao

NTSIAB LUS TSEEM CEEB:

• Anthony Albanese tau qhia txog tej lus txog cov kev tawm suab seb puas pom zoo muaj suab sawv cev rau neeg txum tim hauv tsev tsoom fwv lawm.
• Thaum yuav xaus xyoo no ces neeg Australia yuav mus tawm suab.
• Mr Albanese kuj tau qhia tias cov kev muaj suab sawv cev no yuav khiav hauj lwm li cas.

Tam sim no ces neeg Australia paub txog tej sob lus nug txog cov kev tawm suab seb puas pom zoo tej neeg txum tim kom muaj suab sawv cev rau hauv tsev tsoom fwv lawm.

Zej tsoom thiaj yuav tawm suab thawj zaug rau lub caij yuav laug txog 25 xyoos no, thiab yog tias ho tau txais kev pom zoo, ces yuav yog thawj zaug uas neeg Australia tau tawm suab los kho lawv tej txhooj cai tswj haiv txij li xyoo 1977 los no.

Tom qab hnub zwj Teeb (Thursday) uas thawj pwm tsav Anthony Albanese tau sab laj nrog pab neeg uas tswj cov dej num tawm suab no lawm, ces nws tau qhia txog nqe lus nug uas yuav coj mus rau zej tsoom xaiv li no:

Thov tsim ib tsab cai: los hloov tsab txhooj cai tswj haiv kom Australia tej neeg txum tim Aboriginal and Torres Strait Islander muaj suab sawv cev hauv tsev tsoom fwv, coj los ua kev lees paub tej neeg txum tim no. Koj puas pom zoo rau cov kev kho no?

Ces tam sim no thiaj yuav coj mus ntaus cim hauv tsev tsoom fwv, ua ntej uas neeg Australia yuav mus tawm suab rau thaum yuav xaus xyoo no tias seb puas pom zoo los tsis pom zoo li cas.

Cov kev muaj suab no yuav zoo li cas?

Cov kev muaj Suab (Voice) no yog ib pawg neeg sab laj tawm tswv yim rau tsoom fwv txog ntau yam teeb meem uas yuav muaj rau Australia tej neeg txum tim. Tab sis pawg neeg no tsis muaj fwj chim yuav los tawm tsam tsis pom zoo dab tsi txog tej cai.

Mr Albanese tau qhia tej xov xwm tshiab uas ntxaws heev tias pawg neeg no yuav ua hauj lwm li cas, thiab hais tias:

• Tej tub koom siab ntawm pawg neeg no tsuas ua hauj lwm rau ib lub caij twg xwb kom ''thiaj muaj kev dawb huv.''
• Yuav xyuas kom muaj poj niam txiv neeg sib npaug thiab muaj tej hluav koom nrog thiab.
• Yuav muaj tej neeg sawv cev ntawm txhua lub xeev koom.
• Thiab yuav muaj tej neeg sawv cev ntawm ib cov neeg zej zog yaj sab tsi ntsees twg koom nrog thiab.

Tab sis nws kuj tsis qhia ntxaws tias seb puas yuav cia zej tsoom los ua tus xaiv tej neeg no, los yog teeb tsa tej neeg no raws cov kev tswj hwm democracy uas tej neeg xaiv tus neeg lawv nyiam li cas.

The question is slightly different to the draft wording Mr Albanese unveiled at the Garma festival last year. Source: AAP / Aaaron Bunch / AAP Image

Yuav ua dab tsi rau tej kauj ruam txuas ntxiv?

Yuav muaj cov kev tawm suab hauv tsev tsoom fwv, ces tom qab ntawd yuav cia zej tsoom tawm suab.

Tab sis yuav tsum tsim kom tau ib tsab cai tso, mas thiaj yuav muaj zej tsoom cov kev tawm suab no.

Tab sis kuj tsis yog tej yam dab tsi txawv thiab uas tsis tas tau txais kev pom zoo rau cov kev tsim tsab cai tshiab no hauv tsev kis xeev qes (House of Representative) thiab tsev kis xeev siab (Senate) los tau. Uas tej zaum yog tau txais kev pom zoo ob zaug ntawm pab nom Labor tej nom kis xeev qes xwb los kuj tau, txhais tau tias yuav tsim tau tsab cai no tiav lawm thiab.

Tom qab ntawd ces tej neeg Australia muaj hnoob nyoog 18 xyoo yuav tau tawm suab seb puas ''Pom zoo (Yes)'' los ''Tsis pom zoo (No)" rau nqe lus nug uas Mr Albanese tau qhia rau hnub zwj Teeb (Thursday) ntawd.

Tej neeg feem coob uas muaj cai xaiv nom, thiab tej neeg feem coob uas muaj cai xaiv nom ntawm tej xeev feem coob yuav tsum pom zoo, mas thiaj yuav tsim kom tau cov kev muaj suab sawv cev no hauv tsev tsoom fwv.

Yog tias ua tau li hais ntawd tiag lawm, ces Mr Albanese hais tias yuav muaj ib cov txheej txheem sab laj nrog tej zejzog neeg txum tim thiab zej tsoom sawv daws los pib ''tsim pawg neeg ua suab sawv cev no''.

Thaum ua tau tej no lawm, ces yuav coj mus sib teev theev (debate) thiab rov qab txheeb (review) hauv tsev tsoom fwv raws li lwm tsab cai tib yam thiab.

Thaum twg thiaj mam tawm suab?

Tsuas tshuav ib lub caij luv luv tom ntej no lawm xwb.

Mr Albanese yeej tau cog lus ua ntuv zus tias yuav muaj cov kev tawm suab rau thaum xaus xyoo no.

Lub hli dhau los no nws kuj tau rub lub sij hawm kom luv tuaj ntxiv thiab, li hais kom zej tsoom mus tawm suab rau lub caij txij lub 10 hli ntuj mus txog lub 12 hlis ntuj.

Ces thiaj yuav muaj cov kev tawm suab los thov tsim tsab cai no rau hnub zwj Cag (Saturday), txhais tias tsuas muaj ntau hnub uas tej zaum thiaj yuav muaj cov kev tawm suab no tau xwb.

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Googlepodcasts, Spotify, thiab Apple podcasts los yog download SBS Radio App  thiab SBS Hmongpodfollow 

kom koj mloog tau SBS Hmong.