Thaib ib lub tsev hais plaub txwv ib pab nom tsis pub kho tsab cai txwv tsis pub thuam huab tais

Cov kev txiav txim siab no yog ib cov kev siv fwj chim cai lij choj uas ua rau muaj neeg tib tssi pom zoo coob heev thiab pom tias yog ib feem ntawm lub teb chaws no cov kev hloov.

Pita Limjaroenrat, a former leader of the Move Forward Party, was also banned from politics for 10 years following the court ruling. Source: AAP / Peerapon Boonyakiat/SOPA Images/Sipa USA

Tau muaj ib lub tsev hais plaub ntawm teb chaws Thaib tau hais kom muab pab nom Move Forward Party thiab hais tias nws ua txhaum txhooj cai tswj haiv vim nws xav thov kho tsab cai uas yuav zam txim rau tej neeg uas thuam tsev neeg huab tais ntawm lub teb chaws no.

Lub tsev hais plaub txhooj cai tswj haiv (Constitutional Court) tau qhia tias nws yeej tau muaj cov kev tawm suab feem coob los muab pab nom no rhuav vim tias pab nom no pheej xav kho tsab cai no uas xav ntxeev lub teb chaws no tus huab tais.

Tej xov xwm ua peb paub: Pab nom Move Forward Party yog pab tau cov suab xaiv nom ntau tshaj plaws xyoo 2023 tab sis tsis muaj peev xwm los tsim tau nws tus tsoom fwv tim muaj ib co nom kis xeev ntawm tsev kis xeev siab tsis pom zoo txhawb nqa, lub caij ntawd ces yeej muaj ib co nom kis xeev siab uas tej tub rog tau teeb tsa ua nom tsis kam txhawb nqa tus coj ntawm pab nom no los ua thawj pwm tsav.

Ces lub koom haum tswj kev xaiv tsa thiaj tau nrhiav neeg kos xyeem mem tes tawm tsam nrog pab nom Move Forward Party tom qab Thaib lub tsev hais plaub txhooj cai tswj haiv tau txiav txim rau lub ib hlis ntuj dhau los tias kom pab nom no tso tseg tsis txhob kho tsab cai no, uas yog tsab cai uas pov puag kom tsis txhob muaj neeg thuam thiab saib tsis taus tsev neeg huab tais, thiab yog leej twg tseem ua txhaum ces yuav raug rau txim kawv tsev laj cuj txog li ntawm 15 xyoos.

Teev txog tej lus tseem ceeb uas tej neeg tau hais: Matthew Wheeler uas yog ib tug neeg tshuaj ntsuam ntawm cheeb tsam no ntawm lub koom haum NGO hu ua Crisis Group tau hais tias ''(Cov kev txiav txim siab no) qhia tias tseem tshuav ntev heev mas mas teb chaws thaib thiaj mam li muaj peev xwm los tsim kom muaj tej kev txaus ntseeg rau tej laj fai kum xeeb yog tias pheej tsis kav hloov lawv cov kev txiav txim siab no kom haum raws li tej neeg xaiv nom xav tau.''

Peb ho paub dab tsi ntxiv: Tsev hais plaub cov kev txiav txim tshiab no yog ib yam ntawm ntau yam ua rau raug tim tsum hnyav heev thiab pom tau tias yog ib cov kev tawm tsam ntawm tej nom qub rau lub caij ntau xyoo nrog lub teb chaws no pab nom xav hloov kho tshiab kom lawv lawv muaj fwj chim.

Tam sim no yuav muaj dab tsi tshwm sim ntxiv: Cov kev txiav txim siab tau muaj rau hnub zwj Feej (Wednesday) los kuj yuav txwv tej neeg ntawm pab nom no uas ua cov coj tseem ceeb tsis pub ua nom rau lub sij hawm 10 xyoo rau lub caij nws tau thov los kho tsab cai zam txim rau tej neeg tej neeg thuam saib tsis taus tsev neeg huab tais Thaib.

Ces Pita Limjaroenrat uas yog tus coj dhau los thiab Chaithawat Tulathon uas yog tus coj pab nom Move Forward Party tam sim no thiaj yog ob tug ntawm ntau tus uas yuav raug txwv sis pub ua nom.

Nyeem ntxiv: Pro-democracy parties trounce military in Thai election. Here's what to expect next

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.