Raws li tau muaj Suav tus coj tswj kev noj qab haus huv tau qhia, lub caij uas cov kab mob coronavirus sib kis muaj ceeb heev twb dhau lawm, tom qab uas nws tsuas txheeb tau tais muaj 8 tus neeg tshiab thiaj kis tau cov mob no ntawm lub xeev Hubei lawm xwb. Ces thiaj yog thawj zaug tau muaj neeg kis tau tus mob no tsawg tshaj 10 tus lawm.
Vim rau qhov muaj tej neeg kis tau tus mob no tsawg me ntsis lawm ces thiaj tau ua rau muaj xov xwm cej luam qhia tias tau rov qab muaj tej lagluam rov qab qhib ua lagluam dua lawm thiab tab sis nom tswv yeej tseem ceeb toom rau tej neeg kom yuav tau xyuam xim ceev faj thiab ua raws li tej cai tswj kom txhob kis tau tej mob no ntau tuaj ntxiv.
Tau xub pib muaj cov kev kis tus kab mob coronavirus (COVID-19) pib txij li tsaib no xyoo 2019 los lawm, tab sis hnub zwj Teeb (Thursday) tim 12.03.2020 dhau los ces nom tswv kuj tso cai ib nyuag ntaug zog rau tej neeg ncig mus los thiab yuav rov ab tso cai rau ib txhia lagluam rov qab los pib ua lagluam ntawm nws 2 lub xeev no thiab 2 lub zos ntawm lub xeev no lawm.
Mi Feng uas yog tus kis hasi lus sawv cev rau Suav lub koom haum tswj kev noj qab haus huv haiv (National Health Commission) hais tias "Peb xav tias lub caij cov kab mob coronavirus sib kis muaj ceem heev ntawm teb chaws Suav twb dhau lawm."
Broadly speaking, the peak of the epidemic has passed for China thiab yeej muaj cov neeg kis tau tus mob no tshiab tsawg lawm."
Feem ntau ces Suav lub xeev Hubei yeej ua cov lagluam teej num tsim khoom thiab ua lagluam ntau yam li tsim tsheb ntawm lub nroog Wuhan uas tau pib muab kaw txij hnub tim 23 lub 1 hlis ntuj xyoo 2020 los txog tam sim no, vim li no thiaj tseem txwv tsis pub tej neeg ntawm lub nroog Wuhan uas muaj neeg nyob txog 11 roob tus mus rau lwm qhov los yog cov neeg sab nraug mus rau lub nroog no.
Medical staff after patients were discharged at Wuchang Fangcang Hospital, a temporary hospital treating people infected with the coronavirus Source: AP
Raws li lub koom haum National Health Commission qhia mas feem ntau raws li tau muaj cov kev teev zwm tej neeg kis tau tus kab mob coronavirus tshiab rau hnub zwj Feeb (Wednesday) dhau los ntawd ces yeej yog cov neeg ntawm lub nroog Wuhan no xwb. Hos dua ntawm tej kis tau sab nraum lub xeev Hubei no lawm ces ntawm Suav av loj tsuas muaj 7 tus neeg tshiab thiaj kis tau tus mob no xwb, tab sis muaj 6 tus ntwm 7 tus neeg kis tau tus kab mob no yog cov kis tau tus mob no txawv teb chaws. Thiab ntawm 6 tus neeg kis tau tus mob txawv teb chaws los ntawd kum muaj 3 tug ntawm xeev Guangdong thiab 2 tug ntawm xeev Gansu thiab xeev Henan muaj 1 tug sib law liag.
Yog li thiaj tsuas muaj cov neeg tshiab kis tau tus kab mob coronavirus no 15 leeg rau hnub zwj Feej (Wednesday) xwb uas yeej tsawg dua 24 tug uas tau xub kis rau hnub ua ntej dhau los lawm.
Ces thiaj ua rau muaj neeg Suav av loj kis tau tus mob no txog li 80,793 leeg lawm.
Tab sis hnub zwj Quag (Tuesday) dhau los ntawd kuj tau muaj neeg txog 62,793 kuj raug kho zoo thiab tawm ntawm tsev kho mob rov qab mus tsev lawm, yog yog muab xam ua 80% ntawm tej neeg kis tau cov kab mob no raug kho zoo lawm.
Yog li ntawm thaum xaus rau hnub zwj Feej (Wednesday) dhau los ntawd ces tsuas muaj neeg tas sim neej ntawm teb chaws Suav txog li 3,169 tus lawm xwb, uas muaj neeg tas sim neej coob txog li 11 tug ntxiv rau hnub dhau los xwb. Lub xeev Hubei no muaj neeg tas sim neej tshiab tau tas sim neej txog 10 tus uas muaj 7 tus yog cov neeg ntawm lub nroog Wuhan.
Suav pab nom koom tsham (Chinese Communist Party) phau ntawv xov xwm the People's Daily, thiaj tau ceeb toom tias txawm tias tau muaj cov neeg tshiab tas sim neej los ntawm cov kab mob no tsawg zog lawm, los yeej tseem yog tej yam nyuaj kawg nkaus li thiab ntshe kuj tseem yuav muaj teeb meem pheej hmoo kis tau cov kab mob no ntau tuaj ntxiv los kuj tau thiab.
Yog li ntawd Suav (China) thiaj tseem tab tom rov qab los pib lis nws tej teej tsim khoom thiab pib ua lagluam ntau yam uas raug nom tswv tau muab txwv kom ntau roob tus neeg txhob tawm mus rau lwm qhov los yog kom tej neeg lwm qhov chaw txhob rov qab mus rau lub xeev Hubei mus koom noj Suav lub tshiab peb caug Chinese Lunar New Year ntawd.
Ces thiaj tau ua rau muaj teeb meem loj kawg nkaus rau tej teej tsim khoom rau lub 2 hlis ntuj dhau los tab sis kuj tau rov qab muaj ntau cov lagluam rov qab pib qheb ua lgluam rau ntau limtiam dhau los no rau lub caij uas tsoom hwv tau tswj cov kev txwv tsis pub neeg mus los no ntaug zog lawm, tab sis tej neeg paub tshuaj ntsuam txog tej xwm txheej no yeej qhia tias tej zaum ntshe yuav tseem tsis tau muaj peev xwm los ua tau lagluam mus txog ntua rau lub 4 hlis ntuj no tso.
Tsis tas li no los tej lagluam ya dav hlau yog cov poob lagluam loj tshaj plaws, thiab Suav cov lagluam no twb poob niaj txog li 20.96 million Yuan (AUD 4.7 billion) rau lub 2 hlis ntuaj dhau los. Thiab tseem ua rau ntau cov lagluam tsis muaj neeg txaus mus ua hauj lwm, thiab muaj teeb meem rau tej lagluam xa khoom rau lwm cov lagluam siv ua luam.
Yog li ntawd ces nom tswv Suav phau ntawv xov xwm the People's Daily thiaj tau hais kom tej nom tswv zej zog yuav tsum kub siab nrog xyuas kom tej neeg sawv daws muaj peev xwm rov qab mus ua tau hauj lwm kom sai npaum li sai tau.
