Poom kuv txob uas ntsuab saum hau thiab muaj lub cim lau qaib yeej yog ib poom uas tej neeg nyiam noj kua txob paub zoo.
Tab sis yog koj tsis tshua muaj peev xwm nrhiav tau lub tuam txhab Huy Fong Food cov kuab txob uas yog ib co kua txob nto npe ntawd tej kiab khw tej txee muag khoom tsis ntev los no, ces tsis yog yus lam xav yus tias ua li cas thiaj tsis muaj tej kua txob no xwb.
Yeej muaj neeg nyiam noj hom kua txob Sriracha thoob Australia ntau limtiam tsis ntev los no.
Vim li cas thiaj tsis muaj hom kua txog sriracha txaus noj?
Vim tsis muaj hom kua txob liab hu ua jalapeño uas lub tuam txhab Huy Fong Foods siv coj los ua nws cov kua txog sriracha, ces thiaj ua rau tsis muaj peev xwm tsim kom tau tej kua txob no ntau li nws tau tsim tau txij lub 7 hli ntuj xyoo 2020 los no lawm.
Thiaj tau ua rau muaj tej teeb meem no loj tuaj ntxiv rau lub 6 hlis ntuj tsaib no, thaum ua lub tuam txhab Southern Californian tau ceeb toom tias ''tim huab cua phem ces thiaj ua rau cog tsis tau tej kua txob zoo lawm,'' ces thiaj ua rau ''muaj tej kua txob no siv tsawg heev lawm.''
Txawm tias rov qab nrhiav tau coj los siv rau yav lig xyoo no, tim tej huab cua kub thiab ntuj qhuav nkig thoob rau ntau cheeb tsam uas cog tej kua txob ntawd ces thiaj ua rau tsis muaj tej kua txob no muag ntawm tej kiab khw lawm.
Ces thiaj ua rau tsis muaj tej kua txob no xa tuaj rau teb chaws Australia, thiab ob lub khw li Coles thiab Woolworths lub vas sab muag khoom online yeej tau muab lub tuam txhab Huy Fong Food hom kua txog Sriracha ''muag tag'' los yog ''tsis muaj muag tam sim no ntxiv lawm.''
Ib tug kis ntawm lub tuam txhab Huy Fong Foods tau qhia ib co ncauj lug rau SBS News tias ''nws yeej tseem muaj tej kua txob tsawg heev.''
Lawv tau hais tias txawm tsaib no tau rov qab tsim tau me ntsis lawm, tab sis ''yeej tseem tsim tau tsawg tsawg xwb thiab,'' vim cov kev tsis muaj tej kua txob liab hu ua jalapeños txaus tau ua rau muaj teeb meem rau lawv tsim tsis tau tej kua txob no ntau lawm.
Red jalapeño chilli peppers are used to make sriracha. Source: Getty / Anne Cusack/Los Angeles Times
Thaum twg thiaj mam rov qab tsim tau tej kua txob no li qub?
Lub caij uas tseem tsim tau ntau heev ntawd, ces lub tuam txhab Huy Fong Foods ntawm Irwindale, California yeej tsim tau hom kua txob Sriracha txhua teev twg txog li ntawm 18,000 poom diam.
Tab sis kuj vim tsis muaj tej kuab txob liab hu ua jalapeños no txaus siv lawm, thiab yeej tsuas cog tej kua txob no ntawm ntau thaj chaw sab qab teb hnub poob ntawm teb chaws America thiab sab qaum teb ntawm teb chaws Mexico rau lub sij hawm 4 hlis twg rau ib xyoo xwb.
Lub tuam txhab Huy Fong Foods tus kis thiaj tau hais tias tam sim no, ces lawv yeej tsis muaj peev xwm ''kwv yees'' tias yuav yog thaum twg thiaj mam rov qab muaj peev xwm tsim tau tej kua txob no ntau li qub, los yog ho puas muaj peev xwm tsim tau cov kua txog no kom ntau tuaj ntxiv es thiaj xa tau tuaj muag ntawm Australia tej kiab khw.
Lawv tau hais tias "Peb kuj ris nej tej txiaj ntsig uas tej neeg sawv daws yuav tau ua siab ntev thiab nej cov kev to taub txog tej xwm txheej no rau lub caij uas muaj tej khoom noj no tsawg heev yam tsis tau pom muaj dua lo li."
Huy Fong Foods' sriracha is out of stock in many supermarkets across Australia. Source: SBS / David Aidone
Tab sis kuj tsis txhob maj tag kev cia siab thiab, vim rau qhov tej neeg siv social media ntawm Australia no kuj qhia tias, yeej tseem muaj peev xwm yuav tau tej kua txob no ntawm neeg Asia tej khw muag khoom noj thiab.
IGA lub khw muag khoom hauv online los kuj muaj cov kua txob no muag rau ib co chaw twg thiab.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab
kom koj mloog tau SBS Hmong.
