Raws li tau ABS tej xov xwm txheeb pej xeem tsis ntev los no ces yeej muaj tseeb tiag tias muaj neeg siv ntau hom lus heev ntawm teb chaws Australia no, thiab yeej muaj tej cuab yig ntau tshaj 1 yig ntawm txhua txhua 5 yig twg yeej hais lwm hom lus dua ntawm cov kev siv lus Aaskiv lawm.
Txawm cov kev tu ib tug me nyuam uas hais ntau hom lus yuav ntsib teeb meem nyuaj ntau yam, los tej kws paub zoo txog tej no yeej hais tias yuav tau txais txiaj ntsim ntau tshaj tej teeb meem uas muaj ntawd thiab.
Mloog tau zaj xov xwm no kaw ua suab tau ntawm no:
Cov ntsiab lus tseem ceeb:
- Cov kev paub ntau hom lus ces yeej tau txais ntau yam txiaj ntsim tsis hais yog pab kom lub hlwb zoo, thiab muaj tej txuj ci ua lub neej, thiab kom sib cuag tau nrog tej kab lis kev cai.
- Cov kev sib cuam tshuam ntawm tej lus - thiab kab lis kev cai ces yeej txawv ntawm ib co cuab yig twg rau ib co pawg neeg tsawg twg.
- Tej teej kawm, tej cuab yig thiab tej zejzog cov network muaj peev xwm ras los ua cov chaw kawm ob yam lus, tab sis cov kev vam kev cia siab no yuav tsum xyuas kom haum raws li qhov tej me nyuam xav tau thiab.
Raws li John Hajek uas yog ib tug zes kais paub zoo txog ntawv thiab lus ntawm tsev kawm qib siab Melbourne University hais ces tej me nyuam uas hais tau ob hom lus yeej kawm tau ntawv zoo dua.
Nws hais tias tau txais txiaj ntsim ntau tshaj qhov pab tau tus me nyuam ntiag tug cov kev txhim kho, thiab pab kom lawv nkag siab txog qhov sib txawv zoo dua tuaj ntxiv.
"Yeej muaj kev teeb txheeb qhia tias tej me nyuam yaus uas muaj hnoob nyoog 4 los yog 5 xyoos uas yeej hais ib hom lus twg los yog tseem kawm lwm yam lus ntxiv ces yog cov yeej paub txhawj txog thiab pab lwm tus neeg uas lawv nrog tham ntawd tu siab, lawv yeej kub siab zog los xyuas kom lawv nkag siab txog lwm tus neeg ib puag ncig lawv xav tau dab tsi....tej no thiaj yog tej yuav tau txais txiaj ntsim ntau yam rau zej tsoom."
Bilingual tend to better understand difference, the world around them and be more empathetic. Source: Credit: Getty Image / Catherine Falls Commercial
Kev sib txuas ntawm lus - kab lis kev cai
Zeskais Hajek hais tias tej txuj ci kab lis kev cai thiab tej lus ntawd ces yeej yog tej yam yuav tsis muaj peev xwm cais tau rau ntau cov neeg zejzog thiab tej me nyuam uas paub ob hom lus li, vim yog tej yam pab kom lawv muaj txoj kev sib cuag tau nrog lawv tej teej tug neeg tsiv teb tsaws chaw zoo dua ntxiv.
Yeej muaj ntau zaj dab neeg ntawm cov phaum neeg ob los yog phaum peb uas tseem muaj peev xwm kawm tau lawv tej lus uas siv hauv lawv tsev neeg uas yog tej teej tug ib txwm siv thiab ceev txuag tau lawv tej kab lis kev cai tau zoo heev.
Vasso Zangalis uas yog ib tug neeg Australia caj ceg neeg Greek phaum ob kuj yog ib tug me nyuam uas tau mus kawm cov sob kawm uas qhia ob yam ntawv uas tau tsim coj los siv rau lub caij xyoo 1980 ntawd.
Nws yeej tseem nco tau tias '' vim nws yog ib tug tub kawm uas kawm tsis tau ntawv Greek tshaj plaws ntawm nws chav'', ces nws niam thiab nws txiv thiaj xav tias yog tej yam tseem ceeb uas yuav tau teev npe rau nws kawm cov program no.
Yog xam rau kis zoo lawm, ces kuv xav tias pab tau ib tug neeg twg zoo tshaj qub ntxiv, thiab pab kom tus neeg ntawd paub txog tej kab lis kev cai thiab muaj peev xwm sib cuag tau nrog lwm tus neeg dua, thiab yog tham txog kuv tus nus uas yeej hais tsis tau peb cov lus ces zoo li nws yeej tsis tshua muaj kev sib cuag tau nrog peb tej kab kis kev cai pes tsawg thiab.
Raws li zeskais Hajek paub lawm ces yeej pom tau tias cov kev muaj peev xwm qhia tau yus tej lus rau tej me nyuam yeej raug ib txhia cuab yig xam tias zoo tam li ib cov khoom plig.
“Ntawm kuv tam li yog ib tug kws ntawv thiab ho cuam tshuam nrog ntau pawg neeg zej zog pawg tsawg thiab ces pom tau tias lus yog tej yam tseem ceeb heev qhia tias kuv yog leej twg, thiab kuj yog tej yam uas kuv muaj peev xwm faib tau rau kuv tej me nyuam, los yog tej yam uas kuv tej me nyuam lawv pog thiab yawg xav ua thiab."
Cultural knowledge and language are inextricably linked for many communities. Source: Credit: Getty Image / Marko Geber
Tab sis nws yeej tau qhia tias vim muaj cov kev sib cuag ntxaws heev ntawm tej lus thiab tej kab lis kev cai no ces ntshe tsis yog tej yam yuav ua tau rau txhua yim neeg los yog txhua cov zejzog thiab.
Nyob ntawm seb tej zejzog los yog tej neeg ntiag tug ua cov txheeb tias seb dab tsi thiaj tseem ceeb rau lawv xwbm.
Asian girl student video conference e-learning with teacher and classmates on computer in living room at home. Homeschooling and distance learning ,online ,education and internet. Source: Getty Image / Prasit photo
Stanley Wang kuj yog tus coj lub tsev kawm Abbotsford Primary uas yog lub xeev no ib lub tsev kawm uas qhia cov program lus Suav no ntev tshaj plaws los lawm.
Nws hais tias ib yam ntawm ntau yam uas muaj teeb meem rau tej tub kawm ntawm ntau thaj chaw uas kawm ntawm tej teej kawm ces yog qhov tseem ceeb ntawm tej neeg zejzog tsiv teb tsaws chaw rau tej lus.
Tab sis Mr Wang yeej tau qhia txog qhov tseem ceeb ntawm ntau yam txiaj ntsim yuav tau txais los ntawm cov kev kawm 2 yam lus dua ntawm cov kev kawm tej lus no lawm tias, yuav pab tsim tau tej neeg cov cim thawj (identity) thiab pab kom paub nyiaj tau nrog lwm tus.
Nws hais tias "Thaum peb xyuas kom tsim tau tej zwj ceeb uas siv 2 hom lus uas 2 co kab lis kev cai txawm tias tsis yog ntau yam kab lis kev cai ntawd pom txog qhov tseem ceeb thiab paub txog qhov tseeb tias cov kev siv 2 hom lus ntawd yeej yog tej yam peb ib txwm ua thiab yeej muaj laj thawj zoo lawm, ces kuv xav tias yuav yog ib yam muaj zog tshaj plaws."
The family environment can be a key source of support for a child’s bilingual upbringing. Source: Credit: Getty Image / Mayur Kakade
Vim rau qhov 2 yam no yog 2 yam uas yeej tseem ceeb tib yam nkaus ces ib yam twg thiaj txhawb lwm yam ntawm 2 lub ntuj no...thiab yog ib lub tswv yim tseem ceeb uas peb xav kom lawv sib cuag tau nrog lawv tej kab lis kev cai.
Tej xub ke txhawb nqa koj tej me nyuam cov kev kawm
Dua ntawm tej teem kawm lawm, ces tej cuab yig kuj yog ib yam tseem ceeb yuav los pab txhawb nqa thiab cob qhia ib tug me nyuam uas hais 2 hom lus ntawd thiab.
Zeskais Hajek haias tias "Txawm tias koj tsis muaj cib fim yuav tswj tau koj tej lus thiab qhia tau rau koj tej me nyuam, los yeej tseem muaj lwm tus neeg ib puag ncig koj muaj peev xwm pab tau thiab. Yog li ntawd tej pog yawg thiaj muaj lub luag hauj lwm tseem ceeb heev los nrog ceev txuag tej lus thiab kab lis kev cai."
Tsis hais cov kev txhawb nqa twg uas koj xav ua li, Mr Wang xav taws qhia tias yuav tsum tau ua zoo xyuas kom cov kev kawm ntawd no muaj peev xwm ua tau raws li tus me nyuam ntawd xav tau kom thiaj pab kom muaj cov kev sib cuag ntawm tej lus ntawm nrog tej kab lis kev cai tau thiab tsis txhob ua rau tus me nyuam ntawd mloog tau tias yog ib co kev leg rau nws, tab sis kom pom tias yog ib feem ntawm cov kev loj hlob ntawm tus me nyuam ntawd xwb.
Experts say keeping expectations realistic is key in bilngual education Source: Credit: Getty Image / Klaus Vedfelt
Muaj ib yam tseem ceeb uas tej niam txiv thiab tej neeg qhia ntawv yuav tau lees paub tias...yog koj tus me nyuam loj hlob ntawm teb chaws Austraia no tej lus uas lawv yuav kawm ntawd yuav tsum haum raws li qhov tseeb ntawm lub teb chaws no thiab.
Yog tham txog Professor Hajek lawm ces yuav tau xyuas qhov tseeb ntawm cov kev cia siab rau cov kev kawm 2 yam lus no raws li qhov tsim nyog ua tau xwb.
“Puas yog tias pheej xav kom yus yog ib tug neeg uas siv tau ib hom lus zoo los yog yog ib tug neeg uas siv tau tej lus no npliag? Lo lus teb rau nqe lus nug no ces tsis tas ua li ntawd los tau. Kom peb yuav tsum nkag siab tias tej me nyuam loj hlob ntawm teb chaws Australia no, ces lawv yeej yuav siv lus Aaskiv ntau dua. Thiab yeej ib txwm yog lus thiab ntawv Aaskiv uas lawv siv thiab kuj tsis yog tej yam dab tsi txawv."
Yeej tsis muaj ib phau ntawv twg yuav qhia kom ntxaws tias yuav tu tej me nyuam uas kawm thiab siv 2 hom lus li. Tej niam txiv yeej tau tham txog ntau yam lus nug li ib txwm muaj thiab yeej muaj cov kev txhawj xeeb txog cov kev tu saib xyuas lawv tej me nyuam uas hais 2 hom lus ntawd. SBS cov xov xwm kaw ua suab (SBS Podcast) hu ua -My Bilingual Family - "Kuv tsev neeg uas hais 2 yam lus" - thiaj yuav los nrhiav cov lus teb rau ntau cov lus nug uas pom muaj tas mus li. Mloog tau ntawm SBS Radio App raws cov podcast app (xov xwm kaw ua suab) uas koj nyiam mloog, los sis mloog tau hauv online ntawm
