Yuav txo nqe siv public transport los them 50 cents

Steven Miles uas yog Queensland tus hau xeev tau qhia tias cov kev txo tej nqe siv public transport yuav pab daws tau tej nuj nqes ntau yam siv ua lub neej thiab pab kom tsis txhob muaj tsheb daig coob rau tom tej kev tsheb.

The Queensland Government is reducing public transport fees to 50c for six months. Source: AAP / Darren England

Ntsiab lus tseem ceeb:

• Txim hnub tim 5 lub 8 hli ntuj xyoo 2024 mus ces tsuas tau them 50 cents rau cov kev siv public transport ntawm Queensland lawm xwb.
• Lub tswv yim no yog tsim coj los pab daws tej nuj nqes siv ua lub neej thiab txhawb nqa kom tej neeg tib mus siv public transport coob tuaj ntxiv.
• Thiab yuav txo tej nqe siv public transport no rau lub caij 6 lub hli.

Tsoom fwv Queensland tab tom yuav txo nqe public transport los them 50 cents rau tag nrho txhua tus neeg thoob lub xeev no, thiab yuav pib txo txij tim 5 lub 8 hli ntuj xyoo 2024 no mus.

Thiab yuav txo tej nqe no tsawg rau lub sij hawm 6 hli, txawm li cas los tej neeg siv tseem yuav tau siv lawv daim card so/twb rau cov twj Smart Ticketing, los yog siv daim 'go card', los yog yuav ib daig yuaj (pib) siv.

Lub tswv yim no raug tsim coj los pab tej neeg siv public transport txuag nyiaj thiab txhawb nqa kom muaj tej neeg tsav tsheb tig mus siv public transport coob ntxiv tuaj.

Hau xeev Queensland tau hais tias "Ib tug neeg uas caij tsheb ciav hlau ntawm Mango Hill mus ua hauj lwm ntawm nroog Brisbane yuav tau them $96 ib limtiam twg diam. Thiab yog yus tseem tsav tsheb mus ua hauj lwm thiab ces tsheb yuav daig rau tom tej kev rau lub caij muaj neeg siv kev tsheb coob heev txhua hnub ces haj yam yuav tau them kim tshaj ntawd thiab.''

Miles tau hais tias cov kev txo nqe siv public transport yog tej yam yuav pab tau ntau txheeb tus neeg Queensland kom txuag tau nyiaj me ntsis rau lub caij uas muaj ntau yam nuj nqes siv ua lub neej.

Nws tau hais tias ''Kuv cia siab tias yuav pab tej neeg Queensland txuag tau ntau txheeb dollars rau lub caij 6 hli, thiab yog ib co kev txhawb nqa kom muaj neeg coob ntxiv tuaj mus siv peb cov public transport tas mus li thiab tsuas tau them 50 cents xwb. Tsis tas los ntawd los kuj yog ib cov kev txhawb nqa kom muaj tej neeg Queensland coob tuaj ntxiv mus caij tej tsheb me los yog tsheb ciav hlau mus ua hauj lwm los sis yog mus kawm ntawv uas yuav pab daws tau tej teeb meem tsheb daig thiab.''

Txawm li cas los yeej muaj neeg siv public transport li ntawm 13 feem pua tsawg dua lub caij tej neeg siv ua ntej yuav muaj kab mob COVID thiab.

Ces lub tswv yim no thiaj yuav tsim coj los pab pab daws ntau yam nqe uas tseem yog ib co teeb meem ua rau tej neeg tsis tshua siv public transport thiab coj los txhawb nqa kom tej neeg tsav tsheb tig los siv ntau tuaj ntxiv thiab cia lawv tej tsheb nyob ntawm tsev.

Thiaj yog ib lub tswv yim uas tsim coj los pab tej hauj lwm no yam rau lub caij uas kab theem nyiaj poob nqe tau nqe tsawg lawm, ces tsoom fwv thiaj kwv yees tias yuav pab txo tej nyiaj kim coj mus siv caij public transport thiab pab txo tej nyiaj poob nqe ntawm lu bxeev no rau lub caij 6 hli nrab mus txog thaum xaus lus xyoo no.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.