Zeskais Kidd tau qhuas ib cov neeg Australia rau lub caij uas NSW thiab Victoria tseem tawm tsam nrog cov xwm txheej uas tseem muaj neeg kis tus kab mob coronavirus txuas ntxiv.
“Kuv xav ua tsaug ntau ntau rau txhua tus neeg mloog nej cov xov tooj cua uas yog cov neeg yug txawv teb chaws uas ua raws nom tswv cov kev txwv kom muaj peev xwm tswj tau tus kab mob COVID-19 no, hais tsi ntsees rau tej neeg ntawm xeev Victoria," raws li zeskais Kidd tau qhia rau SBS Arabic24 tias yog ib qho chaw xa tsab xo no mus rau tej neeg uas mloog lub xov tooj cua no.
"Peb yeej paub tias ces tej neeg yug txawv teb chaws yeej yog cov neeg uas tej zaum yuav mloog thiab ua raws li nom tswv cov kev txwv ntawm teb chaws Australia no dua tej neeg uas yug ntawm teb chaws Australia no."
Nws tau hais tias, "yog tej yam tseem ceeb heev" uas tsis xav kom neeg phlom moj los yog tso tso siab es tsis kub siab mus sim yog thaum lawv pib muaj cov yam ntxwv mob.
Thiaj tau muaj tej xwm txheej no tshwm sim rau hnub Wednesday uas hau xeev NSW Gladys Berejiklian tau ceeb toom tias nws lub xeev ces "tshuav ze ze rau qhov" yuav rov qab muaj tej xwm txheej sib kis tus kab mob coronavirus coob li lub 7 hli ntuj dhau los.
NSW twb muaj tom qab tau ib hnub uas lub xeev no qhia tias nws muaj 11 tug neeg sib kis hauv nws lub xeev.
NSW Premier Gladys Berejiklian speaks during Question Time in the state parliament Source: AAP
Yeej tau muaj neeg coob tshaj 15,800 tus mus sim tus kab mob no rau ib hnub dhau los txog ntua thaum 8 teev tsaus ntuj rau hnub Wednesday, thiab ib hnub ua ntej ntawd kuj tau muaj neeg txog 16,000 tus tau mus sim thiab ces thiaj li muaj neeg mus sim tsawg dua tus zauv teev tseg tias xav kom tej neeg mus sim seb puas kis tus kab mob no kom ntau tshaj 20,000 tus rov sauv.
“Kuv paub tias tej neeg nkees thiab dhuav tej tus kab mob no heev lawm. Tej neeg uas tau mus sim 2 zaug los yog 3 zaug lawm mloog tau tias puas tsim nyog yuav rov qab mus sim dua ntxiv lawm yog lawv pib muaj tej yam ntxwv mob, tab sis yeej tsim nyog mus sim thiab yog tej yam uas tsim nyog tej neeg muaj cov yam ntxwv mob no yuav tau mus sim," raws li zeskais Kidd tau hais.
“Yog li ntawd txawm koj yuav sim uas zaum 6, 7 los yog zum 8 vim koj muaj tej yam ntxwv mob los koj yuav tau mus sim. Vim yuav pov puag koj txoj kev noj qab haus huv thiab pov puag tej kev noj qab haus huv rau koj tsev neeg. Thiab yuav pab kom peb tshem tau tej kev txwv no sai dua yog peb ua tau li no."
Xeev Victoria yeej muaj 6 tus neeg kis tau tus kab mob coronavirus tshiab rau hnub Thursday tab sis tsis muaj neeg tas sim neej, rau lub caij uas nom tswv txhawj xeeb heev txog tej neeg kis tus mob no ntawm lub zos Shepparton.
Zeskais Kidd tau hais tias "txaus txhawj xeeb heev" uas tseem pom muaj tej neeg mus sim tsawg rau qee cov chaw ntawm teb chaws Australia, hais tsi ntsees rau ntawm nroog Melbourne no.
"Vim rau qhov tam sim no tseem muaj neeg kis kab mob muaj ceem heev ntawm nroog Melbourne," raws li nws tau hais.
"Yog tias peb xav kom tswj tau tus kab mob COVID-19 no thiab muaj peev xwm tswj tau tus kab mob no kom txhob sib kis li qub no ces qhov tseem ceeb tshaj plaws yog tej neeg mus sim, thiab tshuaj ntsuam seb tej neeg puas kis tus kab mob COVID-19 no, thiab los nrhiav tej neeg uas tej zaum tau nyob ze los yog tej neeg kis tau tus mob no nyob ua ke tsam tej neeg no ho kis tau tus kab mob no.
"Kuv txhawj xeeb heev thaum peb pom tias tseem muaj tej neeg txog li 25% muaj cov yam ntxwv mob tau mus sim tias seb puas kis tus kab mob no thiab, tsim nyog peb yuav tsum muaj tej neeg no 100% mus sim kiag."
Tej tsoom fwv thoob suam av Europe yeej kub siab heev los siv ntau cov kev txwv kom tej neeg txhob kis tau tus kab mob coronavirus rau ntawm suam av no ntau tuaj ntxiv vim yeej tau rov qab tau muaj neeg kis tau tus kab mob no ntau tshaj plaws rau txhua limtiam tam sim no txij li tau pib muaj tus kab mob no sib kis thoob ntuj los no.
Yog muab cov teb chaws Europe piv rau Australia ces zeskais Kidd tau hais tias teb chaws Australia "muaj hmoo heev" vim tej nom tswv tswj zej tsoom cov kev noj qab haus huv tej tswv yim siv tau hauj lwm zoo heev.
"Vim tam sim no tsis yog peb tsis muaj peev xwm tswj tus kab mob no es yauv ua rau muaj neeg kis txog ntau pua txheeb tus thiab yuav ua rau ntau txheeb tus neeg tas sim neej."
"Vim tej xwm txheej li hais ntawd yog tej peb tab tom pom muaj rau ntau lub teb chaws thoob ntiaj teb no. Yog li peb thiaj yuav tsum tau ceev faj heev thiab yuav tsum koom tes los tawm tsam tus kab mob no yog tias peb xav kom muaj peev xwm pov puag tau teb chaws Australia thiab tej neeg nyob ntawm lub teb chaws Australia no."
Lub caij ntuj so xyoo no 'yuav txawv' li cas thiab.
Zeskais Kidd tau hais tias tseem ntxov heev yuav qhia tau tias seb lub caij ntuj so yuav los txog no tej cuab yig puas yuav mus sib sau ua ke los yog mus koom cov kev ntseeg rau tej nroog sib txwv ntau lub thoob teb chaws no li cas.
"Nyob ntawm teb chaws Australia no ces peb yeej nyiam lub caij ntuj so heev, vim yog ib lub caij uas tej cuab yig yeej ib txwm tuaj sib ntsib sib sau au ke, tab sis tsis muaj hmoo xyoo no peb tau siv cov kev txwv no lawm vim tau muaj tej neeg ntsib cov teeb meem no rau lub caij uas tej neeg tau ncig mus koom kev ntseeg rau xyoo 2020 no, ces ntshe tej koom txoos kev ntseeg yuav muaj rau lub caij ntuj so no yuav txwv xyoo dhau los lawm."
Tej neeg ntawm teb chaws Australia no yuav tsum nyog kom nrug ntawm lwm tus neeg yam tsawg li 1.5 metres. Txheeb xyuas koj lub xeev cov kev txwv seb ho pub sib sau tau ua ke pes tsawg leej xwb.
Yog tias koj tau cov khaub thuas thiab muaj cov yam ntxwv mob no lawm ces nyob twj ywm hauv tsev thiab npaj hu nrog koj tus kws kho mob tham thiab hu rau tus xov tooj 1800 020 080 nrog lub koom haum Coronavirus Health Information Hotline tham tau.
Tsis tas li no SBS tseem muaj tej xov xwm qhia txog tus kab mob no ua 63 hom lus rau koj mloog, saib thiab nyeem tau ntawm:
Txawm li cas los yeej tseem xav kom koj mus txheeb xyuas tau tej xov xwm thaib cov kev taw qhia ntawm tej xeev koj nyob raws li ntawm no thiab: , , , , , ,
Mloog tau xov tooj cua rau hnub zwj Teeb (Thursday) sij hawm 6 pm AEST los yog hnub zwj Hnub (Sunday) sij hawm 11 am AEST, caum peb qab tau ntawm , mloog thiab subscribe rau tej xov xwm kaw ua suab (podcasts) tau ntawm , , thiab los yog download tau kom koj mloog tau
