Tus leej niam ntawm ib tug ntxhais hnoob nyoog 20 xyoo uas nws tej phooj ywg kawm tib chav tej duab hauv lawv cov social media account raug ''coj mus siv'' tsim ua cov duab liab qab cuav ntawd hais tias nws tus ntxhais tau ntuav thaum nws pom lawv tej duab hauv online.
Emily uas yog ib tug Trauma therapist uas tsis qhia nws lub xeem tau hais tias nws tau paub txog tej xwm txheej no rau hmo zwj Cag (Saturday) tias tej tub kawm ua kawm ntawm lub tsev kawm Bacchus Marsh Grammar tej duab raug neeg siv AI coj mus tsim siv ua lwm yam.
Ces thiaj muaj tej txhais kawm txog li 50 tus raug coj mus tsim ua ib co duab kws kho mob.
"Kuv tau mus tos kuv tus ntxhais thaum nws mus pw cuav zos nrog nws tus pheej ywg ces nws chim heev li thiab tau ua rau nws ntuav thiab yog tej duab liab qab ploog,'' raws li Emily tau qhia rau ABC Radio Melbourne.
"Tam li yog ib tug leej niam leej txi, ces peb yeej ua tib zoo qhia peb tej me nyuam, qhia peb tej ntxhais kom tsim ib phau private account siv thiab kom yuav tau kub siab txog phau account ntawd ... tab sis kuj yog tej yam uas tsis muaj peev xwm yuav zam tau. Vim yeej yog tag nrho lawv cov private accounts thiab.
"Nws daim duab raug muab txiav coj mus siv, tab sis kuj tseem ua rau yus mloog tau tias puas tseem yuav raug coj mus siv dua ntxiv thiab muaj tej xwm txheej no rov qab tshwm sim dua ntxiv li cas thiab.''
Emily thiaj tau piav tias yog ib co xwm txheej uas txaus txhawj xeeb heev thiab tau hais tias tej duab uas raug coj mus tsim siv tshiab no mas yog ib co duab liab qab ploog uas nws los twb yuav laug ntuav thiab.
"Yog li ntawd ne peb ho yuav ua li cas kom thiaj npaj tau ib co tswv yim coj los siv kom tsis txhob rov qab muaj tej xwm txheej no tshwm sim ntxiv lawm?''
Bacchus Marsh Grammar ces yog ib lub teej kawm nyob sab qaum teb hnub poob ntawm nroog Melbourne los kuj tau tab tom sab laj daws kev nyuaj siab rau tej tub kawm no rau hnub zwj Feej (Wednesday).
Kevin Richardson uas yog tus kis sawv cev rau tus thawj teej kawm no thiaj tau hais tias tej tub kawm thiab tej cuab yig txoj kev noj qab nyob zoo yog tej tseem ceeb tshaj plaws rau lub teej kawm no.
Richardshon tau hais ib co ncauj lug tias "Bacchus Marsh Grammar yeej paub txog tej yeeb yaj kiab no thiab cov kev coj tej tub kawm ntawm lub teej kawm no tej duab no coj mus tso rau hauv social media. Yog li ntawd lub tsev kawm Bacchus Marsh Grammar no thiaj tab tom ua tus sawv cev rau tej neeg thiab lawv tsev neeg uas raug tej xwm txheej no thiaj li kub siab heev txog tej xwm txheej no thiab tau tham nrog tub ceev xwm Victoria lawm.''
Kuj muaj ib tug kis poj niam ntawm tub ceev xwm Victoria tau hais tias lawv tau muab ib tug me nyuam tub hluas uas cuam tshuam txog tej duab liab qab uas raug coj mus tso rau hauv online no txhom lawm.
Tab sis kuj tau muab nws tso thiab tseem yuav nug thiab tshuaj ntsuam tej xwm txheej no txuas ntxiv.
Thiaj ua rau Matt Canavan uas yog ib tug nom kis xeev siab ntawm pab nom National ntawm xeev Queensland tau hasi tias cov kev coj tej duab no coj mus tso rau hauv social media qhia tau tias .
"Tseem muaj ib co laj thawj dab tsi ua rau tej xwm txheej no yog ib co teeb meem cuam tshuam txog tej kab lis kev cai thoob plaws ntawm peb lub teb chaws, tej cwj pwm uas tsim nyog coj yeej tsis raug cob qhia rau tej me nyuam tub hluas li,'' raws li nws tau qhia rau lub chaw nthuav xov xwm tshooj 9 rau hnub zwj Feej (Wednesday) sawv ntxov.
Senator Matt Canavan says standards of behaviour are not being taught to young boys. Source: AAP / Darren England
"Yog li ntawd tag nrho peb sawv daws yuav tau sib pab los daws tej teeb meem no thiab ua tib zoo xyuas kom tej me nyuam tub hluas nkag siab tias cov kev loj hlob ua ib tug txiv neej yawg zoo li cas tiag thiab yuav tsum ua ib tug qauv zoo raws li teb chaws xav tau.''
Canavan thiaj tau hais tias technology ''yog tej yam uas tseem haj yam'' raug siv coj los qhia txog tej me nyuam tub tej cwj pwm phem xwb thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
