Tsoom fwv NSW tau qhia txog nws tej tswv yim yuav tshem cov kev muab nws lub xeev kaw vim muaj kab mob COVID-19 tias yuav tso kev yooj yim rau tej neeg uas tau hno tshuaj vaccine puv 2 koob lawm, thiab yuav rov qab qhib tej chaw noj haus, gyms thiab tej chaw muaj khoom me dua.
Lub tswv yim hu ua "txoj xub ke tau txais kev ywj pheej" tau raug coj los tshaj qhia rau hnub zwj Teeb (Thursday) dhau los rau lub caij
Raws li lub tsev yim no tau teev tseg ces, yuav tsis hais kom tej neeg muaj hnoob nyoog tshaj 18 xyoo rov saum nyob twj ywm hauv tsev ntxiv lawm yog tias lawv tau hno tshuaj COVID-19 vaccine txwm 2 koob lawm, thiab yuav pib tsis siv cov kev txwv no txij hnub zwj Hli (Monday) no mus lawm tom qab uas lub xeev no muaj nws tej pej xeem 70% hnoob nyoog tshaj 16 xyoo rov saud tau hno tshuaj vaccine txwm 2 koob lawm.
NSW tus hau xeev Gladys Berejiklian hais tias "Peb yeej tau ceeb toom rau nej lawm, tias yog nej tsis tau hno tshuaj vaccine, ces kom kab tsij kub siab mus hno, tsis li ntawd ces nej yuav tsis tau txais kev ywj pheej ntau yam li tej neeg 70% tau hno tshuaj vaccine ntawd tau."
Tsis tas li no los tseem muaj ntau cheeb tsam zos toj siab ntawm NSW uas tsis muaj kab mob COVID-19 sib kis rau lub sij hawm 14 hnub dhau los ces kuj yuav tsis raug txwv txij li ib tag hmo hnub zwj Kuab zwj thaj tim 10.09.2021 no mus lawm.
Raws li tsoom fwv teb chaws tej xov xwm tshiab qhia ces lub xeev NSW tej pej xeem muaj hnoob nyoog 18 xyoo txog 75.6% yeej tau hno thawj koob tshuaj vaccine lawm, thiab yeej muaj nws tej pej xeem txog li 42.7% tau hno tshuaj COVID-19 vaccine txwm 2 koob lawm.
Yog li ntawd ces yog thaum muaj peev xwm hno tau tshuaj vaccine 2 koob rau tej neeg txog 70% lawm ces yuav pub tej neeg sib sau tau ua ke ntawm tsev, ntawm tej pubs, ntawm gyms, koom tau tej rooj tshoob thiab pub mus ntoj ncig. Txuas ntxiv no yog txhua yam koj tsim nyog paub txog tej no.
Cov kev sib sau ua ke
Txog lub caij ntawd ces yuav pub 5 tug neeg sib sau tau ua ke ntawm ib lub tsev yog tias muaj tag nrho txhua tus neeg hnoob nyoob txij 16 xyoo rov sauv tau hno tshuaj vaccine txwm 2 koob lawm (tsis suav cov me nyuam yaus hnoob nyoog 12 xyoos los yog qes tshaj ntawd). Thiab pub 20 tus neeg li hais no sib sau tau ua ke nraum zoov rau ib qho chaw twg tau.
Tej lagluam noj haus, txiav plaub hau thiab gyms
Tej chaw lagluam noj haus ces yuav tsum kom 1 tug neeg twg nyob nrug ntawm lwm tus 4 metres xwm meem, thiab pub ib tug neeg twg nyob nrug ntawm lwm tus 2 metres xwm meem yog lawv nyob sab nraum zoov, rau lub caij lawv sawv haus ib yam dab tsi sib tham.
Tej khw muag khoom me los kuj yuav tau siv tib cov cai kom ib tug neeg twg nyob kom nrug ntawm lwm tus 4 metres xwm meem tib yam thiab, tab sis tsuas pub tej neeg tseem tsis tau hno tshuaj mus siv tau qee cov khw tseem ceeb li tej khw yuav khoom noj khoom haus xwb.
Tej lagluam pab cuam ntiag tug li txiav plaub hau, txiav thiab txuas rau tes ces muaj peev xwm rov qab qhib ua tau lagluam thiab ua raws li cov cai kom ib tug neeg twg nyob nrug lwm tus 4 metre xwm meem, tab sis tsuas pub 5 tug neeg twg mus siv tej chaw no ib zaug rau ib lub caij twg xwb.
Kuj xiv tib cov cai li no los tswj tej gyms thiab cov kev ua kev lom zem sab hauv ib chav tsev twg, uas muaj peev xwm pub neeg txog 20 leej koom tau. Tsis tas li no kuj rov qab pub qhib thiab siv tej chaw sib tw thiab tej chaw ua luam dej lawm thiab.
Friends and families gather for picnics at Cremorne Point on 17 May, 2020 in Sydney, Australia. Source: Getty Images AsiaPac
Tej tshav sib tw, chaw ua yeeb yam thiab kev ua kev lom zem nraum zoov
Tej tshav sib tw, thiab tej chaw xeem nees, chaw ua kev lom zem thiab tej vaj tsiaj muaj cai rov qab qhib thiab tswj tej koom txoos no tau, tab sis tsuas pub 5,000 tus neeg mus koom thiab yuav tsum kom tej neeg no ib tug twg ua raws cov cai nyob kom nrug ntawm lwm 4 metres xwm meem.
Pub neeg txog 500 leej mus koom tau tej koom txoos muag yuaj (tickets) sab nraum zoov uas muaj chaw rau tej neeg zaum.
Tej chaw saib yeeb yaj kiab, tej chaw ua yeeb yam, tej chaw ua paj nruag, chaw saib qub puav pheej, los yog tej chaw saib duab muaj peev xwm rov qab qhib ua luam tab sis yuav tsum pub tej neeg siv tau tej chaw zaum txog 75% xwb.
Tej hluas uas tseem tssi tau hno tshuaj vaccine thiab muaj hnoob nyoog qes dua 16 xyoo ces tsuas pub mus siv ib cov chaw sab hauv tsev twg nrog lawv tsev neeg xwb.
Tej rooj tshoob, ntees thiab tej chaw teev hawm
Tsuas pub 50 tus qhua koom tau ib lub rooj tshoob twg xwb, tso cai rau tej neeg seev cev tau tab sis yuav tsum zaum rooj thaum noj haus.
Pub tej neeg coob tib yam li no mus koom tau tej ntees, thiab yog yuav tsum tau zaum rooj thaum noj haus.
Tej tsev teev ntuj thiab chaw teev hawm muaj peev xwm rov qab qhib siv, tab sis yuav tau ua raws cov cai 1 tug neeg twg nyob kom nrug ntawm lwm tus 4 metres xwmmeem, thiab tsis pub nqua yas suab.
Ntoj ncig
Tso cai rau tej neeg mus ncig tau hauv teb chaws li mus ncig tau rau tej zos toj siab ntawm xeev NSW, mus siv tau tej caravan parks, thiab tej chaw mus pw hmo nuv ntses ua si uas rov qab qhib siv. Tsis tas li no los kuj tso cai rau tej neeg koom siv los yog caij tau ib lub tsheb ua ke mus rau ib qho chaw qhov twg tau lawm thiab.
Kev sib ntaub npog qhov ncauj
Tseem yuam kom tej neeg yuav tsum siv ntau npog qhov ncauj rau txhua qhov chaw sab hauv tsev, los yog nyob rau sab hauv ib qho qhov twg li, thaum siv public transport, yog cov neeg ua hauj lwm tos txais tej qhua uas nyob ntawm hauv ntej, tej kws muag khoom me thiab tej chaw ua lagluam, hauv dav hlau thiab tom tej chav dav hlau. Tab sis tsis hais kom cov me nyuam hnoob nyoog qes dua 12 xyoos siv ntau npog qhov ncauj thaum lawv mus rau hauv tsev ib qho qhov twg. Thiab tsuas hais kom tej neeg ua hauj lwm tos txais qhua siv ntaub npog qhov ncauj thaum lawv nyob nraum zoov xwb.
Leej twg thiaj yog cov yuav tau txais kev ywj pheej me ntsis rau lub caij tswj cov kev ib nyuag ntaug me ntsis?
Tsuas pub tej neeg hno rahuJ COVID-19 vaccine txwm 2 koob thiab tej neeg muaj ib yam mob uas tsis hno tshuaj vaccine tau txais kev ywj pheej me ntsis raws li nom tswv xeev tej tswv yim los tshem cov kev txwv no xwb.
Tsoom fwv yeej lees paub tias ntshe tseem yuav tau los kho tej tswv yim ntxiv thiab ua raws li nom tswv tswj kev noj qab haus huv cov kev taw qhia ''yog tias ho muaj tej xwm txheej hloov saib heev los yog ib thaj chaw twg ho muaj neeg kis kab mob coob heev."
Thaum nug txog tias 12 lub zos txaus txhawj xeeb no puas yuav tau txais txiaj ntsim dab tsi los ntawm cov kev tso kev yooj yim me ntsis rau cov kev txwv rau lub xeev no, ces Dominic Perrottet uas yog tus nom tswj nyiaj txiaj rau tsoom fwv xeev NSW hais tias " muaj qee zaum ces yog peb yuav tau hloov thiab yog tias tej chaw ntawd muaj neeg kis kab mob coob heev ces yuav siv ib cov kev txwv tsi ntsees los tswj tej xwm txheej no thiab.
Tej zos toj siab ntawm xeev NSW ne?
Lub xeev no tej zos ib nrab ntawm sab qaum teb npuab ntug hiav txwv, tej zos qaum teb npuab ntug hiav txwv, Albury, Riverina thiab Murrumbidgee ces yuav tsis raug txiv ntxiv txij ib tag hmo hnub zwj Kuab (Friday) tim 10 lareas will emerge from lockdown at midnight on Friday, 10.09.202 no lawm.
Tab sis tseem yuav muab cov zos qee cheeb tsam ntawm sab qab teb lub xeev no, cov sab sab qab teb hnub tuaj, Illawarra, Shoalhaven, Hunter, Central Coast, central west thiab qee thaj chaw nyob deb ntawm sab hnub poob no kaw li qub txuas ntxiv.
Hos tej chaw uas tshem cov kev txwv kom tej neeg nyob twj ywm hauv tsev lawm ces yeej tsuas pub tej neeg coob txog 5,000 tus mus koom tau tej chaw ua kev lom zem nraum zoov li tej chaw sib tw, chaw xeem nees, tej chaw ua kev lom zem, tej vaj tsiaj uas tso cai rov qab qhib tau tab sis yuav tsum xyuas kom ib tug neeg twg nyob kom nrug ntawm lwm tus li 4 metres xwm meem.
Tso cai rau 500 tus neeg mus koom tau tej koom txoos ua nraum zoov los yog tej chaw ua kev lom zem uas uas muag yuaj (tickets) thiab muaj rooj rau tej neeg zaum li chaw saib yeeb yaj kiab, chaw saib duab ces muaj peev xwm rov qab qhib ua luam tab sis tsuas pub neeg txog 75% mus koom xwb.
Tej rooj tshoob tshoob, thiab ntees ces tsuas pub 50 tus neeg mus koom xwb, hos tej tsev teev ntuj thiab tej chaw teev hawm ces tsuas pub tej neeg mus koom tau ntawd kom ib tug twg yuav tsum nyob kom nrug ntawm lwm tus li 4 metres xwm meem thiab tsis pub nqua yas suab.
Tseem yuam kom tej neeg yuav tsum tau siv ntaub npog qhov ncauj thaum lawv mus siv zej tsoom ib qho chaw sab hauv tsev qhov twg, cov chaw noj haus, tej khw muag khoom, chaw txiav plaub hau thiab txiav txuas rau tes los yeej muaj cai rov qab qhib tab sis tseem muaj qee cov kev txwv los tswj.
Tsuas pub tej neeg txog li 5 leeg sib sau tau ua ke ntawm tsev, thiab pub 20 tus neeg sib sau tau ua ke sab nraum zoov xwb. Tej gyms thiab tej chaw sib tw ces yeej muaj peev xwm rov qab qhib siv tab sis yeej tseem muaj qee cov kev txwv los tswj.
Txawm li cas los NSW tus lwm hau xeev John Barilaro kuj tau ceeb toom tias tej zaum ntshe tseem yuav rov qab siv cov kev yuam kom tej neeg nyob twj ywm hauv tsev ntxiv thiab txawm tias tsuas muaj 1 tug neeg kis tau kab mob tshiab rau ntawm tej zos ntawm ib lub twg xwb.
Nws hais tias "Ces thiaj txawv tej xwm txheej ua ntej yuav muaj cov kev kaw xeev lawm."
Hos yuav muaj dab tsi tshwm sim thaum muaj neeg hno 2 koob tshuaj txog 80% lawm?
Thaum lub xeev no muaj neeg hno tshuaj COVID-19 vaccine txwm 2 koob txog li 80% lawm ces tus tsoom fwv NSW no yeej hais tias nws yuav tso kev "ywj pheej ib nyuag ntau zog tuaj ntxiv" rau tej neeg mus ncig txawv teb chaws, tso cai rau tej zej zog koom kev sib tw, koom tau tej koom txoos tseem ceeb thiab ua tau lwm yam lawm thiab.
SBS tab tom txhais ib cov xov xwm tshiab uas nom tswv tau tshaj tawm txhua hnub ntawm NSW thiab Victoria txog kab mob COVID-19 thiab nrog tej neeg nthuav xov xwm tham ua ntau hom lus.
