Tej neeg Australia uas twb tau hnob tshuaj tiv thaiv tus kab mob coronavirus no lawm muaj peev xwm mus download tau daim ntawv pov thawj hno cov tshuaj no hauv tsoom fwv tej apps coj los khaws cia rau hauv lawv tej xov tooj ntawm tes tau. Raws li Stuart Robert uas yog tsoom fwv tus pwm tsav lis tej laj fai pab cuam tau qhia rau hnub zwj Hnub (Sunday) tim 7.2.2021 dhau los.
Tsis tas li no los tej neeg yeej tseem muaj peev xwm thov tau daim ntawv pov thawj hno tshuaj coronavirus vaccine tiag tiag tau thiab.
Mr Robert hais tias "Qhov tseem ceeb tshaj plaws xav kom neeg Australia paub ces lawv yeej yuav tau ib daig ntawv pov thawj hno tshuaj tsis hais yog daim ntawv pov thawj tiag tiag los yog daim digital copy. Yog li Australia tej neeg txog li 88% uas muaj xov tooj ntawm tes ces yeej muaj peev xwm mus download tau daim ntawv pov thawj digital copy los cia rau hauv lawv tej xov tooj."
Nws hais ntxiv tias "Tej neeg yeej muaj peev xwm luam daim ntawv pov thawj no, los yog hu xov tooj nrog Servies Australia tham, los sis mus kiag ntawm tej chaw pab cuam no kom lawv pab luam rau yus los tau. Yog li ntawd yog tias txhua tus neeg Australia xav tau ib daig siv los lawv twb muaj khaws cia lawm."
Yog li ces thiaj yuav muaj peev xwm yuav rub tau tej ntawv pov thawj no coj los cia rau hauv yus lub xov tooj los yog luam coj los khaws cia yog thaum tej kws kho mob los yog cov kws muag tshuaj hno cov tshuaj no thiab tau teev zwm sawv daws tej xov xwm rau hauv qhov chaw teev zwm haiv neeg no tej neeg hno tshuaj vaccine (National Immunisation Register) lawm.
Vim rau qhov tias tej zaum yog koj mus rau qee thaj chaw uas yuav kis tau tus kab mob coronavirus yooj yim li tej tsev laus lawm, ces tej zaum yuav tau siv daim ntawv pov thawj no. Tab sis tej nom tswv xeev tseem yuav los txiav txim siab tias seb ho yuav tswj dej dej num no li cas los yog ho yuav siv li cas ntxiv tso.
Tsoom fwv teb chaws yuav tsis txiav txim siab tias kom tej nom tswv xeev siv tej cai li cascoj los tswj cov kev siv cov ntawv pov thawj hno tshuaj vaccine no li cas.
Lub hlis dhau los ces nom tswv xeev New South Wales yeej tau tawm tswv yim tias tej zaum yuav kom tej neeg mus siv tej pubs, cafes thiab tej khw noj mov ntawm nws lub xeev yuav tsum muaj daim ntawv pov thawj no.
Tab sis ntshe tej zaum tseem yuav yog lub limtiam tom ntej no thiab mas seb tsoom fwv pawg nom tseem ceeb puas pom zoo mas thiaj yuav siv tau daim ntawv pov thawj hno tshuaj vaccine no thiab.
Mr Robert tau hais tias yuav siv daim ntawv pov thawj hno tshuaj vaccine no rau lub caij yuav rov qab qhib ciam teb rau pej kum haiv tuaj thiab, tab sis kuj tsis qhia tias ho puas yuav muaj neeg lees paub txog tej ntawv pov thawj no npaum li cas thiab.
Mr. Robert tau hais tias "Tej zaum yeej yuav hais kom tej neeg txawv teb chaws tuaj rau teb chaws Australia no yuav tsum muaj daim ntawv pov thawj no, thiab peb mam li koom tes nrog tej nom tswv txawv teb chaws txog tej hauj lwm ntawv pov thawj hno tshuaj vaccine no."
Pej kum haiv lub koom haum yav dav hlau (International Air Transport Association) hais tias twb ze ze rau qhov lawv yuav npaj tau cov ntawv tso cai (cov ntawv pov thawj hno tshuaj vacine) no ua digital copy rau tej neeg lawm kom thiaj li muaj peev xwm tswj tau kev nyab xeeb rau kev qhib ciam teb rau neeg txawv teb chaws tuaj.
Ces nws thiaj tau koom tes nrog pej kum haiv tej tuam txhab ya dav hlau (International Airline Group) tab tom los tsim cov ntawv pov thawj no, thiab yuav tswj, los yog yuav txheeb kom paub txog tej xov xwm txog tej neeg cov kev sim los yog cov kev hno tej tshuaj vaccine nrog tej nom tswv, tej tuam txhab dav hlau, tej chaw sim, thiab tej neeg ncig teb chaws."
Tsoom fwv Australia tau txiav txim siab tsis siv lub app txawv thiab tsuas siv lub app qub uas siv tam sim no lawm xwb, tom qab tau muaj ntau yam xwm txheej cuam tshuaj txog cov kev siv lub COVIDSafe app no.
Tsoom fwv yeej tau siv nyiaj ntau roob (millions) dollars los tsim thiab los haub tau yam lub COVIDSafe app no, tab sis tej xeev feem ntau yeej pom tau tias lub app no tsis tshua muaj peev xwm siv coj los txheeb tau tej neeg uas tau nyob ze nrog tej neeg kis tau tus kab mob COVID-19 no zoo.
People in Australia must stay at least 1.5 metres away from others. Check your jurisdiction's restrictions on gathering limits.
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at .
Please check the relevant guidelines for your state or territory: , , , , , , , .
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
