Cov ciam teb ntawm xeev New South Wales thiab xeev Victoria yuav raug muab kaw rau hnub zwj Quag (Tuesday) tim 7 July 2020 lawm, thiab yog thawj zaub uas tau muab cov ciam teb ntawm 2 lub xeev no kaw txij li tau muaj cov kev txwv ntau yam raug coj los siv pib txij li thaum tau muaj tus kab mob coronavirus sib kis los txog tam sim no.
Daniel Andrews uas yog tus hau xeev Victoria tau qhia meej tseeb txog cov kev txiav txim siab no rau thaum sawv ntxov hnub zwj Hli (Monday) sawv ntxov rau lub caij uas lub xeev no muaj neeg kis tau tus kab mob coronavirus no tshiab txog li 127 tus neeg ib hmo dhau los lawm, uas yog cov kev sib kis tus kab mob no coob tshaj plaws rau cov kev sib kis ntawm ib hnub twg ntawm lub xeev no.
Txuas ntxiv ntawd nws kuj tau qhia tias muaj ib tug txiv neej hnoob nyoog tshaj 90 xyoo tau tas sim neej vim kis tau tus kab mob no lawm rau hnub zwj hnub (Sunday 5 July) thiab tag kis no sawv ntxov hnub tim 6 July 2020 zwj Hli (Monday) no ces kuj tau muaj ib tug txiv neeg hnoob nyoob 60 tawm xyoo tas simneej lawm thiab, ces tus kab mob no thiaj tau ua rau teb chaws Australia muaj tej neeg tas sim neej tag nrho txog li 106 tug neeg lawm.
Kim Andrews tau qhia tias yeej tau sab laj txog cov kev txiav tsim siab kaw ciam teb no nrog Australia tus thawj pwm tsav Scott Morrison thiab hau xeev New South Wales Gladys Berejiklian lawm.
Yog li ntawd thiaj yuav kaw cov ciam teb li hais no txij ib tag hmo hnub zwj Quag (Tuesday) tim 7 July 2020 lawm, thiab yuav txib tub ceev xwm los zos cov ciam teb ntawm NSW sab ciam teb raws li Mr Andrews tau qhia.
Mr Andrews tau qhia rau tej neeg tshaj xov xwm tias peb tu pom zoo tias yog tej yam zoo tshaj plaws uas tsim nyog yuav tau kaw ciam teb lawm. Thiab yuav kaw rau ntawm xeev NSW sab ciam teb, kom txhob cuam tshuam txog peb tej peev txheej coj los siv tswj thiab tawm tsam nrog tus kab mob coronavirus tam sim no thoob plaws ntawm peb lub xeev. Cov kev kaw ciam teb no tsuas yog ib cov tswv yim coj los ua kev ceev faj xwb, yog ib yam ntawm ntau yam uas kuv xav tias yuav pab kom peb muaj peev xwm tswj tau tus kab mob coronavirus no kom txhob sib kis ntxiv.
Tau muaj tus kab mob COVID-19 no sib kis coob heev rau 2 hnub so dhau los no, thiaj ua rau muaj neeg kis tau tus mob no tshiab txhob 108 tus neeg rau hnub zwj Cag (Saturday 4 July) dhau los.
Ces cov xwm txheej sib kis tus kab mob no rau hnub zwj Cag (Saturday) no thiaj ua rau nom tswv tau txwv 9 lub tsev Flat siab uas yog cov public housing ntawm North Melbourne thiab Kensington raug muab kaw yam tsawg li 5 hnub lawm.
Mr Andrews tau hais rau hnub zwj hli (Monday 6 July) no tias tej zaum yuav muab kaw ntev txog 2 limtiam los kuj tau.
Nws hais tias yeej tau hais tias yuav kaw li 2 limtiam tab sis tej zaum kuj yuav tshem cov cov kev txwv no ntxov dua ntawd thiab los kuj tau.
A sign is seen on a window at one of the public housing towers on Racecourse Road in Flemington, Melbourne. Source: AAP
Yog li ntawd tam sim no xeev Victoria thiaj tseem muaj neeg yuav laug txog li 650 leeg yog cov uas kis tau tus mob COVID-19 no.
Mr Andrews tau los thov txim rau cov kev kaw ciam teb no uas ua rau tej neeg nyob ntawm cov zos li Albury-Wodonga uas nyob raws cov ciam teb tsis muaj peev xwm ua tau lub neej li qub lawm.
Tab sis yeej tseem yuav los qhia rau sawv daws paub tias rau yav lig hnub zwj Hli (Monday 6 July) no tias yuav tso cai rau tej neeg mus los tau li cas, thiab yeej tseem yuav npaj ib cov chaw ntawm ciam teb los txheeb tej neeg uas yuav tau hla ciam teb mus los uas yuav tau mus ua hauj lwm xwb xwb li tsis mus tsis tiav ntawd thiab.
Hos thaum yav lig hnub zwj Hli (Monday) no los Ms Berejiklian kuj yuav los qhia txog tej xov xwm no rau tej chaw nthuav xov xwm paub thiab.
Ms Berejiklian tau hais tias cov kev muab ciam teb kaw yog ''tej yam tsim nyog ua lawm'' yog xam rau tej xwm txheej uas tseem muaj neeg kis tus kab mob no ntawm xeev Victoria tej zejzog.
Thaum peb haiv neeg muaj neeg kis tau tus kab mob coronavirus no coob rau lub 2 hlis thiab 3 hlis ntuj, ces tej neeg feem coob yeej yog cov mus ncig txawv teb chaws rov qab los xwb, lo ssis yog cov neeg uas tau mus kis kiag ntawm lwm tus neg ncaj qha xwb. Tab sis tej tau tshwm sim ntawm xeev Victoria yeej txawv deb heev, yog li peb thiaj yuav tau ua raws li qhov tsim nyog ua xwb," nws tau qhia rau tej neeg tshaj xov xwm ntawm nroog Sydney.
Tab sis Ms Berejiklian yeej tau qhia tias tsis muaj qab hau yuav muab lwm lub xeev cov ciam teb kaw tsis pub cov neeg ntawm xeev New South Wales mus rau lawv tej xeev thiab.
Yeej tsis muaj chaw yeb rau lwm lub xeev yuav kaw lawv tej ciam teb li dua ntawm xeev Victoria lawm xwb, Kuv thiaj nqua hu kom tag nrho lwm cov xeev ntawm teb chaws Australia ua tib zoo xav thiab nco ntsoov txog tias peb haiv neeg no tej txiaj ntsim.
Annastacia Palaszczuk uas yog tus hau xeev Queensland los yeej tau zoo siab rau cov kev kaw ciam teb tnawm xeev NSW-Victoria rau ntawm nws pha Twitter account.
Mick Fuller uas yog tus hau tub ceev xwm ntawm NSW tau qhia tias lub tuam chav tiv thaiv teb chaws tau hais kom tub ceev xwm mus pab nrog xyuas cov kev kaw ciam teb no.
Nws tau hais tias "yog tej yam nyuaj kawg tab sis kuj yog tej yam lawv ua tau thiab," yog tham txog cov kev yuav hla tej ciam teb raug kaw no rau thaum ntxov thawj 3 hnub uas pib txwv ntawd yog li lub koom haum Services NSW thiaj li yav npaj ib cov ntaub ntawv online rau tej neeg uas xav thov hla cov ciam teb no tau mus thov siv rau hnub zwj Quag (Tuesday) no.
Ces tej zaum thiaj yuav tau ncua sij hawm me ntsi rau lub caij aus peb los txheeb xyuas tias yuav pub leej twg hla ciam teb mus ua tau hauj lwm. Thiab peb mam li ua tib zoo txheeb xyuas tej neeg uas xav hla ciam teb mus rau xeev New South Wales kom pov puag tau tej neeg ntawm lub xeev no.
NSW kuj tau cej luam qhia tias muaj neeg kis tau tus kab mob COVID-19 tshiab txog li 10 tus neeg rau hnub zwj Hli (Monday 6 July) no, tab sis tsis muaj ib tug twg yog cov kis tau tus kab mob no hauv tej zejzog li.
Download tau lub los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.
Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Ntiaj teb muaj neeg kis tau kab mob COVID-19 npaum li no:
Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:
