Cov ntsiab lus tseem ceeb:
- Cov neeg uas xav thov visa txij nkawm tsis muaj peev xwm tuaj tau rau teb chaws Australia txawm tias tus neeg ntawd tau txais kev tso cai tuaj nyob tau 9 hli.
- Ntshe yuav muab tej sij hawm txheeb xyuas cov visas txij nkawm no ncua vim tsoom fwv tau kaw teb chaws thiab txwv tsis pub neeg mus ncig.
- Muaj tsawg tus neeg uas thov cov visas txij nkawm thiaj tseem muaj peev xwm thov tau cov visitor visas tuaj tau rau teb chaws Australia.
John Hourigan uas yog tus coj ntawm lub koom haum teeb txheeb txog cov kev tsiv teb tsaws chaw ntawm teb chaws Australia (Migration Institute of Australia0 hais tias ntawm cov visa txij nkawm uas tau xa rau tsoom fwv, tsuas muaj 40,000 daim thiab raug txheeb xyoo no xwb.
Thiab nyob rau lub caij tseem muaj tus kab mob COVID-19 no ntshe tej neeg thov cov visas txij nkawm no tseem yuav raug ncua thiab tau tos ntev tshaj lub sij hawm ib txwm thov tau li 1 xyoos 6 hlis.
Qhov no txhais tau tias koj yuav tau tos ntev tshaj 2 xyoos nom tswv mam li los txheeb xyuas koj tej ntaub ntawv txij nkawm no.
Maggie Taaffe yog ib tug coj kws lij choj thiab yog tus kws lij choj paub zoo txog cov kev tsiv teb tsaws chaw ntawm lub koom haum AHWC Immigration Lawyers hais tias cov kev pauv hloov tas mus li thiab cov kev tsis muaj kev dawb huv rau cov kev txiav txim rau cov visas txij nkawm tias yuav thov tau los tsis tau li cas ntawd thiaj ua rau tej neeg tuaj thov kev pab cuam ntawm nws nyuaj siab ntxhov plawv heev vim tej neeg no tsis muaj peev xwm yuav mus xyuas tau lawv tus txij nkawm txawv teb chaws los yog tus txij nkawm txawv teb chaws tsis muaj peev xwm tuaj xyuas tau tus neeg lawv hlub ntawm teb chaws Australia no.
Nws thiaj hais tias cov kev raug cai thiaj yog tej yam uas tej neeg tuaj sab laj rau nws pom tas mus li, kuj muaj ib txhia muaj teeb meem nyuaj siab heev txog nyiaj txiaj, hos lwm cov yeej txhawj xeeb heec tias tsam lawv tsis muaj sij hawm txaus los pib cuab yig kom muaj tub ki vim cov kev tos kom tau cov visa txij nkawm no siv sij hawm ntev heev ces lawv muaj hnoob nyoog zujzus tuaj lawm.
Peb yeej paub tias ib txhia muaj teeb meem mob hlwb vim lawv tsis paub li tias xyov thaum twg thiaj nyiaj ntxeem dhau thiab xaus tau tej xwm txheej no.
Hourigan hais tias txawm li cas los yeej tseem muaj ib cov hauv kev rau tej txij nkawm txawv teb chaws tuaj tau rau teb chaws Australia thiab.
Lawv yeej muaj peev xwm thov tau cov visa tuaj xyuas (Visitor’s visa) yog tias lub tuam chav tswj ciam teb (Australian Border Force commission) pom zoo tso cai rau tus neeg ntawd tuaj tau rau teb chaws Australia, tab sis yeej nyob ntawm tej ntaub ntawv uas 2 tug txij nkawm ntawd xa rau nom tswv coj los qhia rau nom tswv tias puas yog tej txij nkawv txawv teb chaws ntawd xav sib yuav ua txij nkawm tiag tiag nrog ib tug pej xeem Australia los yog ib tug neeg nyob ruaj ntawm teb chaws Australia no.
Saib SBS cov dab neeg tseeb hu ua "Leej twg muaj cai nyob tau ntawm teb chaws Australia"-Who gets to stay in Australia toom 1 (Episode 1) tau ntawm no:
Thiaj ua rau Hourigan thiab Taaffe nkawv pom tau tias nyuaj kawg nkaus rau tej neeg thov visa txij nkawm yuav muaj cai tuaj tau rau teb chaws Australia no rau lub caij muaj kab mob COVID-19 no, vim nom tswv yeej tsis lam yuav pub neeg tuaj tau yooj yim.
Thiaj li ua rau nkawv poob rau tej zwj ceeb uas nkawv tsuas muaj sij hawm 9 hlis tuaj rau teb chaws Australia no xwb ua ntej yuav tsis muaj sij hawm rau tej neeg thov cov visas txij nkawm txawv teb chaws ntawd tsis muaj peev xwm tuaj lawm.
Nyob rau lub caij uas Taaffe txhawj xeeb tias puas tej neeg uas twg muaj cai tau cov visa txij nkawm (Fiance Visa) lawm tseem yuav tau pib dua tej txheej txheem thov visa tshiab dua thiab tom qab nom tswv pub tej neeg tuaj tau rau teb chaws Australia, Hourigan xav tias nyob ntawm seb lub tuam chav ntawd puas kam rov qab muab dua visa rau tus txij nkawm txawv teb chaws tuaj rau teb chaws Australia dua xwb.
Muaj qee cov neeg uas thov cov visa txij nkawm no tuaj ces, ntshe tseem yuav tau ua tib zoo rov qab yuav tau qhia rau nom tswv dua tias lawv puas xav sib yuav ua txij nkawm tiag tiag.
Ces haj yam ua rau nyuaj zog ntxiv rau tej neeg ntawm teb chaws Australia uas xav tos lawv tej txij nkawm txawv teb chaws tuaj nrog lawv nyob teb chaws Australia no.
Luciano uas yog ib tug neeg Peruvian thiab nws tus hluas nraug neeg Australia hu ua Drew thiaj tau thov nkawv cov visa txij nkawm rau lub sij hawm 5 xyoos dhau los.
Tab sis vim Luciano tau nyob ntawm teb chaws Australia no ntev tshaj tej visa nom tswv pub nws nyob ua ntej nws ntsib Drew ces thaum xub nom tswv thiaj tsis pub visa txij nkawm rau nws tuaj, thiab nkawv yuav tau mus hais ntawm lub chaws Administrative Appeals Tribunal los yog AAT rov qab los txheeb tias vim li cas nom tswv thiaj tsis pub visa rau nkawv, txuas ntxiv ntawd ces yog nom tswv tsis kam ces mam li mus hais ntxiv nrog Federal Circuit Court tab sis tam sim no nkawv yuav tau rov qab mus hais ntawm AAT dua ib zaug ntxiv thiab.
Drew hais tias feem ntau mas tsuas sau 2 daim ntawv thov tej visa no xwb, tab sis qhov tseeb tiag tsis yog li hais ntawd thiab yuav tau siv caij nyoog thiab siv nyiaj txiaj ntau heev yog tham txog nkawv lawm.
Lawv yuav nug tias yus pw hom txaj zoo li cas? yus cov txhuam hniav zoo li cas? Yus puas hnav tej ris tsho uas xuas tawv ua? Thaum lawv saib yus tej SMS thiab lawv txheeb yus tej xov tooj tias yus hu nrog leej twg tham. Los yog yeej nug yus dab tsi los tau thiab nug txhua txhua yam li.
Hourigan hais tias yeej muaj peev xwm qhia tau tias seeb yus puas yuav thov tau tej visa txij nkawm no thiab, tsuas nyob ntawm seb yus ho teev zwm txog yus tej xwm txheej nkauj nraug tseg zoo npaum li cas li khaw tej pov thawj tim khawv qhia tau tias yus ua nkauj nraug, thiab yus yeej sib txuas lus ua ntuv zus rau lub caij uas yus thiab yus tus txij nkawm nyob sib nrug ntawd xwb, los yog seb 2 tug neeg ntawd ho xa nyiaj sib pab los khiav tau ntaub ntawv, npaum li cas los yog ho sib pab li cas hauv lub cuab yig xwb.
Raws li Taaffe qhia thaum uas yus tau xa tej ntaub ntawv thov cov visa txij nkawm lawm ces yeej tseem yuav tau npaj kom tau daim ntawv raug txim (police check) los txheeb xyuas tias seb yus puas rau txim dab tsi thiab ntawv txheeb xyuas seb yus puas muaj mob thiab.
Tab sis qhov cov heev ntawm tej ntaub ntawv no uas qhia txog tias yus puas yog ib tug neeg zoo thiab puas noj qab haus huv no tsuas siv tau 1 xyoos xwb thiab.
Taaffe hais tias kev npaj tej ntaub ntawv no tsis yog tej yam yooj yim rau lub caij zoo tshaj plaws thiab, thiab haj yam nyuaj rau lub caij muaj kab mob COVID-19 no ces tej neeg xav thov cov visa txij nkawm no yuav tsum tau npaj tej ntaub ntawv qhia txog lawv tus kheej () txawv teb chaws.
Drew thiaj xav kom tej neeg uas xav thov cov visa txij nkawm (Partner visa applicants) yuav tsum thov kws lij choj pab cuam thiab taw qhia rau lub caij lawv npaj tej xov xwm no kom txhob tau siv nyiaj ntau caum txheeb dollars thiab yuav tau tos ntev heev mam li thov tau tej visa no.
Lub tuam chav Department of Home Affairs yeej tsis teb ntau cov lus nug txog cov partner visa uas yuav tau tos raws li lub caij nom tswv tau teev tseg uas lawv los txheeb xyuas tej ntaub ntawv no.
Yog tias siv sij hawm ntev tshaj li 21 mus txog 28 hlis los yog ze txog ntawm 1 xyoos los yog 1 xyoos 4 hlis lawm ces lub tuam chav tswj cov kev tsiv teb tsaws chaw yuav tsis kam teb lus nug dab tsi txog rau thaum xau rau lub caij 28 hlis tso.
Taaffe thiab Hourigan thiaj hais tias qhov zoo tshaj plaws tsim nyog ua rau lub caij no ces yuav tsum tau npaj kom tau tej ntaub ntawv pov thawj tim khawv coj los rau nom tswv qhia kom tau rau nom tswv paub tias yus yeej sib tham sib hlub tiag tias thiab xav sib yuav ua txij nkawm tiag tiag li khaws thiab teev yus tej emails thiab tej social media uas yus siv los sib tham sib txuas lus ntawd tseg cia.
Taaffe tseem tau qhia ntxiv tias lawv yuav tau mus teev xwm thiab xa tej ntaub ntawv yuav lawv tus txij nkawm rau ntawm tej xeev uas nom tswv tso cai pom zoo rau tej poj niam yuav poj niam los yog txiv neej yuav txiv neej tau ntawd thiab, kom thiaj li muaj peev xwm thov tau visa los yog muaj cai tuaj tau rau Australia no.
Hos nyob rau lub caij no Luciano los kuj muaj peev xwm los xyuas kom nws muaj cai ua tau hauj lwm tam li ib tug neeg ua zaub mov noj thaum nws thov tau nws daim bridging visa lawm thiab. Nws ntseeg tias yog tias yus xav mus rau kis zoo ces thaum kawg nws yeej yuav thov tau nws daim visa xwb.
Hos Drew ces kuj cia siab tias nws yuav paub tseeb tias seb nkawv puas yuav muaj peev xwm ua tau lub neej pem suab ua ke.
Koj muaj peev xwm soj qab tau lw txog Luciano thiab Drew nkawv cov kev thov visa, nrog rau tej visa no, nrog rau tej dab neeg ntawm tej neeg tsiv teb tsaws chaw thiab tej cuab yig uas muaj 4 toom tis npe hu ua "Leej twg muaj cai nyob tau ntawm teb chaws Australia?' los yog “Who Gets to Stay in Australia?” coj los tso ntawm SBS TV sij hawm 8:30pm rau hnub tim 1 July 2020 txog cov visa txij nkawm, cov neeg migrant agent-cov neeg pab khiav ntaub ntawv rau tej neeg tsiv teb tsaws chaw yuav coj los tso rau sawv daws tau saib rau hnub tim 17 July 2020 no ntxiv.
AAP Image/EPA/JAGADEESH NV
Xav kom koj paub tias tej lus tawm tswv yim ntawm zaj xov xwm no tsuas yog cov lus tawm tswv yim taw qhia dav dav xwb yuav tsis muaj peev xwm siv tau rau txhua cov xwm txheej. Yog tias koj muaj kev txhawj xeeb txog koj tej visas, ces qhov zoo tshaj plaws tsim nyog koj yuav tsum tau sab laj nrog tej kws lij choj kom sai npaum li sai tau.
Cov documentary "Who Gets To Stay In Australia" ua raug tso rau ntawm SBS TV hnub zwj Feej (Wednesday) tim 1 July 2020 uas qhia tog Satinder thiab nws tus txiv Sumit nkawv zaj dab neeg yeej muaj peev xwm saib tau ntxiv ntawm thiab.
Yog koj xav tau ntau yam xov xwm qhia txog txoj kev ua lub neej ntawm teb chaws Australia no ces koj txheeb tau ntxiv ntawm .
Tej neeg nyeem xov xwm yeej muaj peev xwm hu thov kev pab cuam nrog lub koom haum Lifeline thov kev pab cuam raws li tus xov tooj 13 11 14 thov kev pab cuam daws teeb meem nyuaj siab ntxhvo plawv tau, los yog hu rau cov kev pab cuam uas tej neeg yuav txov txo lawv tus kheej txoj sia li Suicide Call Back Service raws tus xov tooj 1300 659 467 thiab hu tau rau Kids Helpline ntawm tus xov tooj 1800 55 1800 rau tej hluas muaj hnoob nyoog 5 xyoos txog 25 xyoos. Yog koj xav tau xov xwm ntxiv txog cov kev pab cuam daws teeb meem mob hlwb thiab nyuaj siab ntxov plawv ces mus txheeb xyuas tau ntxiv ntawm cov koom haum no tej vam sab li thiab .
Lub koom haum los yeej yog ib lub koom haum muaj cov kev pab cuam daws teeb meem mob hlwb thiab nyuaj siab ntxhov plawv rau tej neeg coj ntseeg kev cai dab qhuas thiab hais ntau hom lus sib txawv uas lawv yeej muaj ntau yam xov xwm ua ntau hom lus rau tej neeg txheeb xyuas tau. Yog koj xav tau lwm cov cawm thov kev pab cuam ua ntau hom lus ces .
