Raws li Joanna Hall uas yog ib tug neeg sib tw ntaj nrog cov kev sib tw Olympic 2 zaug sawv cev rau teb chaws Australia dhau los rau xyoo 2000 thiab 2008 ces nws qhia tias txij li nws kis tau tus kab mob coronavirus tshaj 7 limtiam dhau los nws yeej tseem muaj lwm cov yam ntxwv mob li ntuav, los ntshav rau tej pos hniav, mob taub hau, cim xeeb tsis zoo nco tsis tau dab tsi zoo pes tsawg lawm, nkees nkees thiab txog txog siav. Ces nws thiaj tsuas muaj peev xwm tham ib hnub ib zaug txog li 15 ntiag tiv xwb, mus tsis tau kev ceev los yog khiav tsis taus lawm.
Ms Halls qhia rau SBS News tias " Kuv yeej ib txwm yog ib tug neeg muaj zog, tab sis tam sim no ces kuv mloog tau tias zoo li kuv yog ib tug pog laus tsis muaj zog lawm xwb, qee zaus ces pheej ua rau kuv tsis qab siab ua ib yam dab tsi, ua ywj fab ywj feej thiab thaum kuv mus taug kev ces zoo li pheej tsis muaj zog thiab tsaug tsaug ib ces los yog nkees nkees tsis muaj zog li."
Ms Halls hais tias tej neeg mob kis tau tus mob no yeej muaj lwm cov yam ntxwv mob ntxiv thiab. Nws xav tias vim nws noj qab nyob zoo thiab ib ce cus plaws ces yeej yuav zoo sai thiab muaj peev xwm yuav rov qab ua tau hauj lwm rau ntau limtiam tom qab zoo lawm.
Joanna Halls (left) at the 2008 Beijing Olympic Games. Source: Getty Images
Ms Hall hais tias “Muaj neeg coob heev tseem xav tias lawv tsuas muaj tej yam ntxwv mob dog dig xwb ces yeej yuav zoo rau 2 limtiam, vim cov yam ntxwv mob ntawd zoo li tau khaub thuas xwb thiab yog yus mob hnyav ces thiaj raug coj mus kho ntawm tsev kho mob xwb, tab sis muaj neeg coob heev tseem tsis totaub tias yeej muaj kev cuam tshuam mob lwm yam ntev ntxiv thiab ces thiaj yog tej yam txaus ntshai heev."
Yog li thiaj muaj tau muaj ib cov social media tau los tsim tsa ib cov account hu ua “Long COVID Support Group” coj los qhia txog cov yam ntxwv mob ntev tom qab zoo ntawm tus kab mob coronavirus raug tsim tsa coj los qhia tej neeg kis tau cov mob no uas zoo lawm kom paub txog rau lub caij tej neeg kho mob thiab tsoom fwv tsis muaj peev xwm los tawm tsam nrog tus kab mob no thiab tej neeg tau tas sim neej coob tuaj ntxiv.
Dua ntawm pawg social media no yog ib qho chaw pab kom lawv sib cuag tau xwb tej pab neeg no tseem yog tej yam tseem ceeb uas pab tej kev teeb txheeb thiab qhia kom tej neeg paub txog tej yam ntxwv mob ntawm tus mob coronavirus uas mob ntev ntxiv tuaj thiab.
Pab neeg uas siv pahu Facebook account hu ua ''Long COVID Support Group'' yeej muaj cov tub koom siab coo tshaj 20,000 tus thoob ntiaj teb, yeej tau qhia txog tej yam ntxwv mob coronavirus uas tsis tau pom dua uas tau muaj rau lawv li: xoo pob, ua rau qhov muag plooj tsis pom kev zoo, xim tawv nqaij pauv xim, pw tsis tsaug zog uas yog qee cov yam ntxwv tau muaj rau lawv ib txhia rau lub sij hawm ntev dua 6 hlis. Tsis tas li ntawd pab neeg no kuj muaj cov links mus txheeb tej xov xwm, tej kev taw qhia pab lwm tus tias yuav ua li cas thiaj ntxeem dhau los yog sib pab ib tug twg uas muaj tej yam ntxwv mob no.
yeej tau qhia tias yog muaj tej yam ntxwv mob dog dig xwb ces yeej yuav zoo rau lub sij hawm 2 limtiam lawm.
Lesley MacNiven uas yog ib tug poj niam hnoob nyoog 52 xyoos thiab yog ib tug neeg sau ntawv los yeej tseem ntsib cov yam ntxwv mob no ntev txog li 6 hlis diam thiab. Nws kuj yog tus tswj tej neeg kom txhob muaj kev cov nyom rau pawg neeg Long COVID Support Group tau hais tias:
“Peb yuav tsum tau xyuas qhov tseeb...tsis txhob mloog tej xov xwm qhia rau peb tias yog kis tau tus mob no 2 litaim ces yuav zoo lawm, los sis yog mob hnyav ces yuav raug coj mus kho rau ntawm tsev kho mob xwb tab sis yeej tseem muaj cov yam ntxwv hom 3 ntxiv uas tej neeg tsis paub txog thiab."
"Yog tej yam pheej ua rau yus ntshai thiab txhawj xeeb heev thaum yus nyob ntawm tsev nrog rau tus mob uas yus tsis totaub zoo txog, thiab pheej ua rau yus yuav tau sawv tsheej tag hmo, los yog ua rau yus lub plawv pheej dhia txawv txawv yam tsis tau pom dua los li. Thiab yeej muaj tej neeg muaj lwm cov yam ntxwv mob uas yeej tsis tau txais kev pab cuam dab tsi rau lawv li vim tsis muaj tej peev txheej txaus pab rau lawv los yog tej neeg tsis paub txog tej yam ntxwv mob no," raws li Ms MacNiven qhia.
Lesley MacNiven, one of the moderators of the Long Covid Support Group, suffered from post-coronavirus illness for six months. Source: Supplied
Ms Halls thiaj qhia tias qhov nyuaj tshaj plaws mas yuav qhia li cas kom lwm tus ntseeg thiab totaub tias nws tseem mob thiab tsis tau zoo los ntawm tus mob no.
Cov kev teeb txheeb tshiab txog cov yam ntxwv mob ntawm tus mob coronavirus uas mob ntev heev.
Tam sim no kuj tau muaj ib cov kev teeb txheeb siv sij hawm 1 xyoos los teeb txheeb nrog tej neeg Australia uas yog thawj cov kev teeb txheeb xav los tshawb xyuas kom nkag siab txog tias tus kab mob coronavirus tej yam ntxwv mob uas mob ntev no yuav muaj tau teeb meem dab tsi rau tej neeg li cas, thiab cia siab tias yuav coj cov kev tshawb fawb uas xub xub txheeb tau thaum tseem ntxov los los qhia rau sawv daws paub rau ntau limtiam ntxiv no.
Tau muaj cov kev teeb txheeb no ntawm tsev kho mob St Vincent’s Hospital ntawm Sydney los txheeb tias tej neeg mob uas zoo ntawm tus mob COVID-19 no lub cev thiab txoj kev xav ho zoo li cas lawm.
Professor Gregory Dore uas yog ib tug kws kho mob thiab yog ib tug kws teeb txheeb ntawm lub chaw tshawb fawb Kirby Institute qhia tias cov kev teeb txheeb uas xub xub tshawb fawb tau thaum tseem ntxov ntawd yeej tau kwv yees tias muaj tej neeg kis tau tus mob COVID-19 no txog li 20% yeej yog cov neeg uas muaj lwm cov yam ntxwv mob ntxiv rau lub sij hawm ntau hli ntxiv thiab.
“Yeej muaj neeg paub coob zujzus tuaj ntxiv tias yeej muaj tej neeg uas zoo los ntawm tus mob coronavirus uas muaj lwm cov yam ntxwv mob li hais no tsis raug coj mus kho ntawm tej tsev kho mob, tej zaum kuj yuav yog ib cov yam ntxwv mob dog dig xwb tab sis yeej mob ntev txog li ntawm 3 mus txog 5 lub hlis diam tim qab uas zoo ntawm tus mob no lawm," raws li Dr Dore tau hais.
“Thiaj li yog tej yam tseem ceeb heev uas peb yuav tsum tau kub siab los nrog xyuas tej kev mob nkeeg uas tau tshwm sim tom qab uas tej neeg mob no raug kho zoo ntawm tus mob COVID-19 no, vim yog thaum muaj neeg ntau roob tus kis tau tus mob no, thiab txawm yog 10% ntawm tej neeg uas kis tau tus mob no thiaj muaj cov yam ntxwv mob lwm yam cuam tshuam ntxiv tom qab raug kho zoo lawm los yeej tseem yog ib cov neeg mob uas coob heev thiab."
Dr Dore tau qhia tias yeej muaj tej neeg coob heev uas mob tus mob no ntev heev yog cov hluas uas muaj hnoob nyoog 30 mus txog 40 tawm xyoo ntawd tsis muaj peev xwm yuav rov qab mus ua tau hauj lwm, tsis muaj peev xwm yuav rov qab ua tau lav lub neej li qub vim lawv nkees nkees thiab mob mob ib ce los yog pheej uas rau yus lub hlwb feeb tsis meej pem los yog pheej ua tsis tshua taus pa.
“Ces thiaj muaj ntau cov yam ntxwv mob sib txawv sib xyaws daws, thiab peb tseem tab tom los txheeb xyuas tias tim dab tsi thiaj muaj tej yam ntxwv mob no. Vim tsis yog tus kab mob virus no yuav ua rau muaj teeb meem tau rau lub ntsws xwb tab sis tseem muaj pev xwm tsim tau teeb meem rau lwm cov khoom nrog cev thiab," raws li Dr Dore tau qhia.
Ms Halls tau qhia tias kev tau nyeem lwm tus neeg tej dab neeg qhia txog tej yam ntxwv mob uas mob tau ntau hlis hauv online kuj ua rau yus ntshai kawg thiab, tab sis tam sim no nws kuj paub zoo txog nws tus mob zoo thiab kuj muaj peev xwm pab tau lwm tus neeg uas tseem muaj tej yam ntxwv mob no thaum ntxov lawm thiab.
Ms MacNiven hasi tias "yog tej yam ua rau yus xav tias tab tom muaj ib yam dab tsi tshwm sim rau yus uas yus tsis totaub zoo txog tias yog dab tsi, tab sis yog thaum yus tau sib cuag nrog lwm tus thiab paub tias yeej yog ib cov yam ntxwv mob uas tau muaj rau sawv daws thiab ces kuj ua rau yus ntso siab lawm ntau thiab tsis tshua txhawj lawm."
Xav taw qhia kom neeg uas tsis xis nyob los yog mob lawm yuav tsum hu rau tus xov tooj Healthdirect tus xov tooj 1800 022 222 uas yeej muaj cov kev pab cuam 24 teev pab rau lawv los yog hu rau lawv tus kws kho mob tau, los sis yog hu rau emergency tus xob tooj 000 yog muaj tej xwm txheej kub ntxhov phom sij uas tsim nyog tau txais kev pab cuam los yog pab cawm siav sai.
Txhua tus neeg ntawm teb chaws Australia yuav tsum nyob kom nrug ntawm lwm tus neeg li 1.5 metres. Txheeb ntawm lub xeev koj nyob seb ho pub tej neeg sib sau ua ke tau li cas. Yog tias koj muaj cov yam ntxwv mob li khaub thuas lawm, ces nyog twj ywm ntawm tsev, hu rau koj tus kws kho mob los yog lub chaw Coronavirus Health Information Hotline tus xov tooj 1800 020 080 seb yuav npaj mus sim li cas. Thiab yog koj xav mloog, nyeem los yog saib tej xov xwm txog tus kab mob COVID-19 ua 63 hom lus ces mus txheeb tau ntxiv ntawm
