Yuav muaj ntau millions tus neeg Australia yuav tau nyiaj energy bill relief 'ntau pua dollars' ntawm cov nyiaj Budget 2023

Tsoom fwv teb chaws npaj tias yuav pab them qee yam nuj nqes siv ua lub neej rau neeg hauv Australia rau nws cov nyiaj puag xyoo uas yuav coj los qhia rau hnub zwj Quag (Tuesday) tom ntej no. Anna Henderson uas yog SBS tus tswj tej xov xwm laj fai kum xeeb sab laj nrog Treasurer Jim Chalmers txog tej no.

Treasurer Jim Chalmers during television interviews ahead of handing down the Budget on Tuesday night at Parliament House in Canberra. Source: AAP / Mick Tsikas

Ntsiab lus tseem ceeb:

• Treasurer Jim Chalmers tau qhia meej tias tsoom fwv cov nyiaj puag xyoo yuav pab Australia tej cuab yig them tej nqe hluav taws xob xyoo no.
• Tej zaum tsoom fwv kuj nyuav nce cov nyiaj Jobseeker pab rau tej neeg poob hauj lwm thiab los kuj tau..
• Tsoom fwv npaj yuav sau kom tau se ntawm tej tuam txhab roj thiab gas coj los tsim lwm cov kev pab cua.

Kuj tau muaj kev cog lus tias tsoom fwv cov nyiaj puag xyoo uas tseem yuav coj los qhia rau zej tsoom paub rau hnub zwj Quag (Tuesday, May 9) ntawd yuav pab ntau millions tus neeg Australia them lawv tej nqe hluav taws xob uas kim tuaj ntxiv.

Treasurer Jim Chalmers tau qhia meej rau SBS News tias 5.5 million yim neeg thiab 1 million cov lagluam me yuav tau nyiaj pab cuam them lawv tej nqe hluav taws xob.

Koj yuav txuag tau tej nqe them hluav taws xob ntau npaum li cas?

Kuj tau muaj qee cov lus tawm tswv yim hais tias tej zaum kuj yuav tau txog li ntawm $500, tab sis Mr Chalmers tseem tsis tau qhia kom meej tias yuav tau npaum li cas tiag ua ntej yuav coj nws tej nyiaj puag xyoo los qhia rau sawv daws paub.

Nws tau hais tias 'tej zaum kuj yuav tau ntau pua dollars tab sis kuj yuav tau sib txawv rau tej neeg, tsuas nyob rau ntawm tias seb lawv ho yog cov neeg nyob rau tej xeev twg xwb.

Nws tau hais tias nyob ntawm seb tej nom tswv xeev ho koom pab tej nyiaj no li cas xwb.

Treasurer (Tus nom tswj nyiaj txiaj rau tsoom fwv teb chaws) tau hais tias “Yeej yuav pab ntau pua dollars coj los pab tej neeg them tej nqe hluav taws xob uas kim heev ntawd."

“Tab sis yuav tau tej nyiaj no sib txawv rau tej chaw sib txawv ntawm Australia thiab, tsuas nyob rau ntawm seb tej nqe hluav taws xob ho puas kim li cas, los yog nyob ntawm seb tej nom tswv xeev ho tuaj yeej yuav pab npaum li cas xwb."

Leej twg yog cov yuav tau txais tej txiaj ntsim los ntawm cov kev pab them nqe hluav taws xob no?

Yeej muaj xov xwm ntau heev qhia txog tias leej twg yog cov neeg uas yuav tau txais tej txiaj ntsim no, tab sis Treasurer tau qhia tias tej pensioners (tej laus uas so tsis ua hauj lwm lawm) thiab tej lagluam me yog cov piv txwv ntawm ntau cov uas yuav tau them tej nqe no ntau heev.

Thaum nug tsib kiab txog tej xov xwm ntxawv ntawd ces Mr Chalmers tau hais tias “xav kom tej neeg soj qab rau hnub Tuesday tom ntej no'' thaum uas tsoom fwv coj los tej nyiaj puag xyoo los qhia rau sawv daws ntawd.

Thaum tseem nrhiav suab xaiv tsa ntawd, ces pab nom Labor tau cog lus tias txog xyoo 2025 ces tej zaum tej neeg yuav txuag tsis tau them tej nqe hluav taws xob txog li $275 rau lawv tej nqe hluav taws xob uas them ib xyoos ntawd.

Tab sis tej nyiaj pab them tej nqe no kuj txawv tej kev pab txo tej neeg tej nqe hluav taws xob thiab.

Puas muaj kev pab cuam rau tej neeg tau nyiaj pab cuam Jobseeker (tej neeg tseem nrhiav hauj lwm ua)?

Kuj tau muaj ib cov lus tawm tswv yim tias tej zaum kuj yuav pab tej nyiaj Jobseeker rau tej neeg uas nrhiav tsis tau hauj lwm ua uas muaj hnoob nyoog tshaj 55 xyoos thiab, tab sis yeej tseem tsis tau paub meej tseeb tias puas yuav pab tiag.

Tsoom fwv los kuj raug tsub nias kom pab them tej nqe ntiav tsev nyob thiab siv lwm cov tswv yim los pab tej neeg uas tsis muaj peev xwm them tau tej nuj nqe.

Treasurer thiaj tau ua rau muaj kev cia siab tias hnub Tuesday tom ntej no yuav qhia kom tseeb tias seb puas yuav ua li tej xov xwm tau tshaj tawm dhau los.

Nws tau qhia rau SBS News tias “Qhov tseem ceeb ntawm tej nyiaj puag xyoo no thiab qhov tej neeg yuav pom rau hnub Tuesday ntawd ces yog tej nuj nqes siv ua lub neej uas yuav xub kub siab los pab rau tej neeg txom nyem tshaj plaws ua ntej."

“Thiaj yuav muaj ntau yam txiav txim. Thiab tej zaum kuj yuav tau ntau dua tej uas tej neeg tawm tswv yim los yog tej uas tej neeg kwv yees dhau los thiab."

Yog li ntawd ne ho yuav them tej nyiaj no li cas?

Tsoom fwv tej nyiaj ntawd ces tej zaum yuav tau los ntawm cov kev sau se rau tej peev txheej roj Petroleum Resource Rent Tax (PRRT), kom tau nyiaj ntau tuaj ntxiv los ntawm tej tuam txhab roj thiab tej tuam txab gas.

Yog li tsoom fwv thiaj yuav yuam kom tej tuam txab gas khawb gas txawv teb chaws them se kom ntau tuaj ntxiv thiab yuav ua rau nws tau nyiaj ntxiv txog li $2.4 billion rau nws tej nyiaj puag xyoo rau lub sij hawm 4 xyoo tom ntej no.

Mr Chalmers thiaj tau hais tias “Peb tab tom yuav hloov tej se PRRT rau tej tuam txhab LNG."

"Thiab lub hom phiaj ntawm cov kev hloov no yog xyuas kom tau txais kev ncaj nces rau tej neeg Australia kom sai, kom thiaj li pab tau tej nuj nqes siv ua lub neej uas kim tuaj no, ua ke no los peb kuj lees paub tias yeej muaj ntau yam teeb meem cuam tshuam txog cov kev nqe peev lagluam thiab cov kev xa tej gas no muag/siv thiab peb cov kev sib raug zoo lagluam nrog pej kum haiv thiab."

Tsoom fwv puas yuav muaj peev xwm kho kom nws tej nyiaj puag xyoo tsam rau lub limtiam tom ntej no?

Yeej muaj cov kev pom zoo raws tib seem tias tej zaum nws kuj yuav muaj peev xwm ua tau thiab, thiab yog tham txog tej kam teb kam chaw (laj fai kum xeeb lawm) ces txawm tau nyiaj puag xyoo tsam me me xwb los kuj yuav muaj peev xwm tawm tsam nrog lwm pab nom tej kev tawm tsam txog pab nom Labor cov kev muaj peev xwm tswj nyiaj txiaj thiab.

Tab lub caij uas tej zej zog tseem raug tsub nias txuas ntxiv no, yeej ua rau tej neeg uas xav tau txais cov kev pab cuam kom ntau tuaj ntxiv no cav tias tej neeg xaiv nom feem coob yeej tsis xav kom tsoom fwv nrhiav tswv yim nrhiav nyiaj lwm qhov los thiab, vim tej neeg twg txom nyem nyiaj txiaj siv heev lawm.

Yog li ntawd Treasurer thiab hais tias tej neeg uas tseem tos tias seb ho yuav tau kev pab cuam ntawd yeej yuav paub tias lawv yuav tau npaum li rau hnub zwj Quag (Tuesday) tom ntej no.

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Googlepodcasts, Spotify, thiab Apple podcasts los yog download SBS Audio App thiab SBS Hmong pod follow 

kom koj mloog tau SBS Hmong.