Muaj tej kws tshawb fawb ntawm 32 lub teb chaws hais tias tus kab mob coronavirus no kis tau raws cua, thiab tau nqua hu kom (World Health Organisation-WHO) rov qab los txheeb xyuas nws cov kev taw qhia dua
Tau muaj ntau pua tus kws tshawb fawb tau cav tias muaj pov thawj thim khawv qhia tau tias tus kab mob coronavirus tshiab uas yog COVID-19 no muaj peev xwm kis tau raws tej cua rau lwm tus neeg thiab tau nqua hu kom ntiaj teb lub koom haum tswj kev noj qab haus huv (WHO) rov qab los kho nws cov kev taw qhia txog tej hauj lwm no rau tej neeg sawv daws dua raws li phau ntawv xov xwm New York Times (NYT) tau cej luam qhia.
Txawm li cas los WHO tau hais tias tus kab mob coronavirus no yeej kis tau ntawm tej teev qaub ncaug thiab tej kua ntswg me me ntawm ib tug neeg twg uas kis tau tus kab mob COVID-19 no tej qhov ncauj qhov ntswg tau rau lwm tus neeg thaum nws txham thiab hnoos los yog tham lus ntawd.
Ces tej kws tshawb fawb no thiaj li tau sau ib tsab ntawv xa mus rau lub koom haum no thiab lawv tseem npaj yuav los cej luam tej xov xwm no rau phau ntawv xov xwm cej luam txog cov kev tshawb fawb (Scientific journal) rau lub limtiam tom ntej no, uas yeej tau muaj cov kws tshawb fawb tawm los txog li 239 tus ntawm 32 lub teb chaws yeej tau coj tej pov thawj tim khawv coj los qhia tias tej teev qab ncaug los yog kua ntswg me me uas tug neeg kis tau tus mob COVID-19 hnoos los yog txham ntawd muaj peev xwm kis tau rau lwm tus, raws li phau ntawv xov xwm NYT tau qhia.
Txawm li cas los WHO yeej tseem tsis tau teb dab tsi kiag tam sim no rau lub caij uas lub chaw nthuav xov xwm Reuters tau hu mus nug nws cov kev tawm tswv yim ntawd thiab.
A man sneezes into a tissue. Source: Getty
Raws phau ntawv xov xwm NYT tau cej luam ces tej kws tshawb fawb tawm los yeej tau hais tias tej teev kua qaub ncaug thiab kua ntswg ua ib tug neeg kis tau tus mob COVID-19 no hnoos los yog txham tsis hais lwm tus neeg yuav ua pa nqus tau ntau thiab tsawg los yog nqus tau tej pa muaj cov teev qaub ncaug thiab kua ntswg me me nrog cua mus rau lawv lub cev lawm ces yeej yuav kis tau rau lawv thiab vim raws li tau muaj cov kev sim hauv ib chav lawm ces tej no yeej ya mus deb heev li thiab.
Txawm li cas los ntiaj teb lub koom haum tswj kev noj qab haus huv tau hais tias yeej tseem ntseeg tsis tau tau tej pov thawj tim khawv coj los qhia tias tus kab mob novel coronavirus (COVID-19) no yuav muaj peev xwm kis tau rau tej neeg li hais ntawd thiab.
Raws li NYT tau teev ib cov lus uas Dr Benedetta Allegranzi uas yog WHO tus coj uas tswj thiab tiv thaiv cov kab mob sib kis cov lus ces nws tau hais tias, yog tham txog ntau hli dhau los no lawm ces peb yeej tau qhia ntau zaus tias peb xav tias tej zaum tus kab mob no yuav kis tau raws cua thiab los kuj tau tab sis yeej tseem tsis tau los txhawb nqa meej tseeg kiag los yog qhia kiag tias yeej muaj pov thawj tim khawv qhia tau tseeb tiag lawm.
Download tau lub los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.
Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Ntiaj teb muaj neeg kis tau kab mob COVID-19 npaum li no:
Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:
