Cov ntsiab lus tseem ceeb:
- Ntawm NSW ces tej neeg muaj cai xaiv nom, yuav tsum teev npe xaiv txhua cov kev xaiv nom tsis hais theem nom teb chaws, nom xeev los yog nom zos.
- Dua ntawm tej xov xwm ua ntawv Aaskiv (English) lawm, ces NSW Electoral Commission yeej muaj tej xov xwm qhia txog cov kev xaiv tsa ua 20 hom ntawv thiab.
- Thiab yuav tsis siv cov online voting system hu ua iVote rau cov kev xaiv nom zaum no.
Tus tsoom fwv koom tswj uas muaj hau xeev Dominic Perrottet ua tus coj tam sim no xav rov qab los siv tw xaiv nom kom yeej cov kev xaiv tsa zum plaub (4) sib law liag.
Mr Perrottet tus neeg sib tw tseem ceeb nrog nws yog Chris Minns uas yog tus coj pab nom Labor uas yuav los sib tw xaiv nom tsoom fwv thawj zaug tom qab tau los tswj pab nom no lub 6 hli ntuj xyoo 2021 dhau los.
Tsev tsoom fwv NSW ces yeej muaj ob lub tsev tsoom fwv li tsev kis xeev qes (Legislative Assembly -lower house) thiab tsev kis xeev siab (Legislative Council - upper house).
Cov kev xaiv tsoom fwv xeev thiaj yuav ua rau tag nrho yuav xaiv ib tug nom sawv cev rau lawv tej zos mus ua hauj lwm hauv tsev kis xeev qes.
Muaj 42 tug nom ua hauj lwm hauv tsev kis xeev siab, thiab ntawm ib cov kev xaiv tsa tsoom fwv xeev twg, yeej xaiv 21 tug nom ua hauj lwm 2 terms los yog ua hauj lwm ntev kawg nkaus txog 8 xyoos hauv tsev tsoom fwv.
Thiab yog tias ho muaj tej xwm txheej ua rau ib tug neeg xaiv nom twg tsis muaj peev xwm mus xaiv nom kiag ntawm chaw xaiv nom lawm, ces lawv muaj cai
Tab sis yuav tsum tau xa tej ntawv xaiv nom no mus kom txog NSW lub koom haum tswj kev xaiv nom (NSW Electoral Commission) sij hawm 5pm rau hnub tim 20 lub 3 hlis ntuj (2023 no).
Sau tej ntaub ntawv xaiv nom kom tiav los yog xa tej ntaub ntawv xaiv nom hauv post office mus kom txog tsis pub lig tshaj sij hawm 6 pm rau hnub tim 06 lub 4 hlis ntuj (2023).
Chris Minns took on the NSW Labor leadership in June 2021. Source: AAP / BIANCA DE MARCHI/AAPIMAGE
Kev xaiv nom rau hnub xaiv tsa – tim 25 lub 3 hlis ntuj (2023).
Yuav muaj tej chaw xaiv nom ntau tshaj 2450 lub chaw li tej tsev teev hawm, tej teej kawm, thiab tej koom haum zejzog nrog rau lwm cov chaw thoob plaws xeev New South Wales rau tej neeg mus xaiv nom.
Thiab yuav qhib tej chaw no rau hnub xaiv nom pib txij li sij hawm 8 teev sawv ntxov txog 6 teev tsaus ntuj (8am - 6pm).
Koj muaj peev xwm txheeb tau seb yuav mus xaiv nom tau rau qhov twg ntawm .
Thaum koj mus rau hauv ib lub chaw xaiv nom lawm, ces yuav muaj tej neeg ua hauj lwm nug ib tug neeg xaiv nom twg kom nws qhia nws npe thiab chaw nyob, thiab lub rooj nom nws nyob ntawd, thiab yuav nug tias seb lawv twb xaiv nom tag lawm los tsis tau xaiv.
Thaum nug tau tej xov xwm no meej lawm, ces lawv mam li muab tej ntawv xaiv nom rau tej neeg mus xaiv nom.
Yog tias tej tus neeg ua hauj lwm ntawd ho nrhiav tsis tau ib tug neeg xaiv nom ntawd tej xov xwm ntawmm tej ntaub ntawv teev tej neeg muaj cai xaiv nom, ces lawv yuav tau sau daim ntawv
NSW Premier Dominic Perrottet. Source: AAP / Bianca De Marchi
Sawv daws yuav tsum tau mus xaiv nom
Ntawm NSW ces yeej kom tej neeg xaiv nom uas muaj cai teev npe xaiv nom thiab muaj cai xaiv nom yuav tsum mus xaiv txhua theem nom, tsis hais yog xaiv nom zos, nom xeev los yog nom teb chaws.
Txawm tias koj yog tej neeg tsis muaj vaj tse nyob, yog neeg puas cev, mus txawv xeev, los yog mus txawv teb chaws los yuav tau xaiv nom tib yam
los yeej tseem muaj peev xwm mus teev npe tam li ib tug neeg xaiv nom thiab.
Tab sis yog tej neeg ntiag tug li hais no ho tsis muaj peev xwm xaiv nom, los lawv kuj tsis raug nplua dab tsi.
Yog tias tej neeg xaiv nom uas yog ho xav tau kev pab cuam, ces lawv muaj peev xwm coj ib tug phooj ywg los sis ib tug txheeb ze mus pab sau ntawv xaiv nom rau lawv, los sis yog thov kom tej neeg ua hauj lwm lis tej dej num xaiv nom ntawm tej chaw xaiv nom ntawd pab lawv los tau.
Yog tias ho tsis muaj peev xwm mus xaiv nom kiag ntawm tej chaw xaiv nom, ces lawv kuj muaj cai mus xaiv nom ntxov, sau ntawv xaiv nom xa rau post office, los yog xaiv nom ntawm lub chaw xaiv nom nyob zes yus, los sis hu xov tooj mus xaiv nom los tau tib yam.
Yog tias ib tug neeg xaiv nom twg ho, los lawv yeej muaj pev xwm mus xaiv nom ntawm los yog sau ntawv xaiv nom xa rau post office tau thiab.
Yog li ntawd tej neeg xaiv nom uas teev npe xaiv nom ntawm xeev NSW uas rau lub caij tseem xaiv nom ntawd yuav tau sau ntawv xaiv nom xa rau post office.
Muaj xov xwm qhia txog cov kev xaiv nom ua ntau hom ntawv
NSW lub koom haum tswj cov kev xaiv nom (NSW Electoral Commission) yeej muaj tej xov xwm qhia tias seb yuav teev npe los yog yuav xaiv nom li cas, thiab yeej muaj xov xwm qhia txog tej neeg uas yuav mus sib tw ua nom ntawd ua .
Kuj yeej tseem muaj tej neeg ua hauj lwm los yog tej neeg ua hauj lwm yeem thaj (volunteers) ntawm tej chaw xaiv nom uas txawj hais ntau hom lus ntawm tej chaw xaiv nom ntxov thiab ntawm tej chaw xaiv nom rau hnub xaiv tsa uas yeej muaj cim qhia tias lawv muaj kev pab tau hom lus twg rau tej neeg xaiv nom.
Lub chaw tswj cov kev xaiv tsa no los kuj muaj tej neeg txais lus hauv xov tooj pub dawb ua ntau hom lus pab thiab txawm tias tsis muaj tej lus ntawd rau hauv daim list ua tau teev tseg.
Tsis tas li ntawd los tej neeg ua hauj lwm yeej muaj peev xwm nrhiav tau neeg txais ntaub ntawv thiab txhais lus ntawm lub koom haum Translating and Interpreting Service (TIS National) pab lawv thiab yog tias lawv xav tau txais kev pab cuam txhais lus ntawm lub chaw xaiv nom ntawd.
NSW Electoral Commission yeej tau tsim cov program uas txheeb thiab muaj tej pov thawj tseeb los qhia tau tias tej lus iab liam los yog tej xov xwm cuav ntawd tsis muaj tseeb tiag coj los daws tej lus cuav uas cuam tshuam txog tej txheej txheem xaiv nom tswv, kom tsis txhob muaj tej xov xwm cuav hauv tej zejzog thiab.
Txheeb tau xov xwm ntxiv seb yuav xaiv nom li cas ntawm los yog hu nug tau ntawm tus xov tooj 1300 135 736.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,
, , thiab los yog download thiab kom koj mloog tau SBS Hmong.
