, ntawd ces yeej tau muaj xov xwm tshaj tawm tias av yeej qeeg thoob nroog Melbourne mus txog rau Canberra, Sydney thiab txog Tasmania tib si.
Tej neeg uas tau pom tej xwm txheej no ces kuj yog tej yam txaus ntshai heev. Tab sis koj puas paub tias koj yuav ua dab tsi yog koj ho nyob rau cov chaw uas muaj av qeeb no?
Cov ntsiab xov xwm:
- Yuav ua rau tej neeg uas nyob rau sab hauv ib co tsev twg thiab xav mus rau ib qho chaw qhov twg hauv lub tsev ntawd los yog khiav tawm ntawd yog cov raug mob feem ntau.
- Yog koj nyob nraum zoov ces txav kom deb ntawm tej vaj tse, tej ncej taws teeb ntawm tej kev thiab tej xov hluav taws xob.
- Yog tias ko tseem tab tom tsev tsheb, ces nres tsheb kiag sai sai tam sim ntawd yog tau txais kev nyab xeeb nres tau thiab nyob twj ywm hauv tsheb.
Raws li lub koom haum Geoscience Australia uas teeb txheeb thiab kawm txog av ntawm teb chaws Australia tau qhia ces 1 lub xyoos twg Australia yeej muaj av qeeg tus zauv nrab txog 100 zaus muaj ceem txog 3 los yog shiab tshaj ntawd ntawm teb chaws Australia.
Thiab cov av qeeg zaum kawg dhau los ntawm teb chaws Australia no muaj ceem txog 5.6 magnitude ntawm Newcastle rau xyoo 1989 uas tsim kev puas ntsoog loj heev.
Yog tias koj nyob rau sab hauv ib qho chaw qhov twg
Raws li lub koom haum tau qhia ces yog tias koj nyob rau hauv sab hauv ib qho chaw qhov twg rau lub caij muaj av qeeg ces tsim nyog koj yuav:
- Nyob twj ywm hauv pem teb; mus nkaum hauv tej qab rooj uas ruaj thiab khov los yog nkaum hauv ib cov roj tog uas khov thiab tuav tej no ruaj ruaj txog rau thaum av xaus qeeg tso. Yog tias
- Yog tias tsis muaj rooj loj los yog rooj zaum ze koj ces siv koj 2 txhais caj npab los vov puag koj ntsej muag thiab taub hau thiab mus nkaum rau tom tej ces kaum tsev sab hauv lub tsev ntawd.
- Txav deb tej iav, tej qhov rais, tej qhov rooj nroom zoov thiab tej phab ntsa, los yog ib yam dab tsi uas yuav poob los tsoo, los tais koj li tej teeb, los yog tej rooj tog.
- Yog tias koj nyob saum txaj thaum av qeeg ces nyob twj ywm saum txaj, muab tog hauv ncoo los thaiv koj lub taub hau, hos yog tias koj lub txaj ho nyob ncaj rau qhov chaw muaj teeb dai hnyav es yuav poob tau los tsoo koj ces yuav tau txav mus rau qhov chaw ze tshaj plaws uas tau txais kev nyab xeeb rau koj.
- Tsis txhob mus nyob rau ntawm txoj kev yuav mus rau ntawm lub qhov rooj tsuas yog tias ntshe koj ho paub tias muaj ncej txheem ruaj, los yog cov qhov rooj uas muaj ncej txheem ruaj thiab ho nyob ze koj xwb. Vim muaj ntau lub qhov rooj sab hauv tsev ces tsuas txheem me ntsis xwb ces thiaj pov puag tsis tau koj.
- Nyob twj ywm sab hauv qhov chaw ntawd txog rau thaum av xaus tsis qeeg lawm thiab tau txais kev nyab xeeb rau koj tawm tau mus rau sab nraum zoov tso. Tsis txhob tawm ntawm ib lub tsev twg mus rau nraum zoov rau lub caij av tseem qeeg ntawd.
- Tsis txhob mus siv tej ntaiv hluav taws xob (Elevators)
Raws li lub koom haum Victoria State of Emergency Service qhia ces yeej muaj tej kev teeb txheeb tau txheeb tau lawm tias muaj kev raug mob feem ntau rau tej neeg rau sab hauv ib cov tsev twg ntau tshaj plaws uas pheej txav ntawm ib qho chaw mus rau lwm qhov chaw txawv los yog xav khiav tawm ntawm thaj chaw ntawd mus.
Yog lub caij av qeeg ntawd koj nyob sab nraum zoov
Raws li lub koom haum , ces yog koj nyob sab nraum zoov thaum tseem muaj ib co xwm txheej av qeeg twg, ces ua tib zoo xyuas kom koj ua raws li tej txuas ntxiv no:
- Nyob twj ywm ntawm tej chaw koj nyob ntawd. Txav kom deb ntawm tej vaj tse, tej ncej taws teeb thiab tej xov hluav taws xob.
- Thaum koj mus rau qhov chaw kaj lawm ces nyob twj ywm ntawm qhov chaw ntawd mus txog rau thaum av xaus qeeg tso.
- Cov kev phom sij loj tshaj plaws yog muaj tau rau sab nraum zoov ntawm tej vaj tse, tej chaw tawm, nrog rau tej phab ntsa sab nraum zoov ntawd.
Raws li Associate Professor Iftekhar Ahmed ntawm lub tsev kawm School of Architecture and Built Environment ntawm tsev kawm qib siab University of Newcastle hais ces:
“Tej xwm txheej av qeeg tsis ua rau neeg tuag, tab sis tej vaj tse yog cov yuav ua rau neeg tuag tau."
Emergency services on scene after Betty’s Burgers on Chappel Street in Windsor was damaged following an earthquake, Melbourne, Wednesday, September 22, 2021. Source: AAP Image/James Ross
Professor Michael Griffith ntawm llub tsev kawm School of Structural Engineering ntawm tsev kawm qib siab University of Adelaide thiaj hais tais
"Tej vaj tse uas muaj tej phab ntsa tsis muaj dab tsi tuav ruaj, muaj tej tw tsev vov los yog tej hau ntse thaiv los sis tej tsag lawj los yog tej ces kaum tsev taw rau lwm qhov yog cov tsev uas yuav tsim tau kev phom sij loj tshaj plaws rau zej tsoom txoj kev nyab xeeb. Thiab Australia yeej tsis tau yuam kom tej vaj tse li hais no yuav tsum los kho kom lub tsev ntawd ruaj kom thiaj tsis muaj teeb meem thaum muaj av qeeg li ."
Yog tias koj tseem tab tom tsav tsheb
Raws li lub koom haum Victoria State Emergency Service lub vas sab tau qhia ces, yog tias koj tseem nyob hauv ib lub tsheb uas tseem tab tom khiav rau lub caij muaj av qeeg ces:
- Nres kiag kom sai npaum li sai tau thaum tau txais kev nyab xeeb, thiab nyob twj ywm hauv koj lub tsheb ntawd.
- Tsis txhob mus nres ze rau ntawm los yog nres rau hauv qab choj, tej ntoo, choj hla saum taug hau, los yog tej xov hluav taws xob.
- Yuav tsum ceev faj thiab maj mam tsav tsheb mus txuas ntxiv tom qab av tsis qeeg lawm.
- Lug tsis txhob siv tej kev, tej choj los yog tej pob tshoom hauv kev tsheb uas tej zaum av qeeg ua rau puas lawm.
Source: Taras Makarenko/Pexels
Yog tias koj raug ib yam khoom dab tsi poob los vov, tsuam los yog thaiv koj rau hauv qab lawm
Yog tias koj daig rau hauv tej khoom vau los tais thaiv los yog tsuam es koj tawm tsis tau tom qab xaus av qeeg lawm ces:
- Tsis txhob zes/taws teeb.
- Tsis txhob tig mus tig los los yog ncaws tej plua plav.
- Muab ib daig ntaub los yog ib txoj phuam so ntsej muag coj los npog koj lub qhov ncauj
- Khob ib ya raj los yog sab phab ntsa ntawd kom tej neeg pab cawm siav thiaj muaj peev xwm nrhiav tau koj tias koj nyob qhov twg. Siv lub whistle tshuab kom nrov yog tias koj muaj ib lub nrog koj.
- Yog koj tsis muaj lwm txoj xub ke lawm ces koj mam li qw ua txoj xub ke kawg xwb. Vim yog koj qw ces yuav ua rau koj nqus tau tej plua tshauv phom sij ntau heev rau koj lub cev.
Yog tias koj muaj ib tug tsiaj nrog koj
Ces koj yuav tsum xyuas tias seb tej tsiaj ntawd puas tau txais kev nyab xeeb thiab puas tau txais kev ruaj ntseg, raws li Dr Anne Qain ntawm tsev kawm qib siab University of Sydney lub tsev kawm txog phab tu thiab kho tsiaj qhia.
"Tej zaum tej tsiaj ntawv ceeb thiab ntshai av qeeg thiab yuav tsem, yuav nqov, los yog yuav khiav nkaum, los yog xav khiav kom lawv tau txais kev nyab xeeb uas yeej yog ib tej tsiaj ib cov cwjpwm," raws li Dr Qain tau qhia.
Nws hais ntxiv tias "Thiaj tseem ceeb heev uas tag nrho tej tswv tsiaj yuav tsum ua tib zoo xyuas kom muab ib tug microchip nruab rau lawv tej tsiaj ntawd muaj tej xov xwm tshiab, yog muaj leej twg nrhiav tau tej tsiaj ntawd los thiaj muaj peev xwm coj tau tej tshiaj ntawd rov qab los nrog yus kom sai npaum li sai tau."
Koj muaj peev xwm txheeb tau xov xwm ntxiv ntawm kom koj thiaj paub tias yuav tau ua dab tsi thaum muaj av qeeg.
