Ntsiab lus tseem ceeb:
- Raws li Swiss uas yog ntiaj teb lub tuam txhab insurance tseem ceeb hais ces muaj ib yig ntawm 8 yig twg tsis muaj peev xwm yuav tau cov nyiaj tuav pov hwm los pov puag tsev thiab tej khoom cuab yeej cuab tam ntxiv lawm.
- Lub tuam txhab no hais tias vim tsis muaj cov kev nrog xyuas kom txho tau tej xwm txheej ntuj tsim kev puas tshuaj thiab tseem tso cai rau cov kev tsim tej vaj tse rau ntawm tej chaw pheej raug dej nyab ces thiaj ua rau tej nqe insurance kim.
- Thiab kuj yuav muaj tej neeg sawv cev rau lub tuam txhab no mus teb tej lus nug txog cov kev nce nqe yuav Home insurance kim rau hnub zwj Kuab (Friday) no.
Ib yig ntawm yim yig twg ces tsis muaj peev xwm yuav tau cov home insurance los pov puag lawv tej tsev thiab tej cuab yeej cuab tam hauv tsev ntxiv lawm, thiab tau muaj ntiaj teb ib lub tuam txhab insurance tau hais tias vim tsis nrog xyuas kom muaj cov kev daws tej tej kev phom sij uas ntuj tsim thiab pheej tseem tso cai rau cov kev tsim vaj tse rau tej chaw raug dej nyab ces thiaj ua rau tej nqe tuav pov hwm tsev thiab tej khoom hauv tsev kim.
Swiss Re tau ceeb toom tias yuav tsum tau nrog xyuas kom tej tuam txhab lagluam insurance tsis txhob raug tej teeb meem uas tej zaum yuav poob nyiaj ntau mas thiaj yuav siv tau tej insurance txuas ntxiv.
Lub tuam txhab no cov kev txhawj xeeb thiaj raug qhia rau ib tsab ntawv rau pawg rooj saib xyuas tsev kis xeev qes uas mus txheeb txog seb tej tuam txhab insurance nrog daws tej teeb meem xwm txheej dej nyab uas raug kev phom sij loj ntawm sab hnub tuaj ntawm Australia rau xyoo 2022 li cas.
Ces thiaj muaj ob peb yam laj thawj ua rau tej tuam txhab insurance nce premiums - li tej nqe tsim vaj tse los kim tuaj ntxiv vim muaj tej khoom tsis txaus siv thiab huab cua pauv hloov ces thiaj ua rau muaj tej xwm txheej ntuj tsim kev puas tsuaj ntau tuaj ntxiv thiab kuj tau muaj tej nuj nqe rau cov kev rov qab insure kim tuaj ntxiv.
Raws li Swiss Re hais ces tam sim no 1 yig ntawm 8 yim twg thiaj tsis muaj peev xwm yuav cov nyiaj tuav pov hwm tsev thiab tej khoom cuab yeej cuab tam (Home and contents insurance) rau xyoo 2023 lawm.
Uas tau muaj tej neeg tsis muaj peev xwm yuav tau tej insurance no ntau tuaj ntxiv yog piv rau xyoo 2022 ntawm txhua txhua ib yig ntawm 10 yim twg.
Swiss Re thiaj tau hais tias twb yog tim tsis npaj tswv yim los daws tej xwm txheej no thiab pheem tseem siv tej cai tso cai tsim vaj tse rau tej chaw uas pheej raug dej nyab.
Lub tuam txhab no tau qhias rau nws ib tsab ntawv tias "Cov kev nrog xyuas kom tej tuam txhob tsis txhob ntsib teeb meem tsawg thiaj yog tib txoj xub ke uas yuav raug teeb meem tsawg thiab thiaj li yuav pab kom tej neeg yuav tau insurance pheej yig zog.''
Swiss Re thiaj xav kom tsim ib cov cai zoo tshaj no coj los siv tswj cov kev tsim vaj tse thiab tswj tej av uas yuav siv los tsim vaj tse uas yuav tau kub siab txog tej teeb meem huab cua pauv hloov rau lub caij ntau caum xyoo thiab.
Ces thiaj li tseem yuav muaj tej neeg sawv cev ntawm lub koom haum no mus sab laj txog tej no ntawm tsev kis xeev qes rau hnub zwj Kuab (Friday) no.
Pawg rooj saib xyuas no mam li coj tsab ntawv cej luam kawg uas qhia txog tej hauj lwm coj los cej luam rau lub 9 hlis ntuj no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
