Cov kev pab cuam COVID-19 Vaccine Claim Scheme will provide access yuav them nyiaj rau tej neeg mob uas muaj tej yam ntxwv mob me ntsis mus txhob rau theem mob hnyav los ntawm TGA cov tshuaj COVID-19 vaccine los yog nws tso cai rau tej neeg hno tshuaj.
TGA tau tso cai pom zoo hno cov tshuaj Pfizer, Moderna thiab AstraZeneca COVID-19 vaccines thiab yog tus los lis cov hauj lwm saib xyuas seb tag nrho tej tshuaj vaccine uas siv coj los hno rau tej neeg ntawm teb chaws Australia no puas muaj tej yam ntxwv mob cuam tshuam dab tsi.
Txij hnub tim 06.09.2021 ces tej neeg hno cov tshuaj COVID-19 vaccine uas TGA tso cai hno thiab ho hno tsis haum muaj peev xwm teev zwm npe mus thov tau nyiaj siv vim ua rau lawv yuav tau thov so tsis ua hauj lwm, yuav tau siv nyiaj kho mob los yog siv ua lwm yam.
Professor Julie Leask uas yog ib tug neeg paub zoo txog cov kev siv tshuaj vaccine ntawm tsev kawm qib siab University of Sydney, thiaj zoo siab heev rau cov kev pab cuam no, thiab hais tias yog ib co kev pab cuam tseem ceeb zoo rau cov kev hno tshuaj vaccine uas zej tsoom thiab tej neeeg kho mob ntseeg siab tau.
Yog tias ib tug neeg twg raug cov yam ntxwv mob sab uas muaj tsawg tsawg rau ib tub neeg twb thaum hno tshuaj vaccine ces tsoom fwv muaj lub luag hauj lwm yuav tau los saib xyuas lawv.
Zeskais Leask qhia tias TGA lees paub cov teeb meem muaj uas lub koom haum Product Information tau teev txog tej neeg ntiag tug cov kev hno tshuaj vaccines.
Yeej yuav tsum tau muaj cov kev lees paub tias muaj cov kev sib cuam tshuam ntawm cov tshuaj vaccine thiab cov yam ntxwv mob no.
Nws hais tias qee cov yam ntxwv uas raug lees paub ces yog cov yam ntxwv ntshav khov cuam tshuam nrog cov kev hno tus tshuaj AstraZeneca vaccine thiab cov yam ntxwv mob o daim phiaj ziam qhwv lub plawv los yog thawj txheej ntawm lub plawv (myocarditis and pericarditis) cuam tshuam txog cov kev hno tus tshuaj Pfizer vaccine.
Ho yuav txheeb tau cov kev pab cuam no li cas?
Tej neeg uas tau mus teev zwm yuav thov cov kev pab cuam no yuav raug lub koom haum Services Australia taw qhia tias thaum tsim tau lub vas sab no lawm ces lawv yuav paub tias thaum twg mam thov tau thiab yuav thov tau li cas thaum lawv txais tej ntaub ntawv thov no lawm.
Tsoom fwv teb chaws lub tuam chav lis laj fai tswj kev noj qab haus huv qhia tias mam li coj tej xov xwm los qhia ua zaum kawg txog cov kev pab cuam no li yuav xav tau tej pov thawj dab tsi rau thaum lig rau xyoo no ua ntej Services Australia yuav qhib rau tej neeg thov tau cov kev pab cuam no.
Yog thov nyiaj pab cuam txij $5,000 txog $20,000, ces tej neeg mob yuav tsum muaj tej pov thawj qhia tau li hauv qab no:
The COVID-19 Vaccine Claims Scheme will compensate those patients who suffer adverse reactions from an approved COVID-19 vaccine or its administration. Source: Getty Images/E+
- Muaj ntawv qhia tau tias tau hno cov tshuaj vaccine uas TGA tso cai siv.
- Muaj ntaub ntawv kho mob teev tias muaj kev cuam tshuam txog cov tshuaj vaccine ua rau raug mob los yog raug teeb meem tiag.
- Muaj pov thawj qhia tau tias raug coj mus kho ntawm tsev kho mob.
- Muaj pov thawj qhia tau tias yeej tau siv nyiaj los yog poob nyiaj vim muaj tej teeb meem no.
Yog thov txog $20,000 thiab tshaj ntawd ces yuav muaj ib cov kws paub zoo txog tej hauj lwm no uas yog cov neeg nruab nrab tsis nce rau tog twg yuav los txheeb xyuas thiab mam them raws li lawv cov kev taw qhia xwb. Tab sis yeej tseem yuav tau los tsim tias seb xav tau tej pov thawj dab tsi rau cov kev thov tej kev pab cuam no thiab.
Tsis tas li no los cov kev pab cuam no yeej yuav them nyiaj rau tej neeg tsawg tsawg uas tas sim neej thiab yeej yuav muaj cov kev pab cuam no rau tej neeg raws li tsim nyog.
Vim yuav tau ua tib zoo xyuas kom tej neeg uas tau hno tshuaj vaccine tsis txhob plam txiaj ntsim dab tsi, ces cov kev pab cuam no thiaj yuav lees paub tej neeg uas tau hno tshuaj COVID-19 vaccine txij li thaum pib hno tej tshuaj no rau tej neeg sawv daws txij hnub tim 22.02.2021, thiab yuav txuas lub sij hawm 2 xyoo tom qab ntxeem dhau cov xwm txheej COVID-19 emergency lawm.
Zeskais Leask hais tias lub sij hawm ntawd ces yeej txaus lawm, vim rau qhov yeej paub tias tej xwm txheej mob hnyav uas mob tsawg tsawg no tsuas tshwm sim rau thawj 2-3 hnub mus txog ntau limtiam tom qab tau hno tshuaj vaccine lawm xwb.
Feem ntau mas tej neeg yeej muaj cov yam ntxwv mob cuam tshuam no tom qab tau hno thawj koob tshuaj xwb.
The Scheme will be backdated to the commencement of the rollout on 22 February 2021 and will extend to two years beyond the COVID-19 emergency period. Source: Sipa USA Dinendra Haria / SOPA Images/Sip
Tej lagluam zoo siab rau cov kev pab cuam no
Lub koom haum Australian Medical Association hais tias "yuav ua tib zoo xyuas kom tej neeg ua hauj lwm kho mob uas cuam tshuam nrog cov kev hno tej tshuaj vaccine no tsis txhob nyuaj siab rau tej plaub ntug vim lawv yog cov hno tshuaj vaccine pab cawm siav thiab yog ib feem ntawm teb chaws Australia cov tswv yim los tswj cov kab mob sib kis thoob ntuj no."
Lub koom haum Australian Chamber of Commerce and Industry hais tias tej lagluam uas xav pab kom muaj neeg hno tau tshuaj raws li tej hom phiaj tau teeb tseg ntawd muaj peev xwm muab lawv tej chaw ua hauj lwm tig los ua cov chaw hno tshuaj vaccine yam tsis tas txhawj tias yuav ua rau lawv poob nyiaj los yog tsis tau txais kev ruaj ntseg dab tsi ntxiv lawm.
Nicholas Wood uas yog ib tug lees kais qhia ntawv ntawm Sydney University thiab yog tus coj NSW Immunisation Specialist Service thiab yog tus sib cuag txog cov Immunisation Adverse Events Clinic ntawm lub tsev kho mob Children's Hospital ntawm Westmead.
Nws hais tias tej zaum cov kev pab cuam no yuav ua kom muaj neeg mus hno tshuaj vaccine ntau tuaj ntxiv, vim yog tej yam qhia meej tias tej zejzog yeej saib xyuas lub teb chaws no kom thiaj li muaj peev xwm ua tau cov hauj lwm hno tshuaj COVID-19 vaccine no tiav.
Xam tau tias, tej zejzog saib xyuas tej zejzog lawm.
Yog koj xav paub tej xov xwm no kom ntxaws ntxiv ces txheeb tau ntawm
