Tau muaj cov nyiaj pab cuam tib zaug nkaus xwb txog li $1000 tej neeg (Cov nkawm niam txiv ces ib tug niam ib tug txiv twg muaj peev xwm thov tau $1000) thiab thov tau $400 rau tej me nyuam uas muaj cai thov tau ntawm service.
yog ib co tsim coj los pab tej neeg ntiag tug thiab tej cuab yig uas raug kev phom sij uas yuav tau nyiaj kiag tam sim ntawd coj los yuav tej khoom tseem ceeb siv li yuav zaub mov noj thiab ris tsho hnav los yog siv ntiav chaw nyob ib ntus.
Nyob rau lub caij tseem yuav tau tu ntau yam heev vim raug cov xwm txheej dej nyab thiab nag xob nag cua uas tsim kev piam sij ntawm Queensland thiab New South Wales ntawd, ces ntshe tseem yuav siv sij hawm ntau hli los yog ntau xyoo ua ntej tej neeg zejzog thiaj ntxeem dhau ntawm tej xwm txheej no rov qab los pib dua lub neej tshiab, ua dua vaj tse tshiab los yog ua lagluam.
Yog tias cov xwm txheej dej nyab ua rau koj raug mob, yog ib tug ntawm tsev neeg uas raug dej nyab tas sim neej los yog ploj lawm thiab raug kev piam sij loj rau koj lub tsev ces koj yog cov neeg muaj cai thov tau cov nyiaj pab cuam Disaster Recovery Payment.
Cov kev muaj cai thov tau nyiaj pab cuam vim koj lub vaj tse raug kev piam sij loj ces yog cov xwm txheej zoo li no:
- Twb raug kev puas tsuaj lawm thiab yuav tau muab tsoo pov tseg
- Raug lees paub tias nyob tsis tau hauv lub tsev ntawd lawm
- Raug kev puas tsuaj loj rau nruab nrog tsev lawm
- Raug dej nyab rau sab hauv tsev lawm
- Muaj tej dej qias mus nyab sab hauv tsev lawm /los yog
- Muaj tej khoom feem ntau hauv lub tsev los yog tej khoom tseem ceeb hauv lub tsev raug puas tsuaj lawm.
Tej neeg sawv daws uas raug tej teeb meem dej nyab yeej muaj sij hawm mus txog hnub tim 28 lub 8 hli ntuj xyoo 2022 no mus thov tau cov nyiaj pab cuam no yog tias nej yog cov neeg nyob ntawm Queensland thiab cov nyoab ntawm NSW ces muaj sij hawm thov tau mus txog hnub tim 1 lub 9 hli ntuj.
Tej neeg muaj cai thov tau cov nyiaj pab cuam no yuav tsum yog cov neeg nyob ntawm los yog.
Thiab nej yuav tsum yog
Muaj peev xwm thov tau cov nyiaj no raws li tej txheej txheem txuas ntxiv hauv qab no:
- Sign in hauv myGov thiab xaiv qhov link rau Centrelink services. Yog tej yam tseem ceeb heev koj yuav tsum tau ua tib zoo xyuas kom link tau Centrelink nrog koj phau myGov account uas yuav tau siv koj tus Centrelink Customer Reference Number (CRN) los yog tias koj tseem tsis tau muaj tus CRN ces koj yuav tsum muaj peev xwm qhia tau koj tej cim thawj (identity) rau nom tswv li luam koj tej ntaub ntawv rau nom tswv.
- Ces xaiv qhov “Make a Claim los yog View Claim Status”.
- Ces mus rau qhov “Help in an Emergency” thiab xaiv qhov “Get Started”.
- Ces xaiv “Apply for Disaster Recovery Payment”.
- Ces xaiv los lus “Begin”.
- Ces koj teb ib co lus nug txog cov kev thov los yog nug tia seb koj puas muaj cai thov cov nyiaj pab cuam no, tab sis ua zoo xyuas kom koj muaj duab, ntaub ntawv los yog tej khoom siv ua pov thawj tias raug kev piam sij ntawm dej nyab tiag tso rau.
- Ces nyem rau los ''Submit'' mus thov cov koj cov nyiaj pab cuam no.
- Thiab koj muaj peev xwm mus nyem rau lub pob “Make a Claim or View Claim Status” thaum koj xub nkag mus rau hauv Centrelink ntawm myGov website seb ho txheeb tej nyiaj koj thov ntawd li cas rau ntau hnub los yog ntau limtiam ntxiv tom ntej no li cas lawm.
