Nyob rau tej teb chaws uas hais lus Aaskiv ntau dua li teb chaws Australia, Canada thiab America ntawd ces, cov kev tu tej me nyuam hais 2 hom lus yeej yog ib cov hauj lwm nyuaj kawg nkaus ntxiv thiab. Vim rau qhov yuav tau nrog xyuas ua ntuv zus thiab yuav tau siv peev txheej ntau yam mas thiaj yuav tswj thiab siv tau ntau yam lus, hais tsis ntsee rau tej lus uas tsev neeg ib txwm siv uas yeej tsis tshua muaj neeg siv coob ntawd. Tab sis cov kev muaj peev xwm kawm tau lwm yam lus kuj yog tej yam tsim nyog ua thiab vim rau qhov yuav tau txais txiaj ntsim rau tej me nyuam yaus thiab.
Mloog tau zaj xov xwm no ua lus Hmoob tau ntawm no:
Cov ntsiab lus tseem ceeb:
- Cov kev kawm ntau tshaj ib yam lus yuav tau txais txiaj ntsim ntau yam thiab yuav pab tau tus me nyuam ntawd lub hlwb thiab cov kev kaj siab.
- Yeej muaj pov thawj tiv khawv qhia tau tseeb tias cov kev muaj peev xwm siv thiab hais tau thiab nkag siab txog ib yam lus, nrog lwm tus tham tau, paub txog lawv tej kab lis kev cai, paub thiab siv tau sau tau nyeem tau yam lus thiab hom ntawv ntawd thiab yuav pab tau tus me nyuam yaus lub hlwb thiab txoj kev xav yog ib yam yuav pab kom tej me nyuam yaus tau txiaj ntsim zoo tshaj plaws rau yav tom ntej.
- Yog tej yam tseem ceeb heev uas yuav tau tso tseg lub tswv yim tias pheej xav kom ib tug twg hais tau siv tau ib yam lus npliag lis nkaus xwb, thiab yeej tseem tsis tau lig uas yus muaj peev xwm kawm tau ntau hom lus li.
Nyob hauv peb cov kev teeb txheeb rau cov project , uas yog SBS ib co podcast series tshiab ntawd ces, peb kuj tau ntsib from SBS, ces peb yeej tau ntsib ntau yim neeg hais ob hom lus uas yeej ntsib teeb meem nyuaj ntau yam sib txawv thiab.
Muaj ib txhia cuab yig uas muaj tej neeg puas cev thiab tau ntshai rau lawv cov kev xav los lub cev ntaj ntsug lawm ces kuj tseem ntsib lwm yam teeb meem ntxiv thiab.
Peb kuj tau nrog tej kws paub zoo txog tej no tham txog tej dab neeg no thiab nug swb lawv ho muaj cov tswv yim twg yuav los pab uas yog cov tswv xub ke zoo tshaj plaws rau yav tom ntej.
LISTEN TO
Bilingual parenting in the early years
SBS Audio
28:03
Ua ke no los kuj yuav tham txog cov tswv yim xav zoo li dab neeg thiab cov kev ntseeg yuam kev txog cov kawm thiab ceev tau lus ntaub ntawv uas muaj no thiab. Txuas ntxiv no yog 5 cov kev tswv yim hais uas dab neeg uas peb tau hnov tas mus li.
Myth 1: Yuav ua rau tej me nyuam yoob thaum hnov tej lus ntau tshaj ib hom.
Txij li tau yug los ces tej me nyuam lub hlwb yeej muaj peev xwm paub txog qhov sib txawv ntawm ntau hom lus lawm.
Dr Loy Lising uas yog ib tug socialinguist uas kawm txog zejzog, tej kab lis kev cai uas ua rau muaj kev pauv hloov rau cov kev siv lus los yog tej cwj pwm siv lus tau tham rau thawj toom xov xwm kaw ua suab tias “Yeej tau muaj ntau cov kev teeb txheeb tau qhia lawm tias tsis yog yus lub hlwb yuav kawm tau ib co lus twg nkaus xwb."
Yeej tsis muaj dab tsi yuav txwv txiav tau tias tus me nyuam lub hlwb yuav kawm tau peb tsawg hom lus xwb, tsuas nyob ntawm tias seb lawv rau siab thiab kub siab rau cov kev kawm tej lus no zoo npaum li cas xwb.
Dr. Loy Lising, Sociolinguist-Senior Lecturer from the Department of Linguistics in Macquarie University Sydney. Source: Dr Loy Lising
Vim rau qhov cov kev ua yuam kev no yeej yog ib feem tseem ceeb ntawm cov kev kawm lus. Thiab yog tej xub ke pab kom peb kawm.
Myth 2: Cov kev tu thiab qhia kom tej me nyuam txawj 2 yam lus yuav ua rau lawv hais lus taj
Yeej muaj ib lub tswv yim uas sawv daws yeej tham txog ntau heev tias tej me nyuam uas kawm 2 hom lus yuav yog cov me nyuam 'hais lus taj'. Thiab yeej muaj ntau yam dab neeg ua rau muaj cov kev xav li no. Tab sis yeej tsis muaj pov thawj qhia tau tias muaj tseeb li hais no tiag.
Tam li Anne Huang yog ib tug neeg pag lwm tus kom hais tau lus los yog kawm tau lus zoo tau qhia ces nws hais tias "Kuv yeej ib txwm hais rau tej neeg thov kev pab cuam ntawm kuv tias kom lawv hais 2 hom lus rau lawv tej me nyuam, thiab yeej tsis yog lawv hais lus qeeb li cas. Tsuas yog tias tej me nyuam ntawd tseem txheeb 2 hom lus ntawd xwb."
Qhov tab tom tshwm sim rau tej me nyuam uas kawm 2 hom lus ntawd ces yuav ua rau lawv paub cov lo lus ua 2 hom lus. Txhais tau tias lawv maj mam pib kawm qee lo lus ntawm ib hom lus ntawd ua ntej, uas muaj ntsis zoo li lawv hais ib nyuag qeeb zog xwb.
Tab sis yog thaum peb txheeb qhov tseeb tias tab tom muaj dab tsi tshwm sim rau yus tus me nyuam lawm, ces yog tej yam tseem ceeb uas peb yuav tsum lees paub txog tag nrho txhua hom lus ua lawv nkag siab thiab lawv muaj peev xwm hais tau thiab.
Tab sis ntev ntxiv tuaj ces tus me nyuam ntawd yeej yuav kawm tau ntau lo lus los ntawm ntau hom lus ntawd thiab, yog piv rau cov me nyuam uas tsuas siv tib hom lus xwb.
Myth 3: Lub swv yim uas ‘Cia ib tug niam txiv qhia tib hom lus xwb' yog tib lub tswv yim uas siv tau zoo rau cov cuab yig uas siv lwm yam lus sib xyaws.
Lub tswv yim ‘One parent one language’ (OPOL) - ‘Cia ib tug niam txiv qhia tib hom lus xwb' feem ntau ces yeej raug xam tias yog ib lub tswv yim zoo tshaj plaws, vim yuav cia ib tug niam txiv hais ib hom lus ntawm tsev xwb, hos lwm tus niam txiv ces hais lwm hom lus rau lwm cov chaw. Piv txwv li ib tug niam txiv twg hais lawv cov lus li lus Korean - hos cia lwm tus hais lwm hom lus uas ib txwm siv li lus - Aakiv.
Tab sis lub tswv yim los kuj tsis yog ib lub tswv yim ua siv tau zoo rau ntau cov cuab yig thiab yog tej yam nyuaj uas yuav ua tsis tau yooj yim.
Dr Anikó Hatoss uas yog ib tug kws ntawv uas tau tham ib cov lus rau peb cov xov xwm kaw ua suab toom ob ntawm ces tsuas muaj cov kab theem ntawm tej me nyuam uas siv lub tswv yim OPOL uas hais lawv hom lus ntawd txog li ntawm 75% xwb.
Dr Hatoss hais tias “Qhov sib txawv txav deb heev ntawm 2 tug niam txiv thiab 2 hom lus ntawd mas yog tej yam yuav ua tau nyuaj heev li."
Hais tsi ntsees rau tej cuab yig uas ib tug niam txiv tsis nkag siab ib hom lus uas tsis tshua siv ntawd; ces kuj yuav ua rau muaj kev tsis haum xeeb hauv tsev neeg los sis kuj yuav ua rau ib tug twg mloog tau tias zoo li lawv raug cais tsis muaj feem koom ua ntau yam hauv lawv tsev neeg thiab."
Dua ntawd lawm ces kuj yeej tseem muaj lwm txoj xub ke uas yuav siv tau thiab. Ib lub tswv yim uas tej zaum yuav yog lub tswv yim haum tuaj nruab nrab rau 2 tug niam txiv ces yog cia lawv txiav txim siab tias seb ho yuav siv lawv hom lus twg rau cov xwm txheej zoo li cas.
Yog li ntawd ces tej zaum yim neeg ntawd kuj yuav hais ib hom lus twg ntawm tsev rau lawv tej me nyuam, tab sis yog thaum mus teev hawm ntawm tsev teev ntuj lawm ces lawv kuj tham ua lus Aaskiv.
There are several approaches for bringing children up bilingually. Source: Pexels - PNW Production
Myth 4: Cov kev pib mus kawm ntawm tej teej kawm yam tsis paub lus Aaskiv li yuav yog tej yam plam txiaj ntsim
Peb tau nrog ntau yim neeg uas muaj cov kev txhawj txeeb txog tias lawv tej me nyuam uas tsis paub lus Aaskiv yuav ua li cas ntawm tej daycare thiab teej teej kawm ntawd tham.
Cov kev txhawj xeeb no kuj qhia txog cov kev ntseeg ntawm Australia tias cov kev tsis yog ib tug neeg yug los hais lus Aaskiv yog tej yam yuav ua rau tsis tau txais txiaj ntxim ntawm teej kawm. Ua yog tej yam tsis muaj hmoo qhia txog qhov tseeb tias tsis pom txog tej txiaj ntsim ntawm cov kev muaj peev xwm kawm tau lwm yam lus ntawm no li.
Tab sis xav kom ntseeg tias txawm tias ib tug me nyuam uas pib mus kawm ntawm tej teej kawm yuav tsis paub lus Aaskiv, los tsis ntev ces lawv yeej kawm tau lawm thiab.
Maggie Jankuloska yeej tau tsiv ntawm Macedonia tuaj rau Australia thaum nws tseem muaj hnoob nyoog 10 xyoo thiab tau pib mus kawm ntawm tej teej kawm yam tsis paub ib lo lus Aaskiv hlo li. Tab sis raws li nws tau sau ib zaj xov xwm rau ces nws hais tias “Kuv lub hlwb cia li zoo li ib daig rwb uas nqus tag nrho txhua yam lawm xwb, yuav tsum tau ua li ntawd - thiab yog ib cov xwm txheej uas hais tau qeeb heev, vim muaj cov sob lus luv luv ntau heev uas yuav tau kawm thiab. Txawm li cas los tom qab tuaj tau rau Australia tau 1 xyoo lawm xes kuv txawm pib kawm tau zauv As rau cov lus Aaskiv lawm.
Maggie Jankuloska with her husband and son. They are raising him in Macedonian, English and Italian. Source: Maggie Jankuloska
Tej teej kawm los yeej tau muaj cov kev txhawb nqa ntau heev kom tej neg paub ntawv Aaskiv ntawm teb chaws Australia no, thiab feem ntau yeej muaj Yog li ntawd qhov uas tej teej kawm tseem ua tsis tau zoo ntawd ces feem ntau ces yog
Vim li no thiaj tseem ceeb heev uas yuav tsum npaj kom muaj ib cov chaw tsis hais ntawv tsev los yog hauv tej zejzog kom tej me nyuam tau siv thiab hais lawv hom lus kom ntau npaum li ntau tau. Vim yeej muaj pov thawj qhia tias yuav pab kom tej me nyuam no kawm tau lawv thawj yam lus zoo dua yog tias sawv daws sib pab.
Dr Gayle Hemsley yeej yog ib tug speech pathologist (tus neeg pab kom lwm tus hais thiab siv tau lus meej) yeej tau hais ib co lus rau cov zaj xov xwm kaw ua suab toom peb, thaum tej cuab yig nrhiav kev pab cuam rau cov kev hais lawv hom lus ntawm tsev thiab hais lus Aakiv ntawm tsev ntawd ces nws hais tias, “Yuav pab kom peb kawm tau lus zoo tshaj plaws, thiab yog ib cov tswv yim kawm tau zoo tshaj plaws los sis yog yog cov kev pab tau rau tej zejzog cov kev xav zoo tshaj plaws."
“Yog li ntawd, thiaj yog tej yam tseem ceeb heev uas tej cuab yig paub txog tias cov kev kawm 2 hom lus ua ke ntawd yog ib txoj xub ke tsim nyog ua," raws li Dr Hemsley tau txhab ntxiv.
Myth 5: Cov kev kawm ntau hom lus sib xyaws yuav ua rau tej me nyuam hais tsis tau ib hom lus twg hlo li
Yeej ib txwm muaj cov kev txhawj xeeb txog cov kev xav ceev txuag kom co lus twg ''tsis txhob sib txuam nruag lwm hom lus.'' Tab sis cov kev siv ntau hom lus sib xyaws yeej tsis yog tej yam dab tsi txawv tab sis kuj nyob ntawm tias seb ho muaj cov kev sib txawv txav li cas ntawm tej cuab yig xwb thiab.
Cov kev xav uas ras los ua dab neeg no cuam tshuam nrog lub tswv yim tias yog yus tsis paub ib hom lus twg kom ntxaws, ces tsis tsim nyog kawm li. Tab sis cov kev paub ib hom lus twg txhais tsis tau tias yuav kom paub cuag ''ib tug tswv lus tswv ntawv ntawd kiag." Tab sis txawm paub ib hom lus twg me ntsis xwb los yeej tsim nyog qhov yus kawm lawm thiab.
Txawm li cas los ntshe yeej yuav yog tej yam nyuaj rau ib tug me nyuam kawm thiab hais kom tau hom lus npliag rau lub caij nws loj hlob tab sis pheej tsis tshua tau nyob nrog tej chaw uas siv hom lus ntawd. Tab sis tej yuav pab tau kom kawm tus hom lus npliag ces yog cov kev siv thiab kawm ntawm tsev, tej chav kawm hom lus ntawd pab ntxiv los yog cov kev muaj cib fim tau siv hom lus ntawd hauv tej zejzog. Los sis yog mus tau txawv teb chaws ntawm yus lub teb chaws uas hais yus tej lus thiab coj yus tej kab lis kev cai ces kuj yog tej yam pab tau thiab.
Raws li Dr Hatoss hais tias yeej 2 lub tswv yim li hais no yeej yog tej yam ua nyog thiab yog tej yam tseem ceeb uas yuav tau siv ntau hom lus sib xyaw ua ke. Tab sis qhov tseem ceeb tshaj plaws mas seb ho muaj tej cai li cas los tswj cov kev siv lus li cas ntawm tsev thiab yuav tsum kub siab tiag tiag los ua raws tej cai no.
“Tej niam txiv uas ntseeg tias lawv muaj peev xwm qhia tau lawv tej me nyuam lus ces feem ntau yog cov ua tau tiav ntau dua," raws li Dr Hatoss hais.
Thiaj tseem ceeb heev kom nco tias cov kev lawm ntau yam lus yeej yog ib cov kev kawm tag yus lub neej. Ces peb yeej muaj peev xwm kawm tau tsis hais kawm thaum twg li.
Dr Elaine Laforteza yog tus tswj cov program My Bilingual Family. Koj muaj peev xwm mloog tau cov program podcast tau ntawm , Google Podcasts, , los yog ntawm tau.
Dr Elaine Laforteza is the host of SBS' podcast My Bilingual Family. Source: Elaine Laforteza
