Tej ntsiab lus tseem ceeb:
- Yuav pib cov kev sib tw FIFA Women's World Cup txij hnub tim 20 lub 7 hli ntuj.
- Australia yuav tswj 35 cov kev sib tw hos New Zealand 29 cov.
- Yuav tso 15 cov kev sib tw pub dawb rau sawv daws saib.
Tej neeg uas nyiam saib cov kev sib tw FIFA Women's World Cup zoo siab heev txog cov coj cov kev sib tw no tuaj sib tw ntawm teb chaws Australia thiab New Zealand ua thawj zaug.
Yuav pib cov kev sib tw no rau hnub tim 20 lub 7 hli ntuj (2023), uas New Zealand yuv sib tw ua ke thawj zaug los pib cov kev sib tw no, txuas ntxiv ntawd ces Australia yuav sib tw nrog Ireland ntau teev tom qab ntawd ntxiv.
Ces thiaj yuav muaj ntau cov kev sib tw li kev sib tw ntawm ib pab pawg, 16 pawg kawg uas tau mus sib tw quarter finals, semi-finals, cov kev sib tw yuav zum peb (3), thiab cov kev sib tw ua zaum kawg rau hnub tim 20 lub 8 hlis ntuj (2023), ces thiaj muaj 64 cov kev sib tw ntawm tag nrho 32 pab uas mus koom cov kev sib tw no.
Australia yuav tswj 35 co kev sib tw ntamwm 5 lub nroog, hos New Zealand yuav tswj 29 co kev sib tw ntawm nws 4 lub nroog.
Thiaj li yog poj niam cov kev sib tw ncaws pob uas muaj neeg saib coob tshaj plaws tam sim no, thiab raws li FIFA uas yog ntiaj teb lub koom haum tswj ntiaj teb cov kev ncaws pob tau hais, ces nws kuj ceeb tias muaj neeg coob heev xav yuav tej yuaj (tickets) mus saib cov kev sib tw ntxov.
Yuav saib cov kev sib tw FIFA Women's World Cup ntawm Australia li cas
Tej neeg ntawm Australia thiab New Zealand ces yeej muaj peev xwm coj yus tus kheej mus saib tau kiag, vim yeej tseem muaj tej yuaj (tickets) rau qee cov kev sib tw rau lub caij uas tab tom tshaj zaj xov xwm tawm no thiab.
Tsis tas li ntawd los kuj yuav tso rau zejtsoom tau saib ntawm tej tshav puam ntawm Sydney thiab Melbourne, thiab tej zaum kuj yuav qhia tias seb puas yuav tso rau sawv daws saib ntawm lwm lub xeev li cas thiab.
Optus Sport yog tus yuav tso txhua cov kev sib tw tshiab thiab yuav tso hauv on-demand, tab sis yuav tsum tau them (subscribe) thiaj siv tau lub app.
Lub chaw nthuav xov xwm Channel 7 yuav tso 15 cov kev sib tw pub dawbrau sawv daws saib thiab yuav rov qab tso tej kev sib tw uas twb sib tw tag lawm rau sawv daws rov qab saib dua, thiab yuav tso cov kev sib tw tseem ceeb luv luv rau sawv daws saib hauv on demand.
Pab twg yog pab uas yuav sib tw FIFA Women's World Cup tau zoo dua?
Yog thaum peb los txheeb txog FIFA cov zum (rankings) lawm, ces teb chaws Meskas (United States - US) uas tau yeej 4 zaug dhau los yog pab tau zeeg ib.
Txawm tias qee tus neeg sib tw uas tau yeej cov kev sib tw xyoo 2019 tsis sib tw lawm, thiab muaj dua cov neeg tshiab los sib tw, los vim yeej muaj peev xwm sib tw tau zoo, ces thiaj txhais tau tias lub teb chaws no tseem yog ib lub uas yuav sib tw tau zoo.
Germany thiab Aaskiv (England) los yeej yog ob pab uas tau sib tw thaum kawg ntawm cov kev sib tw 2022's Euros tournament thiab txawm tias Aaskiv tau yeej lawm los lawv yeej poob qab Germany ob theem, vim Germany yog lub teb chaws ncaws tau zoo ua zum ob.
Thiab vim tias FIFA cov kev teev zum rau poj niam cov kev sib tw ncaws pob no yog tej yam sib chab sib chaws heev ces ib cov kev sib tw twg thiaj li txawv thiab tias ib cov kev yeej twg ho yuav zoo li cas.
Brazil yog lub teb chaws tau zum 8 yog cov kev tau zum zoo tshaj plaws ntawm cov teb chaws Amerca qab teb, thiab yog tus tau yeej cov kev sib tw Copa America.
Sweden yog lub teb chaws tau zum 3, hos cov teb chaws li Fabkis (France), Spain, Canada, Netherlands thiab Australia ces yog cov teb chaws sib tw tau zoo ntawm thawj 10 lub teb chaws.
Hos New Zealand uas yog tus koom uas tswv cuab nrog Australia tswj cov kev sib tw FIFA Women's World Cup 2023 no ces tau zum 26 xwb, tab sis cia siab tias nws tej neeg ntawm nws lbu teb chaws yuav txhawb kom nws tau mus koom cov kev sib tw zaum kawg thiab.
Australia puas yuav yeej ntiaj teb tej poj niam cov kev sib tw ncaws pob (Women's World Cup)?
Tej zaum kuj yuav muaj peev xwm yeej tau thiab. Sam Kerr uas yog Matildas tus captain thiab yog tus coj pob mus tua pem hauv ntej yeej raug lees paub tias yog ib tug neeg ncaws pob zoo tshaj plalws hauv ntiaj teb thiab yog Australia tus neeg ncaws pob uas tua noj pob ntau tshawj plaws thiab.
Yeej tau muaj ntau tus neeg ncaws pob tau piav txog Australia pab poj niam ncaws pob tam sim no tias 'yog pab ncaws tau zoo tshaj plaws' uas yuav muaj peev xwm sib tw tau zoo rau lub caij lawv muaj hnoob nyoog nees nkaum tawm xyoo (20s) - uas yog lub caij uas ntau tus neeg sib tw lub cev muaj zog heev, raws li sport science hais.
Australia nyob rau pab B (Group B) uas yuav tau sib tw nrog cov teb chaws li Ireland, Canada thiab Nigeria, yog li ntawd yog Australia xav sib tw txuas ntxiv ces yuav tsum yog tus ncaws tau zoo tshaj ntawm nws pab no los yog yuav tsum yog pab ncaws tau zoo ua zum ob.
Tab sis Matilda cov kev sib tw tsis ntev los no kuj tseem yog ib cov kev sib tw tsis tau tau raws li tus coach xav kom lawv sib tw thiab.
Australia pab Matilda kuj tau swb thaum sib tw 16 pab quarter final rau cov kev sib tw World Cup xyoo 2019, thiab yog pab uas tau zum 4 rau cov kev sib tw Tokyo Olympics thiab kuj tau swb thiab tsis tau sib tw Asian Cup quarter-finals rau lub 1 hlis ntuj xyoo 2022.
Cov kev sib tw FIFA Women's World Cup yuav pib rau hnub tim 20 lub 7 hli ntuj (2023). Koj muaj peev xwm txheeb tau tej xov xwm tshiab txog Women's World Cup tau ntawm
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, thiab los yog download thiab
kom koj mloog tau SBS Hmong.
