Facebook tau qhia rau hnub Wednesday tias nws tau muab 7 roob (million) phau Facebook account uas pheej mus tshaj tej xov xwm cuav txog tus kab mob coronavirus uas pheej tham txog cov kev tiv thaiv thiab tej kev kho cuav uas hais tshaj qhov muaj tseeb ntawd tshem tawm rau lub sij hawm 3 hlis los txog rau lub 6 hli ntuj dhau los no lawm.
Ces tej xov xwm no thiaj raug coj los nthuav qhia ua zaum 6 rau nws cov kev cej luam Community Standards Enforcement Report uas nws tau tsim coj los siv rau xyoo 2018 dhau los nrog rau cov tswv yim siv coj los tswj tej neeg cov kev siv Facebook kom ib nyuag nruj zog tuaj coj los daws cov teeb meem cov nyom nrog ib cov neeg tias Facebook tsis kub siab los tswj tej xov xwm tej neeg coj mus tso rau ntawm nws lub platforms no.
Facebook yog ntiaj teb ib lub tuam txhab uas yog ib qho chaw muaj neeg coob tshaj plaws thiaj tau qhia tias nws yuav caw ib cov kws paub zoo txog tej hauj lwm no lub plua no mus txheeb xyuas tej xov xwm cej luam ntawm tsab ntawv cej luam no pib txij li thaum ntxov xyoo 2021 no mus. Thiab nws yeej yuav kub siab los txheeb xyuas cov xwm txheej uas tau muaj ib txhia tuam txhab lagluam tau txwv tsis pub haub tau yaum nrog nws lbu tuam txhab no rau lub 7 hli ntuj dhau los vim pom tias Facebook yog ib qho chaw rau tej neeg mus hais lus thuam thiab ntxub ntxaug lwm tus.
Yog li no lub tuam txhab Facebook thiaj li tau muab tej xov xwm txog li 22.5 million tsab uas tau hais lub ntxub ntxaug lwm tus hauv nws lub app no tshem rau lub 6 hli ntuj dhau los, los sis yog tshem tej lus ntxub lwm tus ntau tuaj ntxiv tshaj li 9.6 million cov yog piv rau thawj 3 lub hli ntxov dua ntawd, vim rau qhov nws tau tsim thiab kho cov technology zoo dua qub kom muaj peev xwm los txheeb tau tej lus tsis zoo no lawm.
Tsis tas li no los nws tseem tau muab cov sob lus txog li 8.7 million sob tshem tawm lawm thiab vim rau qhov cov sob lus no cuam tshuam nrog cov koom haum neeg phem "terrorist", yog muab piv rau tib lub caij dhau los ces tsuas muaj txog li 6.3 million sob lus xwb. Tab sis zoo li nws yeej tseem tshem tej lus ntxub lwm tus neeg ntawm ib pawg neeg twg tsawg dua (txog li 4 million sob lus) xwb yog piv rau lub sij hawm 3 hlis thaum ntxov xyoo no ces nws twb tshem cov sob lus ntawd txog li 4.7 million sob lawm.
Txawm li cas los lub tuam txhab no yeej tsis qhia li tias ho muaj cov kev pauv hloov no li cas rau cov sob lus ntxub ntxaug lwm tus neeg li cas ntawm nws tej platforms li, ces thiaj ua rau tej koom haum pov puag zej tsoom txoj cai hais tias Facebook tsab ntawv cej luam uas qhia txog cov kev tshem tej neeg cov account uas pheej mus tso xov xwm cuav no zoo li tsis tshua tseem ceeb pes tsawg lawm.
Facebook tau hais tias nws tsuas siv cov system uas yeej tsim coj los txheeb tej lus tej neeg coj mus tso rau hauv nws tej platforms pib txij lub 4 hlis ntuj los xwb thiab yeej tsis tshua txheeb tej posts no tsawg zog lawm xwb vim muaj tus kab mob COVID-19 sib kis thoob ntuj no lawm.
Ces thiaj li tssi tshua kub siab los nrog xyuas cov posts uas tej zaum ib tug neeg twg tsim teeb meem rau nws tus kheej los yog cov kev yuam siv yuam deev tej me nyuam yaus pes tsawg lawm, raws li pawg coj ntawm lub koom haum no tau qhia rau lub caij uas lawv koom sib tham hauv conference call.
“Yog tej yam uas tsis tsim nyog coj mus tso rau sawv daws saib vim tej neeg nyob ntawm vaj tse yeej tsis muaj peev xwm yuav ua tau li cas rau tej posts ntawd li, los yog yeej pab tsis tau dab tsi rau tej neeg nyob ib puag ncig lawv uas tau pom tej posts ntawd li," raws li Guy Rosen, uas yog Facebook tus lwm coj uas tswj cov dej num uas los xyuas kom tsuas tso tej yam tsim nyog tso tau qhia.
Facebook tau qhia tias nws yeej tau los kho nws tej cai tswj cov kev haus lus ntxub ntxaug lwm tus neeg li tej posts uas tso tej duab looj thiab khwb ntsej muag dub, cov posts uas ntaus nqe yuam kev los yog xav rau kis tsis zoo tias cov neeg Jewish yog ib cov neeg xav tswj lub ntiaj teb no lawm thiab."
Txhuas tus neeg ntawm teb chaws Australia yuav tsum nyob kom nrug ntawm lwm tus neeg li 1.5 metres. Txheeb xyuas seb tej xeev koj nyob ho muaj cov kev txwv tsis pub neeg sib sau ua ke li cas.
Yog tias koj muaj cov yam ntxwv mob tau khaub thuas, ces nyob twj ywm hauv tsev thiab npaj hu nrog koj tus kws kho mob tham los yog hu rau lub chaws qhia txog cov xov xwm tswj kom tau txais kev noj qab nyob zoo thiab tus kab mob coronavirus (Coronavirus Health Information Hotline) tus xov tooj1800 020 080.
Tsis tas li no yeej muaj xov xwm qhia txog tus kab mob COVID-19 ua 63 hom lus thiab ntawv rau koj mloog thiab nyeem tau ntawm: .
