Puas yog cov kev raug lej yuav ua rau sib nrauj? Tej no yeej sib txawv ntawm poj niam thiab txiv neej.

Koj puas xav paub tias yog raug lej es tau nyiaj ntau ne ho puas yuav muaj teeb meem dab tsi rau koj txoj kev txij nkawm? Swedish tej kws teeb txheeb ntseeg tias lawv muaj qee lo lus teb qhia rau koj.

Among married women, a sudden influx of wealth was found to produce a large spike in short-run divorce risk. Source: Getty / amphotora

Ntsiab lus tseem ceeb:

• Raws li Swedish tej kws teeb txheeb tshawb fawb tau ces yuav muaj kev sib nrauj ntau tuaj ntxiv tom qab uas ib tug poj niam raug lej tau ob xyoos lawm.
• Tab sis yog thaum txiv neej raug lej ces yuav tsis ua rau sib nrauj tsawg lawm.
• Yuav ua rau txoj kev txij nkawm ruaj khov tuaj ntxiv rau lub caij 10 xyoo tom qab uas ib tug txiv neej raug lej yog piv rau tej pej xeem feem coob.

“Yog tias kuv raug lej, ces kuv yuav khiav tawm ntawm no mus kiag lawm." Nod yog ib lo lus cia siab uas coob leej ntau tus yeej ib txwm paub zoo.

Txawm tias feem ntau yog tias ib tug twg raug lej ces tej zaum lawv yuav tawm hauj lwm los yog yuav tsev tshiab, tab sis raws li cov kev teeb txheeb tsis ntev los no tau qhia, ces yog tias ib tug poj niam raug lej tau nyiaj ntau heev ces yuav muaj ntau yam laj thawj sib txawv rau lawv thiab.

Swedish tej kws teeb txheeb tshawb fawb tau tias yog thaum ib tug poj niam twg raug lej tau nyiaj ntau, ces tom qab ntawd tsis ntev ces tej zaum lawv yuav sib nrauj nrog lawv tej txiv ntau dua.

Lub hlis no ces Sweden lub koom haum teeb txheeb txog lagluam haiv (National Bureau of Economic Research) tau coj tsab ntawv cej luam tis npe hu ua Tej cuab yig muaj hmoo? Tej teeb meem ntawm cov kev nplua ntuj yuav muaj rau txoj kev txij nkawm thiab cov kev muaj me nyuam uas yeej teeb txheeb tiav lawm tab sis tseem tsis tau luam thiab nthuav tawm.

Muaj ib co kev teeb txheeb tsawb fawb tau tias yog tej poj niam yuav txiv lawm raug lej ces yuav ua rau lawv muaj cib fim sib nrauj txog li 2 npaug tom qab raug lej tau nyiaj ntau heev tau 2 lub xyoos Source: Getty / Flavio Coelho

Cov kev teeb txheeb no koj tau tshawb fawb txog lub sij hawm 10 xyoo tom qab uas ib tug neeg twg raug lej tau nyiaj 1 million Krono uas yog nyiaj Swedish (AUD 144,433) los yog raug lej tau nyiaj ntau tshaj ntawd.

Ces tsab ntawv teeb txheeb no qhia tias “Tej poj niam yuav txiv uas raug lej no yuav sib nrauj rau lub sij hawm luv luv."

“Tej poj niam yuav txiv uas raug lej no yuav sib nrauj rau lub sij hawm luv luv."

Sweden’s National Bureau of Economic Research

Raws li tej kev teeb txheeb no qhia ces tej poj niam uas raug lej rau lub sij hawm ob xyoos ntawd muaj cib fim ob npaug yuav sib nrauj tom qab raug lej tau ob lub xyoos.

Tej xwm txheej uas raug txheeb tau no raug ntau nqe tias cov kev nplua nuj uas tau los yam tsis tas siv dag siv zog khwv no 'haj yam ua rau muaj kev xaus txoj kev txij nkawm sai tuaj ntxiv' yog tias cov kev txij nawm no yeej tsis tshua muaj kev sib raug zoo rau txoj kev txij nkawm ua ntej ntawd lawm.''

Tsab ntawv cej luam no (report) kuj tau qhia tias ''tej zaum lub caij raug lej no yuav ua rau ib tug poj niam uas tsis tshua zoo siab rau txij kev txij nkawm thiab muaj nyiaj lawm yuav siv lub cib fim no xaus txoj kev txij nkawm tau'' tab sis tej txiv neej uas raug lej ntawd yeej txawv tej poj niam no thiab.

Tej kev teeb txheeb no hais tias tej txiv uas raug lej yeej muaj cib fim tsawg heev yuav sib nrauj nrog lawv tej poj niam rau lub sij hawm 10 xyoo tom qab uas lawv raug lej lawm.

Tsab ntawv teeb txheeb no kuj qhia tias “Raws li peb cov kev kwv yees lawm ces cov kev yuav muaj kev sib nrauj rau lub sij hawm 10 xyoo tom qab raug lej lawm tsuas muaj cib fim sib nrauj txog 6 feem pua xwb, uas yog yuav muaj cov kev sib nrauj no tsawg txog 40 feem pua lawm."

Yog tham txog txiv neej lawm, ces cov kev raug lej no zoo li tsis yog tias yuav pab kom tej uas twb sib yuav lawv tsis txhob sib nrauj xwb tab sis kuj yuav pab kom tej txiv neej uas tseem tsis tau muaj txij nkawm ntawd yuav poj niam ntau tuaj ntxiv thiab.

Tsab ntawv cej luam (report) no thiaj hais tias ''cov kev nplua nuj ua rau txiv neej zoo nraug zog tuaj rau tus txij nkawm yav pem suab thiab tus txij nkawm tam sim no lawm."

Tej statistics ntawm tsab ntawv cej luam no tau qhia tias, cov kev raug lej ntau yuav pab kom tej txiv neej uas tseem tsis tau muaj txij nkawm muaj cib fim yuav poj niam txog li 30 feem pua (rau lub sij hawm li ntawm 5 xyoos uas lawv raug lej).

Tej txivneej uas tau koom cov kev teeb txheeb no los kuj muaj cib fim txog 13.5 feem pua yuav ras los ua ib tug leej txi rau ib tug me nyuam rau lub sij hawm 10 xyoo uas raug lej thiab yog piv rau tej uas tsis tau ib pob nyiaj ntau ntawd.

Tej kws sau cov kev teeb txheeb no hais tias vim muaj kev faib tej peev txheej nyiaj txiaj no zoo dua rau tej nkawm niam txiv nplua nuj uas sib nrauj ntawm teb chaws Sweden dua, ces lawv cov kev teeb txheeb thiaj tau los tshawb fawb txog tej no tsis ntsees.

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Googlepodcasts, Spotify, thiab Apple podcasts los yog download SBS Audio App  thiab SBS Hmong pod follow kom koj mloog tau SBS Hmong.