Tej zaum muaj ntau millions tus neeg Australia tej xov xwm paim quav thaum Ticketmast raug hack

Tej zaum kuj yuav muaj neeg Australia txog li ntawm 2 million tus tej xov xwm ntiag tug raug neeg phem nyiag tau rau lub caij uas tej cyber criminal tau hack lub tuam txhab muag pib/yuaj hu ua Ticketmaster uas tau ua rau muaj teeb meem rau tej neeg thoob ntuj txog li 560 million tus.

News of the exposure of the personal data of Ticketmaster customers surfaced with a hacking group attempting to sell the information on the dark web. Source: AAP / Rafael Henrique

Ntsiab lus tseem ceeb:

• Lub tuam chav Home Affairs tau qhia meej tias nws tseem tab tom nrhiav xov xwm kom ntxaws txog tej xwm txheej cyberattack tau muaj rau lub tuam txhab Ticketmaster.
• Tej zaum kuj yuav muaj lub tuam txhab Ticketmaster tej customers thoob txog li 560 million tus tej xov xwm raug nyiag.
• Thiaj tau muaj tej xwm txheej notom qab tej hackers tau xav coj tej xov xwm nyiag tau no coj mus muag.

Kuj tau muaj ib co lus liam tias tej zaum 560 million tus customers ntawm lub tuam txhab Ticketmaster tej xov xwm ntiag tug raug neeg phem nyiag tau, thiab tej zaum yuav muaj tej customers uas yog neeg Australia 2 million tus nrog tej neeg no thiab.

Tau muaj ib tsab ntawv tso rau hauv dark web hnub tim 28 lub 5 hlis ntuj (2024) uas zoo li yog ib pab neeg hacker hu ua ShinyHunters xav muab tej xov xwm ntawm tej neeg ntiag tug txog li 1.3 terabytes coj mus muag USD$500,000 (AUD$750,000).

Txawm li cas los lub tuam txhab no yeej tseem tsis tau hais dab tsi tias seb puas yog nws tej xov xwm raug hacked li cas.

Tab sis tej xov xwm uas tej hackers tau piav txog ntawm ib qho online post ces yog tej neeg tej credit card, xov tooj thiab tej email addresses.

Muaj ib tug kis ntawm lub tuam chav Home Affairs tau qhia tias lawv tseem tab tom ua hauj lwm nrog lub tuam txhab Ticketmaster ''kom totaub zoo txog tej xwm txheej no seb yog li cas tiag.''

Thiab yeej tau muaj pawg hacker hu ua ShinyHunters tau tsim ntau yam teeb meem cyberattacks txij xyoo 2020 los lawm, suav cov xwm txheej hack lub tuam txhab Pizza Hut Australia rau lub 9 hli ntuj uas muaj tej customer txog li 200,000 tus tej xov xwm raug nyiag.

Lim tiam dhau los, ces MediSecure uas yog lub koom haum teev tej neeg mob cov ntawv yuav tshuaj electronic prescriptions los kuj tau muab nws lub vas sab kaw thiab hais tias nws tseem tab tom txheeb kom totaub tias seb puas cov kev raug hack no puas muaj teeb meem dab tsi rau Australia tej neeg mob tej xov xwm.

Ces thiaj tau muaj ib cov ntawv sau rau ntawm neeg Russia ib lub hacking website, uas raug liam tias yog tus nyiag tej xov xwm no.

Lub tuam txhab no (Ticketmaster) tau qhia tias raws li tau xub txheeb tej xwm txheej no thaum ntxov lawm ''ces pom tau tias tau muaj tej xwm txheej no los ntawm lawv ib lub tuam txhab sab nraud uas pab lawv muag tej pib/yuaj (ticket)''.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.