Hau xeev Daniel Andrews tau qhia txog qee yam uas tsoom fwv tshem tsis txwv ntxiv ntawm xeev Victoria.
Mr Andrews tau los qhia txog tej kev pauv hloov no rau ntawm nroog Melbourne rau hnub zwj Hnub sawv ntxov li pub qhua pes tsawg tus mus xyuas tau ib tsev neeg, pub neeg mus zaum noj mov ntawm tej khw noj mov, bars thiab mus ua exercise ntawm gyms los yog mus koom ua koom txoos kev ntseeg los sis koom tau lwm cov koom txoos los yog lwm cov chaw pes tsawg leej.
Tom qab lub sij hawm tau 23 hnub sib law liag uas xeev Victoria tsis muaj neeg kis kab mob coronavirus ces nws thiaj tau los qhia txog cov kev tshem cov kev txwv no.
Yuav pib siv tej kev pauv hloov li hauv qab no mus txij sij hawm ib tag hmo hnub zwj Hnub (Sunday tim 22.11.2020) no mus:
- Pub 15 tug qhua mus xyuas ib tsev neeg rau ib hnub twg. Suav tej neeg no tej me nyuam nrog tab sis tsis suav tej me nyuam mos hnoob nyoog qes dua ib xyoos nrog.
- Pub 50 tus neeg sib sau tau rau ntawm zej tsoom tej chaw li ntug hiav txwv, parks.
- Tseem kom tej neeg mus koom ua ib yam dab tsi hauv ib chav twg yuav tau siv ntaub npog qhov ncauj tab sis tsis hais kom tej neeg siv nraum zoov lawm tsuas yog tias ntshe koj ho tsis muaj peev xwm nyob nrug ntawm lwm tus xwb ces thiaj siv xwb.
- Tej lagluam tos txais qhua muaj cai tos tau 300 tus neeg mus koom tau ntawm lawv tej chaw tab sis tsuas pub neeg mus zaum tau rau sab hauv coob kawg txog 100 leej xwb, tab sis tseem siv cov cai ib tug neeg yuav tsum tau nyob kom nrug ntawm lwm tus li 4 metres xwmfab xwm meem rau hauv ib chav tsev ntawm tej chaw loj ntawd. Hos cov chaw me ces pub neeg txog 50 tus koom xwb tab sis ib tug neeg twg yuav tsum nyob kom nrog ntawm lwm tus neeg li 2 metres xwmfab xwm meem.
- Ib txhia neeg uas kawm qib siab ces yuav rov qab mus kawm ntawm tej teej kawm rau lub caij ntuj so no.
- Qhib gyms rau tej neeg siv txog li 150 leej, thiab pub ib pab neeg twg ua ke tau txog 20 leej tab sis tej neeg no yuav tsum nyob kom sib nrug 4 metres xwmfabxwmmeem.
- Pub neeg txog 150 leej koom tau tej chav ua kev lom zem hauv tsev los yog cov kev sib tw hauv tsev tab sis yuav tsum faib ua ib pab txog li 20 leej thiab ib tug neeg yuav tsum nyob kom nrug ntawm lwm tus li 4 metres xwmfabxwmfeem.
- Pub neeg sib tw tau nraum zoov koom tau txog 500 leej tab sis yuav tsum faib ib pab twg txog li 50 leej ua ke xwb, thiab ib tug neeg twg yuav tsum nyob kom nrug ntawm lwm tus neeg li 4 metres xwmfabxwmmeem.
- Tej pas da dej nyob sab hauv tsev, cov skate parks thiab cov chaw dhia kom tshoom thiab thaws tau siab ntawd muaj cai txais 150 tus neeg mus koom tau. Hos tej pas da dej nraum zoov ces pub 300 tus neeg koom tau.
- Tej koom txoos kev ntseeg ces pub 150 tus neeg koom tau hauv tsev thiab pub 300 leej koom tau nraum zoov. Tab sis 2 cov kev koom cov kev ntseeg no yuav tsum hais kom ib tug neeg twg yuav tsum nyob kom nrug ntawm lwm tus neeg 4 metres xwmfabxwmmeem.
- Pub 150 tus neeg mus koom tau tej rooj tshoob thiab ntees tab sis yuav tsum kom tej neeg nyob kom sib nrug seb thaj chaw ntawd loj los me. Tsuas pub 15 tus neeg koom tau ib lub rooj tshoob ntawm tsev xwb.
- Pub neeg txog 150 tus neeg mus koom saib yeeb yaj kiab thiab tej chaw saib duab.
- Pub tej chaw 150 tus neeg mus siv tau tej chaw siv cov tshuab play game xwb tab sis yuav muab ib lub kaw sib kem kom tej neeg mus siv ntawd txhob nyob sib ti.
Tej hais hauv qab no yuav siv txuas ntxiv raws li lub sij hawm tau teev tseg:
- Txij hnub Monday tim 30 November, pub 25% ntawm tej neeg ua hauj lwm rov qab mus ua tau hauj lwm ntawm tej chaw ua hauj lwm li qub. Hos 75% ces tseem yuav tau ua hauj lwm ntawm tsev. Tab sis yeej tseem sib cov cai tswj uas pub ib tug neeg yuav tsum nyob kom nrug ntawm lwm tus li 4 metres xwmfabxwmmeem. Yog li tej neeg ua hauj lwm rau nom tswv yuav tsum ua hauj lwm tom tsev kom muaj peev xwm ua tau hauj lwm thiab kom tau chaw dav rau tej lagluam ntiag tug mus ua tau hauj lwm thiab sib tej chaw ua hauj lwm no.
- Txij sij hawm 11.59pm hnub Sunday 13 December, ces pub 30 tus qhua tuaj xyuas tau koj tsev rau ib hnub tau. Suav cov me nyuam uas tej neeg ntawd coj nrog lawv tuaj thiab tab sis tsis suav cov me nyuam mos los yog cov me nyuam hnoob nyoog qes dua 1 xyoos nrog.
Lub caij uas Mr Andrews tau qhia txog cov cai uas raug tshem los yog hloov ntawm nroog Melbourne rau hnub Sunday sawv ntxov ces nws tau qhia tias xav kom lub xeev no yuav tsum tau xyuam xim ceev faj.
“Tus kab mob no tseem tsis tau dua toj. 23 hnub uas tsis muaj neeg kis tus kab mob no txawv qhov uas peb muaj tshuaj vaccine coj los siv. Peb sawv daws yuav tsum muaj feem xyuam los nrog xyuas tej hais no."
Mr Andrews tau hais tias tej ntaub npog qhov ncauj tseem yuav yog ib yam tseem ceeb los pab kom txhob muaj neeg kis tus kab mob no ntxiv.
"Tus kab mob no sib kis sai heev. Yog li cov kev paub tias tsim nyog yuav tau ua li cas thiaj thiaj yog tej yam tseem ceeb tshaj plaws. Thiaj xav kom tej neeg nqa ntaub npog qhov ncauj nrog nraim yus, vim yus tsis paub tias yuav tau siv thaum twg, txawm nraum zoo los yus tsis paub tias xyuav yuav tau siv thaum twg li. Tej ntaub npog qhov ncauj no thiaj yog ib feem tseem ceeb heev uas ua rau muaj neeg kis kab mob tsawg, yog li peb yuav tsum ua zoo xyuas kom peb ntxeem dhau ntawm tej xwm txhej no thiab yuav tau ua zoo xyuas kom muaj feem xyuam los siv tej ntaub npog qhov ncau thaum peb nyob hauv tsev, kom peb tsis txhob kis tus kab mob no rau lwm tus los yog kis ntawm lwm tus rau yus yam yus tsis paub los yog tsis nco ceev faj txog," raws li Mr Andrews tau qhia.
New South Wales thiaj li tau qhia ntxiv thiab tias nws yuav tsis txwv xeev Victoria cov ciam teb txij ib tag hmo hnub no lawm thiab.
Victoria tsuas muaj
"Tus neeg uas tseem muaj tus mob no yog tib tug neeg uas muaj teeb meem cuam tshuam nrog nws lub cev uas tsis muaj peev xwm tawm tsam nrog tus kab mob no xwb tab sis yeej maj mam zoo zuj zos tuaj lawm," raws li Martin Foley uas yog tus pwm tsav tswj kev noj qab haus huv tau hais rau hnub zwj Cag dhau los.
Tej neeg South Australians uas xav mus rau lub xeev Victoria yeej muaj peev xwm mus tau yog tias lawv muaj ntawv tso cai, uas lawv muaj peev xwm thov tau ntawm Service Victoria lub vas sab.
Tej zejzog uas nyob rau tej chaw sib nrug li 70 km uas muaj cai mus ncig tau rau lwm lub xeev ces muaj peev xwm mus thov tau tsoom fwv xeev South Australia cov ntawv tso cai li lawv ib txwm thov siv ntau hli dhau los siv tau.
Tej neeg uas tau txais cov kev pab cuam kho mob sai uas nyob rau ib lub tsev raws cov ciam teb ces tau txais kev tso cai hla tau ciam teb kom siv tau cov kev kho mob los cov kev pab cuam no.
NSW thiab ACT los kuj yuav qhib lawv cov ciam teb rau xeev Victoria rau hnub Monday zwj Hli no lawm thiab.
Tej neeg rov qab los rau nroog Melbourne yuav muaj cai los tau rau hnub tim 7 December thiab yuav xub pub 170 leej los tau rau ib hnub twg.
Hos lub caij no nom tswv xeev Victoria los kuj txhawj xeeb txog cov piv txwv kab mob uas lawv txheeb tau ntawm nroog Melbourne tej chaw lim tej dej qias, ces lawv thiaj li tau nqua hu kom tej neeg ntawm tej zos cuam tshuam thiab tej neeg tau mus ncig xyuas Altona ntawm nroog Melbourne sab hnub poob qab teb txij hnub Monday dhau los txog rau hnub Wednesday mus sim sib puas kis tus kab mob COVID-19.
Victorian authorities are concerned about traces of the virus unexpectedly found at a Melbourne wastewater facility, prompting a plea for residents and visitors to Altona in Melbourne's southwest from last Monday to Wednesday to get tested if symptomatic.
Tej zos nyob ze ntawm tej chaw lim cov dej tsis huv uas muaj Altona, Altona Meadows, Laverton, Point Cook thiab Sanctuary Lakes ntawd thiaj li yuav tau xyuam xim.
Xeev NSW thiab South Australia los yeej tsis muaj neeg kis tau kab mob rau hnub Sunday no thiab.
- Additional reporting by AAP.
Txhua tus neeg ntawm teb chaws Australia yuav tsum nyob kom sib nrug ntawm lwm tus neeg yam tsawg li 1.5 metres. Txheeb xyuas cov kev txwv ntawm lub xeev koj nyob seb muaj cai dab tsi txwv cov kev sib sau ua ke li cas.
Yog tias koj muaj cov yam ntxwv mob tau khaub thuas ces xav kom nyob twj ywm hauv tsev, thiab hu nrog koj tus kws kho mob tham los yog hu nrog lub koom haum Coronavirus Health Information Hotline tham tau raws tus xov tooj 1800 020 080. Muaj tej xov xwm qhia txog tus kab mob COVID-19 ua 63 hom lus uas koj txheeb tau ntawm:
Xav kom koj mus txheeb xyuas tau lwm yam xov xwm ntxiv ntawm: , , , , , , .
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
