- Tej tub kawm pej kum haiv thiab cov neeg thov tau cov working holiday visa ncig teb chaws uas tuaj rau Australia pib txij hnub no mus yuav muaj cai thov tau cov nqe visa rov qab coj los txhawb nqa kom muaj neeg tuaj rau lub teb chaws no.
- Thawj pwm tsav Scott Morrison tau qhia txog cov kev pauv hloov tshiab no tias yog ib co kev pab rau lub caij muaj neeg ua hauj lwm tsis txaus vim muaj tus kab mob Omicron no.
- Tej tub kawm pej kum haiv ces yuav tsis tau them tej nqe thov visa rau lub sij hawm 8 limtiam (2 hlis) pib txij hnub Wednesday (19.01.2022) mus, hos cov neeg working holidaymakers ces muaj cai thov tau cov nqe thov visa rov qab rau lub sij hawm 12 limtiam (3 hlis).
- Kab mob COVID-19 ua rau muaj 61 tus neeg ntawm Australia 3 lub xeev uas muaj pej xeem coob tshaj plaws tas sim neej.
- NSW muaj 32 tus neeg tas sim neej, muaj 2,863 tus neeg tseem raug kho ntawm tsev kho mob, thiab muaj cov neeg mob no txog li 217 tus yog cov pw hauv chav ICU.
- NSW tus hau xeev Dominic Perrottet tau qhia tias txij hnub no mus ces NSW tej neeg zejzog tej neeg uas tau hno tshuaj vaccine koob 2 tau 3 hlis dhau los los sis yog ntev tshaj ntawd lawm ces muaj peev xwm teem caij mus hno tau tshuaj vaccine koob 3 lawm.
- Professor Paul Kelly uas yog Australia tus coj lis dej num tswj kev noj qab haus huv tau hais tias ntshe tej zaum lub caij ntuj no yuav los txog no yuav ua rau muaj neeg kis tau kab mob coronavirus coob tuaj ntxiv nrog rau tej neeg uas tau khaub thuas rau ib lub xyoos twg thiab.
- Queensland tau qhia tias pib txij sij hawm 1am hnub Saturday (Zwj Cag) no mus ces nws yuav tsis hais kom tej neeg ntoj ncig pej kum haiv uas tau hno 2 koob tshuaj vaccine cais lawv tus kheej ntxiv lawm.
- Queensland tus hau xeev Annastacia Palaszczuk tau hais tias tos ho tau siv hnub ntawd los twb vim lub xeev no muaj neeg hno 2 koob tshuaj vaccine ze 90% rau ntau hnub ntxiv no lawm.
- Melbourne Airport tau nqua hu kom tsis txhob siv cov kev sim tej neeg ntoj ncig pej kum haiv uas tau hno 2 koob tshuaj vaccine ua ntej yuav tawm ntawm Australia mus txawv teb chaws uas yuav tsum qhia kom tau tias lawv tau sim PCR thiab tsis kis kab mob rau lub sij hawm 3 hnub ntxiv lawm.
Tej xeev uas tau npaj cov (Rapid Antigen Testing) RAT registration forms:
COVID-19 Stats:
- NSW muaj 32,297 tus neeg tshiab kis kab mob thiab muaj 32 tus neeg tas sim neej, hos Victoria ces muaj 20,769 tus neeg tshiab kis tau kab mob thiab muaj 18 leej tas sim neej.
- Queensland tau muaj 19,932 tus neeg tshiab kis kab mob thiab muaj 11 tug neeg tas sim neej hos Tasmania ces muaj 1,185 tug neeg tshiab kis kab mob.
Yog xav paub txog tej tswv yim muaj coj los siv twj kab mob COVID-19 uas tseem sib kis thoob ntuj no ua koj hom lus ces txheeb tau ntawm .
Tej xeev cov kev cais thiab cov kev txwv kab mob COVID-19:
Kev ntoj ncig
thiab kab mob Covid-19 nrog rau tej xov xwm qhia txog cov kev ntoj ncig
Kev pab cuam nyiaj txiaj
Yeej muaj cov kev pauv hloov rau cov nyiaj pab cuam COVID-19 Disaster Payment lawm thaum tej xeev muaj neeg hno tshuaj vaccine txwm ob koob txog li 70 thiab 80 feem puas lawm:
- Txheeb tau xov xwm ua ntau tshaj 60 tawm hom lus txog kab mob COVID-19 tau ntawm
- Txheeb tau tej cai coj los taw qhia txog kab mob coronavirus ntawm tej xeev tau ntawm no: , , , , , , .
- Txheeb tau xov xwm txog tshuaj
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
- .
Tej clinics sim kab mob Coronavirus ntawm cov xeev:
| | | | | | |
