Xov xwm tshiab txog kab mob COVID-19: Tej neeg ua hauj lwm kho mob ntawm Victoria tau nyiaj hauj lwm pab cuam ib zaug

Nod yog xov xwm tshiab qhia txog kab mob COVID-19 rau hnub tim 10 lub 6 hlis ntuj xyoo 2022.

Healthcare workers in Victoria to receive one-off Healthcare Worker Winter Retention and Surge Payment Source: Getty Images/Lisa Maree Williams

Hnub Friday ces kab mob COVID-19 tau ua rau muaj 40 leej tas sim neej ntawm Australia, cov neeg tas sim neej no muaj 19 tug nyob ntawm Victoria, 11 tug ntawm New South Wales (NSW). Thiab kuj tau muaj xov xwm qhia tias muaj 6 tus neeg tas sim neej ntawm xeev Western Australia uas yog ib co neeg tas sim neej coob kawg raws li keeb kwm teev tseg.

NSW lub tuam chav tswj hauj lwm noj qab haus huv tau hais tias tus kab mob Omicron's B.1.1.529 yog tus muaj neeg kis coob tam sim no thiab tej neeg tshiab kis tau feem ntau ntawm lub xeev no.

Txawm li cas los ntau limtiam tsis ntev los no yeej tau pom tias muaj tus kab mob BA.5 ntau tuaj ntxiv lawm thiab. 

Txheeb tau tej xov xwm tshiab seb muaj neeg tshiab kis kab mob COVID-19 li cas lawm, raug coj mus kho ntawm tsev kho mob li cas lawm, thiab ho tas sim neej li cas ntawm teb chaws Australia tau ntawm no.

Victoria tus hau xeev tau qhia (9 June) tias yuav them nyiaj tib zaug rau cov neeg ua hauj lwm raws cov nyiaj Healthcare Worker Winter Retention and Surge Payment rau tej neeg ua hauj lwm kho mob, thiab yuav muaj kev pab cuam rau tej neeg ua hauj lwm hmo ntuj. Txhua tus neeg ua hauj lwm pab zej tsoom kho mob, thiab lub koom haum Ambulance Victoria yuav muaj cai tau nyiaj $3,000. Cov neeg ua hauj lwm part time, casual los yog neeg ua hauj lwm tshiab uas tau ua hauj lwm tom qab tim 1 lub 7 hli ntuj thiab tseem ua hauj lwm txog hnub tim 30 lub 9 hli ntuj xyoo 2022 los kuj muaj cai thov tau nyiaj sib npaug raws li cov sij hawm ua hauj lwm thiab. 

Kuj yuav muaj cov kev hno tshuaj COVID-19 vaccine rau ntawm kaum (10) lub tsev kawm qeb pib (primary schools) uas tej neeg muaj peev xwm cia li mus hno tau raws tej chaw npaj thoov xeev Victoria rau ntau hnub ntxiv tom ntej no. Ces limtiam tom ntej no mam li yuav muaj ib co chaw hno tshuaj vaccine kaw lawm.

Nyob ntawm Australian Capital Territory (ACT) ces pib txij sij hawm 3.50pm hnub no (10 June) ces yuav muab lub chaw sim kab mob COVID-19 (COVID-19 testing ntawm Nicholls kaw ruaj lawm. Thiab mam li kom tej neeg ua hauj lwm no mus ua hauj lwm ntawm lub chaw sim Mitchell testing centre. 

---

Nyeem txog tej tshuaj COVID-19 vaccines ua ntawv Hmoob

---

Nrhiav tau ib lub chaw sim kab mob COVID-19 ntawm:

ACT   New South Wales   Northern Territory   Queensland   

South Australia   Tasmania   Victoria   Western Australia  

---

Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm: 

ACT   New South Wales   Northern Territory   Queensland    

South Australia   Tasmania   Victoria    Western Australia

---

Txheeb seb pub thiab tsis pub koj ua dab tsi ntawm ib qho chaw twg ntawm teb chaws Australia.

Ua ntej koj yuav mus txawv teb chaws, ces txheeb seb yuav tau ua dab tsi thiab muaj cov kev taw qhia dab tsi.

Yog tias koj xav tau txais kev pab cuam nyiaj txiaj, ces txheeb seb ho muaj cov kev pab cuam twg pab rau koj.

Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob COVID-19.

---

Nyeem tag nrho tej xov xwm txog kab mob COVID-19 ua koj hom ntawv tau ntawm SBS Coronavirus portal.  

---

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.