Xov xwm tshiab txog kab mob COVID-19: Victoria tshem cov kev txwv ntxov dua, Yuav pib rov qab ncig mus los ntawm Australia thiab New Zealand

Nod yog xov xwm tshiab txog kab mob Coronavirus ntawm Australia rau hnub tim 17.10.2021.

Brighton, St Kilda, Victoria Source: AAP/DANIEL POCKETT

Victoria tshem cov kev txwv ntxov dua qhov xub npaj tseg.
NSW muaj neeg hno tshuaj COVID-19 vaccine txwm 2 koob txog 80%.
Yuav rov qab pub tej neeg mus los tau ntawm teb chaws Australia thiab New Zealand li qub.
Tsoom fwv Australia yuav tau cov kev kho kab mob COVID-19 tshiab.

Victoria

Victoria muaj 1,838 tus neeg tshiab kis tau kab mob COVID-19 thiab muaj 7 tus neeg tas sim neej.

Tam sim no tseem muaj 777 tus neeg kho ntawm tsev kho mob, muaj 151 tug raug kho hauv chav kho cov neeg mob sab (Intensive Care Unite -ICU) thiab muaj 94 tus neeg mob ces rau twj pab ua pa.

Hau xeev Daniel Andrews tau qhia txog

cov kev xaus cov kev kaw xeev

ntxov tshaj qhov xub xav ua ntej lawm. Thiab yuav pib tshem cov kev txwv no pib txij ib tag hmo hnub zwj Teeb (Thursday) zwj thaj tim 21.10.2021 mus. ''Ces thiaj yuav tsis muaj cov kev txwv uas tsis pub koj tawm ntawm tsev, tsis txwv cov kev tsis pub koj tawm tau hmo ntuj ntxiv lawm,'' raws li tus hais xeev tau qhia.

89% ntawm cov neeg Victoria uas muaj hnoob nyoog 16 xyoo thiab siab tshaj ntawd yog cov tau hno tshuaj COVID-19 vaccine thawj koob lawm, thiab muaj 65.5% yog cov tau hno txwm 2 koob lawm.

Nrhiav tau ib lub chaw hno tshuaj COVID-19 vaccine ze ntawm koj tau ntawm no.

New South Wales

NSW tau muaj 301 tus neeg tshiab kis tau kab mob, thiab muaj 10 tus neeg tas sim neej.

Hau xeev Dominic Perrottet tau qhia nag hmo tias NSW twb muaj neeg txog 80% tau hno tshuaj COVID-19 vaccine 2 koob lawm,

txhais tau tias txij tag kis mus ces yuav tshem ntau cov kev txwv ntxiv.

Tus hau xeev no tau qhia txog cov nyiaj $130 million coj los pab daws cov teeb meem nyuaj siab ntxhov plawv.

Bronnie Taylor uas yog tus nom tswj cov hauj lwm mental health tau hais tias "Peb yog thawj lub xeev ntawm Australia uas tau xyaum tej neeg txog li 275,000 tus neeg kom paub tiv thaiv kom lwm tus tsis txhob txov txo lawv tus kheej txoj sia thiab paub pab cuam tej neeg muaj kev nyuaj siab ntxhov plawv no."

Nyem ntawm nod kom thiaj teem tau caij rau koj mus hno tshuaj COVID-19 vaccine hnub no.

24 teev dhau los thoob Australia

Tsoom fwv teb chaws tau yuav cov tshuaj kho mob tshiab hu ua Renopreve txog 15,000 cov.
Txij ib tag hmo hnub zwj Quag (Tuesday) zwj thaj tim 19.10.2021 mus ces yuav muaj peev xwm ntoj ncig tau ntawm xeev NSW, VIC thiab qee cheeb tsam ntawm teb chaws New Zealand.

ACT tau qhia tias nws muaj 33 tus neeg tshiab kis tau kab mob COVID-19/
Tasmania tsis muaj neeg kis kab mob Coronavirus.
Tsoom fwv Queensland tseem tsis tau teem kiag tias hnub zwj thaj twg mam li qhib nws tej ciam teb.

Cov kev cais, kev ntoj ncig, chaw sim thiab nyiaj pab cuam pandemic disaster payment

Tej nom tswv xeev yog cov tswj tej dej num cais thiab sim tej neeg uas koj muaj peev xwm txheeb tau raws li hauv qab no:

NSW

and

VIC

and

ACT

and

and

QLD

and

and

TAS

and

and

Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus.

Nyem ntawm nod

mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.

Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab

Smart Traveller

Muaj xov xwm txog kab mob COVID-19 ntau tshaj 60 hom ntawv thiab lus rau koj nyeem thiab mloog ntawm
sbs.com.au/coronavirus
Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev:
NSW,

Victoria
,
Queensland
,
Western Australia
,
South Australia
,
Northern Territory
,
ACT
,
Tasmania
.
Txheeb tau xov xwm qhia txog tshuaj
COVID-19 vaccine ua koj hom lus ntawm no.