- Victoria muaj 1,220 tus neeg kis kab mob
- NSW tej nom tswv nqua hu kom tej neeg zejzog ua raws tej cai pub tej neeg sib sau ua ke ua ntej yuav muaj cov kev sib tw National Rugby League
- ACT muaj 38 tus neeg tshiab kis kab mob
- Tasmania muaj 1 tug neeg kis tau kab mob
Victoria
Victoria tau muaj 1,220 tus neeg kis kab mob COVID-19 ntawm nws lub xeev thiab muaj 3 tug neeg tas sim neej.'
Hau xeev Daniel Andrews tau hais tias tej kev txwv tsuas yog coj los siv pov pluag cov healthcare system thiab ua ib cov kev cam hwm rau tej neeg kho mob xwb.
Nws tau hais tias "Tej yuav pab kom tau txais kev ywj pheej rau peb ces yog lub caij nyuaj tshaj plaws rau peb tej health system."
Nag hmo tub ceev xwm tau muab 109 tug neeg txhom vim lawv tau tawm tsam tsis pom zoo hno tshuaj vaccine ntawm nroog Melbourne.
Michelle Spence uas yog ib tug coj rau ICU Nurse Unit ntawm tsev kho mob Royal Melbourne Hospital tau cej luam qhia tias, txij lub 7 hli ntuj los ces xeev Victoria tau muaj 90 tus neeg tau mus pw kho hauv chav ICU (Intensive Care Unit), thiab tej neeg raug coj mus kho hauv chav no yeej tsis muaj ib tug tau hno tshuaj vaccine li.
New South Wales
NSW muaj 667 tus eneg kis tau kab mob thiab muaj 10 leej tas sim neej rau lub caij Sydney raug kaw txwm 100 hnub.
Brad Hazzard uas yog NSW tus pwm tsav lis lajfai tswj kev noj qab haus huv tau nqua hu kom tej neeg ceev faj ua ntej yuav muaj cov kev sib tw National Rugby League (NRL) grand final.
Nws hais tias "Nej tej tsev yog ib co chaw uas yuav raug kev phom sij tshaj plaws uas yuav kis tau kab mob virus."
Txij hnub tim 11.10.2021 no mus ces ib tug neeg twg uas txawm hais tias tau hno tshuaj vaccine lawm los yog tau nyob ze nrog tej neeg kis tau kab mob yuav tsum tau mus sim thiab yuav tsum tau cais lawv tus kheej ntawm tsev 7 hnub (tsis yog cais 14 hnub lawm).
24 teev dhau los thoob teb chaws Australia
- ACT tau muaj 38 tus neeg tshiab kis tau kab mob, thiab muaj tej neeg no yam tsawg li ntawm 16 leej yog cov tau mus ncig hauv tej zejzog rau lub caij muaj peev xwm kis tau rau lwm tus.
- Muaj ib tug me nyuam tub hluas ntawm Tasmania raug sim tau tias kis kab mob COVID-19 tom qab tau ya dav hlau ntawm Melbourne mus rau Launceston.
- Queensland cej luam tias tsis muaj neeg kis kab mob. Yog li thiaj yuav muaj cov kev sib tw NRL Grand Final sib tw rau thaum tsaus ntuj no ntawm lub tshav sib tw Lang Park.
- South Australia muaj 2 tug neeg kis tau kab mob COVID-19 rau thaum yav lig tav su dua.
Hmong infographic, stay home, stay safe, stay connected, save life (SBS) Source: SBS
Cov kev cais, kev ntoj ncig, chaw sim thiab nyiaj pab cuam pandemic disaster payment
Tej nom tswv xeev yog cov tswj tej dej num cais thiab sim tej neeg uas koj muaj peev xwm txheeb tau raws li hauv qab no:
Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus. mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.
Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab .
- Muaj xov xwm txog kab mob COVID-19 ntau tshaj 60 hom ntawv thiab lus rau koj nyeem thiab mloog ntawm
- Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev: , , , , , , .
- Txheeb tau xov xwm qhia txog tshuaj
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
.
