Xov xwm tshiab txog kab mob COVID-19: Muaj tej kev xaiv nom hauv xov tooj rau sawv daws siv suav cov neeg Australia uas kis tau kab mob coronavirus nrog thiab

Nod yog xov xwm tshiab qhia txog kab mob COVID-19 ntawm Australia rau hnub tim 20.05.2022.

Voters at the Indooroopilly pre-polling booth in Brisbane. (file) Source: AAP Image/Darren England

Muaj xov xwm qhia tias hnub zwj Kuab (Friday) no ces kab mob COVID-19 ua rau muaj 47 tus neeg tas sim neej ntawm Australia lawm, uas muaj muaj cov neeg tas sim neej no 23 tug nyob ntawm Victoria hos muaj 10 tus neeg nyob ntawm New South Wales (NSW) thiab muaj 9 tug neeg nyob ntawm Queensland.

Western Australia ces muaj neeg kis tau tshiab tsawg coob heev (txog li 15,205 leeg) tom qab uas tau muaj neeg kis coob tshaj plaws txog 17,105 tus neeg tshiab kis rau ib hnub twg. Kuj tseem muaj 304 tug neeg pw ntawm tsev kho mob. Thiab kuj tau muaj xov xwm qhia tias WA muaj 5 tug neeg tas sim neej lawm. 

NSW kuj muaj xov xwm tshaj tawm tias muaj neeg kis tau tus mob no raug coj mus kho ntawm tsev kho mob tsawg tshaj plaws txog li 1,226 tug neeg xwb, muaj 41 tug pw hauv chav ICU txij lub 4 hlis ntuj los no. Txawm li cas los kuj tau muaj neeg raug coj mus kho ntawm tsev kho mob coob tuaj ntxiv ntawm xeev Australian Capital Territory lawm thiab.

Hnub zwj Kuab (Friday) dhau los ces muaj xov xwm qhia tias tsuas muaj 84 tug neeg kis tau kab mob COVID-19 raug coj mus kho ntawm tsev kho mob xwb.

Txheeb tau tej xov xwm tshiab txog tej neeg tshiab uas kis tau kab mob, raug coj mus kho ntawm tsev kho mob thiab tas sim neej li cas ntawm teb chaws Australia no tau ntawm no.

Australia tej neeg xaiv nom uas raug sim tias kis tau kab mob COVID-19 rau thaum sij hawm 6 teev tsaus ntuj los yog tom qab ntawv rau hnub tim 13.05.2022 ces tam sim no muaj peev xwm siv lawv tej xov tooj xaiv nom tau lawm. Kuj tsis muaj cov kev xaiv nom no rau thaum ntxov hnub tim 17.05.2022 lawm. Tab sis yeej tau muaj kev ceeb toom rau tej neeg xaiv nom tias ntshe yuav qeeb me ntsis.

Muaj cov kev xaiv nom hauv xov tooj raws li no: 

• Hnub zwj Kuab (Friday) 20.05.2022 sij hawm 8.30am txog 6pm.
• Hnub xaiv tsa yog hnub zwj Cag (Saturday) tim 21.05.2022 sij hawm 8am-6pm.                              

Ntiaj teb lub koom haum tswj hauj lwm noj qab haus huv (World Health Organization-WHO) yeej tau tso cai siv tau Suav lub tuam txhab tsim tshuaj CanSino Biologics cov tshuaj vaccine hu ua CONVIDECIA los ua yam tshuaj COVID-19 vaccine hom 11 lawm. 

Tus tshuaj vaccine no siv tau hauj lwm zoo txog 64 feem pua pab kom tsis txhob muaj tej yam ntxwv mob los yog siv tau zoo txog 92 feem pua pab kom tsis txhob mob tus mob COVID-19 no sab sab heev.

---

---

Nyeem txog tej tshuaj COVID-19 vaccines ua ntawv Hmoob

---

Nrhiav tau ib lub chaw sim kab mob COVID-19 ntawm:

ACT   New South Wales   Northern Territory   Queensland   

South Australia   Tasmania   Victoria   Western Australia  

---

Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm: 

ACT   New South Wales   Northern Territory   Queensland    

South Australia   Tasmania   Victoria    Western Australia

---

Txheeb seb pub thiab tsis pub koj ua dab tsi ntawm ib qho chaw twg ntawm teb chaws Australia.

Ua ntej koj yuav mus txawv teb chaws, ces txheeb seb yuav tau ua dab tsi thiab muaj cov kev taw qhia dab tsi.

Yog tias koj xav tau txais kev pab cuam nyiaj txiaj, ces txheeb seb ho muaj cov kev pab cuam twg pab rau koj.

Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob COVID-19.

---

Nyeem tag nrho tej xov xwm txog kab mob COVID-19 ua koj hom ntawv tau ntawm SBS Coronavirus portal.  

---

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.