Hnub zwj Teeb (Thursday) ces kab mob COVID-19 ua rau muaj neeg Australia yuav laug txog li ntawm 78 leej tas sim neej, muaj cov neeg no 36 tus nyob ntawm New South Wales, muaj 20 tus nyob ntawm Victoria thiab muaj 18 tus nyob ntawm xeev Queensland.
Muaj Australia ib co xeev kuj qhia tias muaj neeg kis tau kab mob COVID-19 coob tshaj plaws raug coj mus kho ntawm tsev kho mob rau lub sij hawm 4 hlis dhau los no.
Txheeb tau tej xov xwm tshiab txog tej neeg kis kab mob tshiab, raug coj mus kho ntawm tsev kho mob thiab tas sim neej ntawm Australia .
Anika Wells uas yog tus nom tswj cov dej num tu tsom kwm tej laustau coj tsoom fwv Albanese tej tswv yim uas yuav npaj rau lub caij ntuj no nod txog tej laus neeg coj los qhia rau sawv daws uas yuav xyuas kom muaj tej neeg no tau hno tshuaj vaccine ntau ntxiv tuaj thiab kom muaj peev xwm siv tau cov tshuaj no.
Minister Wells tau hais tias tej ntaub npog qhov ncauj yog tej yam tseem ceeb heev rau tej tsev laus thiab lwm cov chaw uas yuav kis tau kab mob yooj yim. Australia tus coj tswj dej num noj qab haus huv tau nrog nws tej nom xeev uas lis tej hauj lwm no tham thiab rov qab qhia txog qhov tseem ceeb ntawm cov kev rov qab yuam kom tej neeg siv ntaub npog qhov ncauj.
Lub nkoj Coral Princess uas thauj neeg ncig ua si kuj tu ncaim ntawm Sydney mus rau Brisbane thiab twb muaj neeg coob tshaj 100 tus neeg ua hauj lwm ntawm lub nkoj no kis tau kab mob COVID-19 lawm.
Annastacia Palaszczuk uas yog Queensland tus hau xeev thiaj tau hais kom thawj pwm tsav Anthony Albanese npaj sab laj nrog pawg nom national cabinet rau lub caij tseem muaj neeg kis kab mob COVID-19 coob heev thoob teb chaws ta sim no.
NSW kuj tau qhia tias COVID-19 ua rau 116 tus neeg tas sim neej rau lub limtiam los xaus rau tim 9 lub 7 hli ntuj no thiab. Tsuas yog 77 tus neeg no los sis yog (67%) ntawm tej neeg no thiaj tau hno tshuaj COVID-19 vaccine koob 3 xwb. Muaj 8 tus neeg uas tas sim neej ntawd ces yog cov neeg hnoob nyoog qes dua 65 xyoos.
New Zealand los kuj tau siv dua ib cov cai tshiab coj los tswj kab mob COVID-19 thiab kab mob khaub thuas lawm thiab. Tej cai tshiab no yuav pab kom tej neeg coob tuaj ntxiv muaj peev xwm siv tau cov tshuaj tua kab mob virus kho lawv. Tsis tas li ntawd los tej neeg ntawm NZ yeej raug yuam kom yuav tsum siv ntaub npog qhov ncauj hauv zej tsoom ib qho chaw qhov twg thiab thaum siv public transport lawm.
Ntiaj teb lub koom haum tswj kev noj qab haus huv (World Health Organization_-WHO) kuj tau cej luam tias yeej tau muaj tej neeg kis kab mob rau ib lub limtiam twg coob tuaj ntxiv rau lub sij hawm 5 limtiam sib law liag dhau los lawm. Thiab cov teb chaws uas muaj neeg kis coob tshaj plaws yog Fabkis, America, Italy, Germany thiab Brazil.
Nrhiav tau ib lub chaw sim kab mob COVID-19 ntawm:
Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm:
Ua ntej koj yuav mus txawv teb chaws, .
Yog tias koj xav tau txais kev pab cuam nyiaj txiaj,
Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
