Xov xwm tshiab txog kab mob COVID-19: Tus nom tswj dej num noj qab haus huv tsis pom zoo siv cov kev txwv thiab kaw teb chaws rau lub caij muaj neeg kis kab mob coob tuaj ntxiv

Nod yog xov xwm tshiab txog kab mob COVID-19 ntawm Australia rau hnub tim 8.7.2022.

Queensland is encouraging older residents and immunosuppressed people to wear face masks until the end of August. (file) Source: AAP Image/Joel Carrett

Hnub zwj Kuab (Friday)  tim 8.7.2022 no ces muaj xov xwm tshaj tawm tias muaj neeg 35 leeg tas sim neej los ntawm tus kab mob COVID-19 ntawm Australia uas muaj 13 tug neeg nyob ntawm xeev Queensland, 9 leej ntawm xeev Victoria thiab 7 tus neeg ntawm xeev New South Wales (NSW).

NSW, Victoria, Queensland, Tasmania thiab xeev Australian Capital Territory yog cov xeev muaj neeg kis kab mob COVID-19 uas raug coj mus kho rau ntawm tej tsev kho mob coob tuaj lawm.

Txheeb tau xov xwm tshiab tias seb muaj neeg tshiab kis tau kab mob COVID-19 npaum li cas, raug coj mus kho ntawm tsev kho mob li cas thiab tas sim neej npaum li cas ntawm Australia tau ntawm no.

Mark Butler uas yog tus nom tswj dej num noj qab haus huv tau qhia rau lub chaw nthuav xov xwm ABC NEWS tias Australia yeej yuav tsis rov qab yuam kom tej neeg siv ntaub npog qhov ncauj ntxiv, tsis siv cov kev txwv thiab tsis kaw zejzog txawm tias tseem tab tom muaj tej neeg kis coob heev tam sim no.

Mr Butler tau hais tias Australia twb dhau rau ''lub caij uas yuam kom tej neeg siv ntaub npog qhov ncauj, kaw zejzog los yog lwm yam lawm.'' Ces nws thiaj rov hais kom tej neeg sawv daws yuav tau nrog xyuas thiab txiav txim siab ntawm lawv tus kheej tias seb puas yuav siv ntaub npog qhov ncauj li cas xwb los yog yuav tau nyob kom nrug ntawm lwm tus coj los ua ib co kev pov puag lawv xwb. 

Commonwealth Scientific and Industrial Research (CSIRO) yeej tau tsim ib co xub ke los sib cov tshuab hlau kom paub txheeb tau cov ''kab mob COVID-19 tshiab thiab cov mob uas phom sij heev lawm.'' Tej kws teeb txheeb ntseeg tias lawv muaj peev xwm twv tau zoo tias ib tug kab mob tshiab yuav coj cwj pwm li cas hauv tib neg lub cev.

Nyob rau ib tsab ntawv cej luam tsis ntev los no ces lub koom haum teeb txheeb txog kev noj qab haus huv thiab noj qab nyob zoo (Australian Institute of Health and Welfare - AIHW) yeej pom tau tias tus kab mob Omicron uas kis thiab mob sab heev rau Australia tej keeb cag neeg muaj txog li 1.4 npaug tib yam li muaj rau Australia tej pej xeem sawv daws thiab.

Tsoom fwv xeev Victoria thiaj yuav muab 15 cov twj sim kab mob Rapid Antigen Tests (RATs) rau txhua tus tub kawm thiab tej neeg ua hauj lwm hauv tsev kawm kom tiv thaiv kom kis tau kab mob COVID-19 tsawg.

Daniel Andrews uas yog tus hau xeev Victoria tau hais tias cov twj sim RATs 46.4 million cov ntawd yuav pab kom tej teej kawm muaj peev xwm kawm tau ntawv tim ntsej tim muag ntawm tej teej kawm.

Queensland thiaj tab tom ntxhawb nqa kom tej neeg muaj hnoob nyoog thiab tej neeg uas lub cev cov tsis muaj zog siv ntau npog qhov ncauj mus txog rau thaum xaus lub 8 hli ntuj no.

---

Nyeem txog tej tshuaj COVID-19 vaccines ua ntawv Hmoob

---

Nrhiav tau ib lub chaw sim kab mob COVID-19 ntawm:

ACT   New South Wales   Northern Territory   Queensland   

South Australia   Tasmania   Victoria   Western Australia  

---

Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm: 

ACT   New South Wales   Northern Territory   Queensland    

South Australia   Tasmania   Victoria    Western Australia

---

Txheeb seb pub thiab tsis pub koj ua dab tsi ntawm ib qho chaw twg ntawm teb chaws Australia.

Ua ntej koj yuav mus txawv teb chaws, ces txheeb seb yuav tau ua dab tsi thiab muaj cov kev taw qhia dab tsi.

Yog tias koj xav tau txais kev pab cuam nyiaj txiaj, ces txheeb seb ho muaj cov kev pab cuam twg pab rau koj.

Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob COVID-19.

---

Nyeem tag nrho tej xov xwm txog kab mob COVID-19 ua koj hom ntawv tau ntawm SBS Coronavirus portal.  

---

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.