Xov xwm tshiab txog kab mob COVID-19: Tsoom fwv pawg nom National Cabinet tseem yuav sab laj txog tus kab mob Omicron tshiab uas tau muaj rau ntawm Austraia no lawm

Nod yog xov xwm tshiab qhia txog kab mob Coronavirus ntawm Australia rau hnub tim 29.11.2021.

Travellers look at a flight information notice board at Cape Town International Airport as restrictions on international flights take effect 28 Nov 2021. Source: AAP

Thawj pwm tsav yuav muaj ib lub rooj sab laj tham txog kev ruaj ntseg rau thaum lig hnub no tom qab yuav muaj National Cabinet meeting rau lub sij hawm 48 teev ntxiv no los txheeb txog tej teeb meem yuav muaj tau los ntawm tus kab mob COVID-19 tshiab hu ua Omicron uas sib kis tau yooj yim heev thiab muaj neeg kis tau rau ntawm Australia no lawm.

Tau muaj 2 tug neeg tau mus rau teb chaws South Africa rov qab los txog ntawm Sydney raug sim tau tias kis tau tus kab mob no. Ces tam sim no thiaj tsis pub tej neeg uas tsis yog pej xeem Australia uas tau mus rau 9 lub teb chaws Southern Africa uas muaj kev txhawj xeeb ntawm yuav tsis tau txais kev tso cai rov qab los rau teb chaws Australia lawm.

Greg Hunt uas yog tus nom tswj dej num noj qab haus huv thiaj li yuav ua raws li tej lus taw qhia los ntawm tej kws paub zoo txog tej hauj lwm no raws li qhov tsim nyog. Tam sim no ces Australia yeej tau tab tom yuav rov qab qhib ciam teb rau tej neeg tau hno 2 koob tshuaj vaccine, cov neeg skilled workers thiab tub kawm pej kum haiv pib txij hnub zwj Feej (Wednesday) zwj thaj tim 01.12.2021 no lawm.

Tsoom fwv los kuj tau ntug Australia pawg neeg tawm tswv yim thiab sab laj txog cov kev hno tshuaj vaccine hu ua ATAGI, kom rov qab los txheeb xyuas lub sij hawm yuav hno koob tshuaj vaccine txhab ntxiv ua koob 3 (booster shot) no vim yeej tau muaj pov thawj qhia tias tus kab mob COVID-19 tshiab hu ua Omicron no tau kis tau rau pej kum haiv lawm. Yog li ntawd tam sim no ces pawg neeg no thiaj tseem tab tom los txheeb xyuas nws cov kev taw qhia txog cov kev hno tshuaj COVID-19 vaccine koob peb rau lub sij hawm 6 hli no tom qab Ntiaj teb lub koom haum tswj kev noj qab hauv huv (World Health Organisation -WHO) kuj tau qhia txog tus xov xwm txog tus kab mob COVID-19 tshiab hu ua Omicron no ua cov lus: Arabic | Simplified Chinese | French | Russian | Spanish | Portuguese thiab.

---

Tej xeev cov kev cais thiab tej kev txwv

Txheeb ntawm no seb koj muaj peev xwm ua tau thiab ua tsis tau dab tsi ntawm lub xeev koj nyob.

Kev ntoj ncig

Xov xwm qhia txog pej kum haiv cov neeg ntoj ncig thiab kab mob COVID-19 nrog rau tej xov xwm ntoj ncig ua koj hom lus.

Nyiaj pab cuam

Yuav muaj cov kev pauv hloov rau tej nyiaj pab cuam COVID-19 Disaster Payment thaum tej xeev muaj neeg hno tshuaj COVID-19 vaccine txwm ob koob txog li 70 thiab 80% lawm. Nrhiav tau kev pab cuam ua koj hom lus ntawm lub koom haum Services Australia ua koj hom lus tau ntawm no.

---

---

• Txheeb tau xov xwm ua ntau tshaj 60 tawm hom lus txog kab mob COVID-19 tau ntawm sbs.com.au/coronavirus
• Txheeb tau tej cai coj los taw qhia txog kab mob coronavirus ntawm tej xeev tau ntawm no: NSW, Victoria, Queensland, Western Australia, South Australia, Northern Territory, ACT, Tasmania.
• Txheeb tau xov xwm txog tshuaj COVID-19 vaccine ua koj hom lus tau ntawm no.

---

Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:

• Cov los lus qhia txog kev hno tshuaj COVID-19 Vaccine
• Thiab tej twj qhia kom koj nco txog lub caij kom teem mus hno tshuaj vaccine.

---

Tej clinics sim kab mob Coronavirus ntawm cov xeev:

NSW | Victoria | Queensland | South Australia | ACT | Western Australia | Tasmania | Northern Territory