- Thawj pwm tsav Scott Morrison qhia tias yuav muaj koob tshuaj 3 coj los hno rau sawv daws txij hnub tim 8.11.2021.
- Victoria muaj neeg tas sim neej coob tshaj plaws rau ib hnub dhau los rau lub caij tseem muaj neeg kis kab mob tam sim no ua ntej yuav rov qab qhib xeev dua.
- Queensland muab tub ceev xwm yuav laug txog 150 tus rho tawm hauj lwm vim tsis kam hno tej tshuaj vaccine nom tswv yuam kom hno.
Victoria
Victoria tau muaj neeg tas sim neej ib hnub coob tshaj plaws txog 25 leeg rau hnub no, rau lub caij uas lub xeev no muaj neeg kis tau kab mob coronavirus txog 1,923 leej.
Tau muaj tej xwm txheej no rau lub caij uas lub xeev no tseem npaj yuav tshem cov kev txwv tag kis.
Thawj pwm tsav Scott Morrison tau xa moo tu siab thiab pab nrog tej cuab yig uas kev tas sim neej no thiab tau hais tias "yog tej yam txaus tus siab kawg uas qhia txog qhov tseeb ntawm tus kab mob uas kis thoob ntuj no."
Victoria lub tuam chav tswj kev noj qab haus huv hais tias tam sim no tej neeg uas xav lug tsis hno tshuaj COVID-19 vaccine yuav tsum tau ib daig ntawd ntawm lub koom haum Australian Immunisation Register los qhia tias lawv tsis tas hno.
New South Wales
New South Wales muaj 293 tus neeg tshiab kis tau kab mob COVID-19 thiab muaj 2 tug neeg tas sim neej.
Kuj tau muaj 15 tug neeg kis tau kab mob COVID-19 yog cuam tshuam nrog lub gym ntawm Darlinghurst.
Tej neeg uas tau mus siv lub gym no rau ib lub caij twg txij hnub tim 18 hnub tim 23 thiab hnub tim 25 lub 10 hli ntuj no ces yog cov neeg uas tej zaum tau nyob ze nrog tej neeg uas kis tau kab mob coronavirus thiab yuav tsum tau mus sim kiag tam sim no thiab cais lawv tus kheej mus txog rau thaum uas paub tias tsis kis kab mob tso.
Victor Dominello uas yog tus pwm tsav pab cuam tej customer tau hais tias txij hnub Friday mus ces tej neeg yuav tau txais ib cov kev ceeb toom ntawm lub Service NSW app yog tias lawv tau mus rau tej chaw uas muaj neeg kis kab mob.
Queensland
Muaj tej tub ceev xwm Queensland yuav laug txog li 150 tus raug hais kom tsis txhob mus ua hauj lwm lawm tom qab uas lawv tsis mus hno tshuaj vaccine rau hnub tim 4 lub 10 hli ntuj uas yog hnub kawg nom tswv hais kom lawv mus hno tshuaj vaccine.
Hnub no ces Queensland tsis muaj neeg tshiab kis kab mob.
24 teev dhau los thoob Australia
- Yuav muaj cov tshuaj Pfizer vaccines ntawm txhua txhua lub chaw muag tshuaj thoob plaws teb chaws Australia coj los hno rau tej neeg ua nyuam qhuav hno thawj koob, hno koob 2 los yog hno koob 3 txij hnub tim 8.11.2021 no mus.
- ACT tau muaj 8 tus neeg tshiab kis tau kab mob COVID-19.
- Thawj pwm tsav Scott Morrison hais tias muaj neeg Australia txog 75% tau hno tshuaj vaccine 2 koob tam sim no lawm.
Cov kev cais, kev ntoj ncig, chaw sim thiab nyiaj pab cuam pandemic disaster payment
Tej nom tswv xeev yog cov tswj tej dej num cais thiab sim tej neeg uas koj muaj peev xwm txheeb tau raws li hauv qab no:
Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus. mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.
Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab .
- Muaj xov xwm txog kab mob COVID-19 ntau tshaj 60 hom ntawv thiab lus rau koj nyeem thiab mloog ntawm
- Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev: , , , , , , .
- Txheeb tau xov xwm qhia txog tshuaj
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
.
Tej clinics sim kab mob Coronavirus ntawm cov xeev:
| | | | | | |
