Key Points
- Tsib million tus neeg Australia uas muaj cai hno tshuaj COVID-19 vaccine tseem tsis tau hno
- TGA qhia txog cov twj sim Rapid Antigen Tests (RATs) uas yuav muaj peev xwm ntsuam tau ntau yam kab mob Omicron
- Tus nom tswj dej num noj qab hauas huv tseem tsis tau txais kev taw qhia seb puas yuav xaus cov kev cai kab mob COVID-19 li cas
Hnub Friday ces muaj xov xwm tshaj tawm tias kab mob COVID-19 ua rau muaj neeg yam tsawg li 82 leej tas sim neej ntawm Australia lawm, uas muaj cov neeg no 34 tug nyob ntawm Victoria, 29 tug ntawm New South Wales, thiab muaj 8 tus neeg ntawm Queensland.
Txheeb tau tej xov xwm tshiab txog kab mob COVID-19 seb ho muaj neeg kis tau tshiab npaum li cas, raug kho ntawm tsev kho mob li cas, thiab tas sim neej li cas ntawm Australia
Lub koom haum Australian Technical Advisory Group on Immunisation (ATAGI) tau rov qab qhia tias nws yeej tsis hais kom tej hluas hnoob nyoog 12 txog 15 xyoos hno tshuaj COVID-19 vaccine uas hno txhab ntxiv ntawd.
Nws tau hais tias vim tsis muaj pov thawj txaus qhia tau tais yog kis tau rau tej hluas uas tau txais kev noj qab nyob zoo yuav ua rau lawv mob sab yog tias lawv twb tau hno ob koob tshuaj COVID-19 vaccines lawm.
Txawm li cas los yeej muaj ib koob tshuaj hno txhab ntxiv no (a booster dose) hno rau tej me nyuam yaus uas muaj teeb meem rau cov immune system thiab nrog rau hno rau tej me nyuam uas puas cev uas muaj ntau yam mob sib chab sib chaw los yog yuav tau txais kev pab kho mob ntau yam ntawd thiab.
Mark Butler uas yog tus nom tswj hauj lwm noj qab haus huv tau qhia rau lub xov tooj cua ABC tias tej zaum kuj tseem yuav muaj neeg kis tau kab mob coronavirus ntau tshaj ob npaug ntawm tej uas raug tshaj tawm ntawd thiab.
Tus nom tswj hauj lwm noj qab haus huv no thiaj tau hais tias nws txhawj xeeb txog cov kev mus hno tshuaj vaccine koob peb (koob hno txhab ntxiv - booster dose) ntawd tsawg heev li.
Nws tau hais tias muaj neeg tsib roob (million) tus muaj cai hno tus tshuaj koob peb no, thiab tau nrug ntawm koob ob uas lawv tau hno dhau los ntev txog tshaj 6 hli lawm.
Mr Butler tau hais tias tus kab mob virus no yeej tseem yuav tsis tau dhau mus thiab nws yeej tseem tsis tau txais kev taw qhia dab tsi los ntawm tus coj tswj dej num noj qab haus huv los yog lwm cov kws paub zoo txog kev noj qab haus huv tias thaum twg mam tso tseg los sis yog txo lub sij hawm cais tej neeg kis kab mob COVID-19 no li cas.
Lub koom haum tso cai siv tshuaj (Therapeutic Goods Administration - TGA) yeej tau qhia txog ib cov twj Rapid Antigen Tests (RATs) uas siv sim kab mob COVID-19 uas WHO pom zoo thiab yeej muaj peev xwm sim tau cov kab mob ncau tshiab thiab.
America los kuj tau muab cov kab mob monkeypox (MPX) ua zej tsoom ib cov xwm txheej mob nkeeg kub tom qab tau muaj neeg txog 6,6000 tus kis tau ntawm nws lub teb chaws lawm.
Australia los kuj txheeb tau tias muaj 58 tus neeg kis tau tus mob MPX no, thiab xeev Western Australia los kuj tau qhia tias muaj thawj tug neeg mus ncig txawv teb chaws rov qab los rau hnub zwj Teeb (Thursday) dau los ntawd kuj kis tau tus mob no thiab.
Tam sim no tag nrho tej neeg Tasmania thiaj muaj peev xwm mus hno tshuaj tiv thaiv kab mob khaub thuas dawb mus txog ntua rau hnub tim 31 lub yim hli ntuj no.
Hnub zwj Cag (Saturday) no ces txij li sij hawm 10 teev sawv ntxov txog 4.30 tsaus ntuj ces tej neeg South Australia muaj peev xwm mus hno tau tshuaj COVID-19 vaccine los yog mus hno koob peb txhab ntxiv tau ntawm tej tsev kawm Aldinga Beach Primary School, Greenwith Primary School, Flagstaff Hill Primary School, John Hartley School B-6 thiab Glen Osmond Primary School.
Nrhiav tau ib lub chaw sim kab mob COVID-19 raws cov xeev hauv qab no:
Teev koj cov kev sim Rapid Antigen Tests (RATs) tau ntawm cov xeev hauv qab no yog koj sim thiab paub tias kis lawm:
Ua ntej koj yuav mus txawv teb chaws
Nod yog qee cov kev pab kom koj nkag siab txog
Nyeem tau tag nrho tej xov xwm txog kab mob COVID-19 ua koj hom ntawv tau ntawm
