COVID-19 update: 31,000 tus neeg Australia thov so txhua hnub vim mob COVID ntev; muaj neeg thoob ntuj kis tau monkeypox tsawg lawm

Nod yog xov xwm tshiab txog kab mob COVID-19 rau hnub tim 26.08.2022.

Workers use sewing machines to sew face masks at a Carrum Downs factory in Melbourne. (file) Source: AAP / MICHAEL DODGE/AAPIMAGE

Key Points

• Tej hluas muaj peev xwm hno tau tshuaj Novavax uas xuas protien tsim txij hnub tim 5 lub 9 hli ntuj mus
• Tej poj niam muaj me nyuam thiab pub mis muaj hnoob nyoog 30-49 xyoos mus hno tau koob tshuaj booster koob ob
• America, Spain thiab Brazil yog cov teb chaws kis tau kab mob monkeypox ntau tshaj plaws limtiam dhau los

Hnub zwj Kuab (Friday) ces muaj neeg yam tsawg li 62 leej tas sim neej ntawm Austarlia, uas yog muaj 25 leeg ntawm Victoria thiab 22 leeg ntawm New South Wales.

Txheeb tau tej xov xwm tshiab txog kab mob COVID-19 seb ho muaj neeg kis tau tshiab npaum li cas, raug kho ntawm tsev kho mob li cas, thiab tas sim neej li cas ntawm Australia htau ntawm no.

Tej hluas (hnoob nyoog 12-17) muaj peev xwm mus hno tau cov tshuaj Novavax COVID-19 vaccine uas xuas protein tsim txij hnub tim 5 lub 9 hlis ntuj no mus.

Tej xov xwm ntawm lub tuam chav tswj dej num nyiaj txiaj uas tau qhia rau News Corp phaub ntawv xov xwm qhia tias yeej kwv yees tias muaj neeg Australia ua hauj lwm txog li ntawm 31,000 tus yeej thov so txhua hnub vim muaj cov yam ntxwv mob COVID ntev.

Australia thiaj tseem npaj yuav coj cov tshuaj Moderna's Spikevax vaccine coj los hno rau tej me nyuam yaus hnoob nyoog qes dua 5 xyoo txij hnub tim 5 lub 9 hli ntuj mus.

Tej niam txiv muaj peev xwm nrhiav tau xov xwm ntxiv thiab sau daim ntawv tso cai consent form hno tshuaj rau lawv tej me nyuam tau. Tab sis yeej tseem tsis tau muaj cov kev teem caij tam sim no.

Tsoom fwv Australia tau hais tias tej poj niam xeeb me nyuam thiab tseem pub mis uas muaj hnoob nyoog 30-49 xyoo muaj peev xwm mus hno tau koob tshuaj hno txhab ua koob ob (second booster dose) tau lawm.

Txawm li cas los nws kuj tau hais tias tsuas muaj kev phom sij tsawg tsawg uas yuav mob sab sab rau tej poj niam uas tau hno peb koob tshuaj lawm xwb.

Raws li ntiaj teb lub koom haum noj qab haus huv tej xov xwm tshiab uas tshaj tawm txhua limtiam tau qhia ces tej zauv neeg kis tau kab mob monkeypox los kuj tau muaj tsawg txog li 21 feem puas lawm xwb tom qab uas tau kis tau coob uas plaub limtiam sib law liag.

America, Spain, Brazil, Germany, Aakiv, France, Canada, Netherlands, Peru thiab Portugal yog cov teb chaws uas muaj neeg kis tau tus kab mob monkeypox ntau tshaj plaws.

Nyeem tau ntxiv txog tshuaj COVID-19 vaccines ua koj hom lus

Nrhiav tau ib lub chaw sim kab mob COVID-19 raws cov xeev hauv qab no:

ACT New South Wales Northern Territory Queensland South Australia Tasmania Victoria Western Australia

Teev koj cov kev sim Rapid Antigen Tests (RATs) tau ntawm cov xeev hauv qab no yog koj sim thiab paub tias kis lawm:

ACT New South Wales Northern Territory Queensland South Australia Tasmania Victoria Western Australia

Ua ntej koj yuav mus txawv teb chaws ces txheeb xov xwm tshiab qhia txog kev ntoj ncig thiab tej lus taw qhia rau koj tau ntawm no.

Nod yog qee cov kev pab kom koj nkag siab txog cov ntsib lus tob txog kab mob COVID-19 ua koj hom ntawv

Nyeem tau tag nrho tej xov xwm txog kab mob COVID-19 ua koj hom ntawv tau ntawm SBS Coronavirus portal