Yeej tau muaj ib cov neeg coob heev uas yeej muaj ntau yam mob tam sim no lawm li mob plawv, mob ntshav qab zib, mob ntshav siab thiab hawb pob yog cov neeg uas yuav mob hnyav heev yog tias lawv kis tau tus kab mob COVID-19 no. Vim tus kab mob no yuav tsim teeb meem rau tej nqaij ntawm lub tsws thiab ua rau ua paug rau nruab nruab ntau tuaj ntxiv, rau qhov yus lub cev cov immune systems tsis muaj peev xwm tuaj tau tus kab mob virus no.
Yeej muaj tej neeg coo tshaj 70% thoob ntiaj teb uas kis tau tus kab mob COVID-19 no raug coj mus kho rau tom chav Intensive Care Unit (ICU) yog cov neeg uas yeej mob ib hom mob twg los tau ntev lawm.
Zaj xov xwm no yuav qhia txog qee cov mob uas yuav ua rau tej neeg uas kis tau tus mob COVID-19 no sab heev tsis hais yog tej zaum tej neeg no tej nqaij ntawm lawv tej khoom nrog cev los yog lawv cov immune system tsis muaj zog (cev tsis muaj zog) los tawm tsam nrog tus kab mob no.
Tej yam ntxwv mob tseem ceeb heev uas yuav ua rau tej neeg kis tau tus mob COVID-19 mob sab heev yog cov kab mob ntsws uas mob los tau ntev lawm, mob hawb pob, mob plawv, mob ntshav qab zib, mob siab, mob raum thiab txhua yam kev kho mob thiab tej tshuaj noj uas ua rau tus neeg mob ntawd lub cev tsis muaj zog tua kab mob (weaken immune system) li mob cancer los yog tej kev kho mob tom qab ib tug neeg mob raug phais tag ntawd.
Mob hawb pob
Kab mob hawb pob yeej cuam tshuam txog cov kev ua pa ntawm tib neeg lub cev uas pheej ua rau cuam txog cov kev o thiab voos rau tej hlab cua li hnoos, thiab thaum ua pa nqus cua rau yus lub ntsws pheej hnov ib lub suab nrov vim txoj hlav cua nqawm me me lawm rau qhov txoj hlab pa o los yog voos lawm, ceev ceev hauv siab thiab txog txog siav ua tsis taus pa yooj yim. Tau muaj kev kwv yees tias tam sim no muaj neeg txog li 11% thoob teb chaws Australia yog cov neeg mob tus mob hawb pob no. Australia cov keeb cab neeg (Indigenous Australians) yog cov uas mob tus mob hawb pob no ntau dua lwm cov neeg uas tsis yog tej neeg txum tim. Yog li ntawd ces tsis hais yog muaj ib yam dab tsi ua rau muaj teeb meem rau txho hlab cua ces yuav ua tau rau ib tug neeg twg mob hawb pob tau. Thiaj xav kom tej neeg mob hawb pob yuav tsum ceev faj tshaj plaws vim tus kab mob COVID-19 no yuav tsim teeb meem rau tej hlab cua. Yog koj xav tau xov xwm ntxiv ua lus Aakiv ces txheeb tau
Lwm cov kev mob ntsws
Dua ntawm cov kab mob hawb pob no kuj tseem muaj lwm yam kev mob ntsws ntawm teb chaws Australia no thiab xws li mob ntsws vim nqus au cov asbestos (abestosis) mus rau lub ntsws, mob cov hlab ntsws (broncheitasis) ua rau tshem tsis tau tej hnoos qeev tawm, cystic fibrosis (yog ib cov mob raws caj ces ua rau muaj teeb meem rau tej qog ntawm siab, hnyuv thiab plab los yog tej hlab cua ua cov kua nplaum nplaum txhaws hlab po, hnyuv thiab tej hlab ntsws thiab ua rau ua paug), emphysema (cov hnab cua hauv lub ntsws puas, los yog voos loj tuaj ua rau ua tsis taus pa), mob cancer ntsws, pleural effusion (ntsws txheem dej), pleurisy (cov kev muaj dej txheem rau daim phiaj ziam thaiv lub ntsws thiab lub hauv siab), mob ntsws qhuav thiab mob respiratory silicosis (cov neeg ua hauj lwm txiav pob zeb ua rooj tog uas nqus tau tej pa hmoov pob zeb mus rau lub ntsws ua rau mob ntsws) yog ib cov mob cuam tshuam txog lub ntsws. Yog koj xav tau cov xov xwm ua lus Aaskiv (English) kom ntxawv tshaj no ces mus txheeb
Mob plawv
Ntiaj teb cov kev teeb txheeb yeej tau qhia tias tej neeg uas muaj cov mob plawv thiab hlab plawv (cardiovascular disease) yog cov yuav raug teeb meem pheej hmoo nruam sim ntau tshaj los ntawm yog lawv kis tau cov kab mob COVID-19 no ntau tshaj lwm cov neeg uas tsis mob tus mob no. Tsis yog tias yog mob plawv thiab hlab plawv lawm yuav ua rau lawv kis tau tus mob no ntau dua tab sis tsuas yog thaum lawv kis tau tus mob no lawm ces yuav ua rau lawv muaj ntau yam mob hnyav tuaj ntxiv. Vim tus kab mob COVID-19 ua rau lub plawv tej nqaij tsis muaj zog ces ua rau lub plawv raug mob thiab yuav ua rau plawv nres tau.
Yog li ntawd xws li nquag ua exercise, noj zaub mov zoo muaj ntxiaj ntsim hauj sim pab rau yus lub cev, haus dej kom txaus pab rau yus lub cev, thiab pw tsaug zog kom txaus. Ntiaj teb lub koom haum tswj kev noj qab haus huv (World Health Organisation) yeej tau qhia kom tej neeg sawv daws ua exercise me ntsi li 150 ntiag tiv (minutes) los yog qoj ib ce kom tawm hws txog li 75 ntiag tiv rau ib limtiam twg los yog ua 2 cov exercise no ua ke los tau nrog rau lwm yam kev ua exercise ntawm tsev. Yog koj xav tau xov xwm ntxiv txog cov kab mob plawv thiab hlab plawv ua lus Aakiv (English) ces txheeb
Mob ntshav qab zib
Tej neeg uas mob ntshav qab zib kuj muaj peev xwm raug lwm yam teeb meem mob nyuaj ntxiv tau thiab. Lub koom haum tswj cov kab mob ntshav qab zib Diabetes Australia yeej tau taw qhia kom tej neeg mob ntshav qab zib mus hno tshuaj tiv thaiv kab mob khaub thuas (flu vaccine), npaj cov tswv yim los siv cov hnub so yog yus mob kom tswj tau txhob muaj ntshav qab zib nce siab heev. Tej neeg mob ntshav qab zib yuav muaj tau cib fim mob tau lwm yam mob cuam tshuam loj los ntawm tej kab mob khaub thuas thiab yuav ua rau lawv muaj cov yam ntswv mob no sab dua tej neeg uas tsis mob tus mob ntshav qab zib no. Vim rau qhov tus mob ntshav qab zib no ua rau tus neeg mob ntawd lub cev tsis muaj zog tua tau cov kab mob virus voos thiab ua paug rau nws lub cev thiab tej zaum yuav ua rau rov qab muaj kab mob bacterial rov qab mob ua paug tau ib zaub ntxiv rau lub ntsws thiab. Tsis tas li no los yeej muaj tej neeg mob ntshav qab zib hom ob ntau tus lub cev rog los yog muaj ceeb thawj dhau heev lawm thiab ces kuj yog ib cov txhuam thawj yuav ua rau lawv mob hnyav los kuj tau. Yog koj xav tau xov xwm txog cov kab mob ntshav qab zib thiab kab mob COVID-19 ua lus Askiv (English) ces
Kab mob siab ntau yam
Tej neeg uas mob hiab hom B thiab C (Hepatitis B , C) los yog lwm yam kab mob siab los yeej tsim nyog yuav tau siv tej tswv yim uas tej nom tswv tswj kev noj qab haus huv tau taw qhia kom zej tsoom sawv daws ua thiab. Xws li yuav tau ceev faj thiab ua raws li tej kev taw qhia kom paub tiv thaiv thiab pov puag kom txhob kis tau tus kab mob COVID-19. Tab sis yeej yog tej yam tseem ceeb heev thiab xav kom tej neeg mob siab yuav tsum tau mus hno ntau yam tshuaj vaccine, hno tshuaj tiv thaiv kab mob khaub thuas thiab hno tej tshuaj tiv thaiv tej kab mob bacteria kom txhob mob ntsws thiab.
- Txheeb tau xov xwm txog cov kab mob siab (hepatitis) thiab kab mob COVID-19 .
- Txheeb tau xov xwm txog kab mob COVID-19 thiab kab mob siab hepatitis B uas mob los ntev .
- Txheeb tau xov xwm txog kab mob COVID-19 thiab kab mob siab hepatitis C .
Kab mob raum
Tej neeg mob raum tsim nyog paub txog tias yeej zoo tib yam li tej khaub thuas uas yog lawv kis tau tus mob coronavirus no ces yuav ua rau lawv muaj cov yam ntxwv mob sab heev los yog muaj lwm yam mob cuam tshuam nrog tib yam thiab. Tus kab mob COVID-19 no muaj peev xwm tsim teeb meem tau rau lub raum cov kev ua hauj lwm yog tias lawv mob, lub cev qhuav dej los yog tseem muaj lwm yam mob hom 2 cuam tshuam nrog thiab.
- Txheeb tau xov xwm txog kab mob COVID-19 thiab kab mob raum .
- Txheeb tau tej tswv yim los tswj tus kab mob raum ntawm lub koom haum Kidney Health Australia .
Cov kev kho kab mob cancer
Thaum ib tug neeg twg mob cancer lawm, ces tus neeg ntawd lub cev cov immune system tsis muaj zog lawm yog li thiaj tsim yog tej neeg mob cancer yuav tsum tau ua raws li tej kws kho mob cov kev taw qhia los yog yuav tau ua raws li tej kev cev faj uas tej neeg kho mob taw qhia rau lawv kom thiaj muaj cib fim mob tsawg, txhob mob rau lub caij tau tus mob cancer los og thom qab tau kho tus mob no lawm. Thiaj yog tej yam tseem ceeb heev uas yuav tau nyob twj ywm hauv tsev kom ntau npaum li ntau tau thiab lug tsis txhob tawm tsev mus ua tej yam tsis tseem ceeb dab tsi los yog txhob mus siv public transport (tsheb me (bus), tsheb ciav hlau, tsheb nqaj) yog zam tau. Tej neeg mob uas lub cev cov immune system tis muaj zog ces yeej muaj tej yam ntxwv muaj ntsis zoo sib xws li tej neeg mob uas tom qab tau mus phais mob tag ntawd. Yog koj xav tau xov xwm kom ntxaws ntxiv txog cov kev pab cuam rau tej neeg mob cancer ua lus Aakiv (English) ces .
Tej neeg nyob ntawm teb chaws Australia yuav tsum tau nyob kom nrug ntawm lwm tus neeg yam tsawg li 1.5 metres. Thiab txheeb xyuas tau seb lub xeev koj nyob ho muaj cov kev txwv thiab cov kev tsis pub tej neeg sib sau li cas rau lub caij muaj kab mob COVID-19 sib kis thoob ntuj no li cas.
Tam sim no yeej muaj cov kev sim tej neeg seb puas kis tus kab mob coronavirus coj los siv kom tej neeg muaj peev xwm mus sim tau thoob plaws teb chaws Australia lawm. Yog tias koj ho muaj cov yam ntxwv mob tau khaub thuas ces koj muaj peev xwm hu rau koj tus kws kho mob los yog hu tau rau lub koom haum Coronavirus Health Information Hotline tus xov tooj 1800 020 080 tau.
Tsoom hwv Australia yeej tsim tau lub coronavirus tracing app hu ua rau tej neeg sawv daws download tau ntawm sawv daws tej app store ntawm tej xov tooj ntawm tes los siv tau.
SBS yeej kub siab los tsim ib cov xov xwm tshiab qhia txog tus kab mob COVID-19 ua 63 hom lus coj los qhia Australia tej zejzog uas koj muaj peev xwm mus txheeb tau ntawm
