Yeej muaj cov kev tsiv teb tsaws chaw tuaj rau Australia tsawg kawg nkaus li lawm txij li thaum tau pib muaj tus kab mob COVID-19 kis thoob ntuj uas tau ua rau muaj cov kev txwv cov kev ntoj ncig thiab tau muab tej ciam teb kaw, tab sis tej zaum kuj yuav rov qab muaj cov kev tsiv teb tsaws chaw dua rau xyoo 2022 no dua.
Raws li tej xov xwm uas lub tuam chav tswj nyiaj txiaj tau qhia tshiab txog tej lagluam nrab xyoo () ces kuj tau hais li saum toj no, thiab yeej tau coj tej xov xwm no los qhia rau sawv daws paub rau thaum ntxov rau lub hli no, uas pom tau yeej tau muaj cov kev kwv yees tias yuav muaj cov neeg tsiv teb tsaws chaw txawv teb chaws tuaj tsawg txog li 41,000 tus rau xyoo 2021-22, tab sis tej zaum kuj yuav muaj tej kev tsiv teb tsaws chaw no ntau tuaj ntxiv txog li 180,000 tus neeg rau xyoo 2022-23 (uas muaj yuav laug txog li 2 npaug uas tau xub kwv yees tseg).
Australia cov program tsiv teb tsaws chaw (migration program) ces yeej tos tej neeg txhua xyoo pib txij li hnub tim 1 lub 7 hli ntuj mus txog rau hnub tim 30 lub 6 hli ntuj ntawm ib lub financial year ntawd. Tau muaj kev twv tseg tias xyoo 2024-25 no yuav muaj neeg tsiv teb tsaws chaw txog li ntawm 235,000 tus neeg.
Tam sim no muaj hom visas twg thiaj tuaj tau rau teb chaws Australia no xwb?
Australia yeej qhib ciam teb rau tej tub kawm txawv teb chaws (international students) los yog tej neeg thov tau ib co visa paub ua hauj lwm twg (skilled visa holders) rau hnub tim 15 lub 12 hlis ntuj xyoo 2021 - ntxov dua yuav laug txog li ntawm 6 hlis raws li tau kwv yees tseg rau hauv tsoom fwv teb chaws tej nyiaj puag xyoo (budget).
Australia tej pej xeem (Australian citizens) thiab tej neeg nyob ruaj (permanent residents) kuj muaj peev xwm los tau rau teb chaws Australia, thiab lawv tej neeg txheeb ze uas yog ib tug tub koom siab hauv lawv tsev neeg (immediate family members) muaj peev xwm thov ntawv zam kom pub tuaj tau rau Australia.
Muaj cib fim ntau tuaj ntxiv rau tej neeg thov visa tuaj ib ntus
Ben Watt uas yog ib tug kws lij choj paub zoo txog cov kev tsiv teb tsaws chaw ntawm lub koom haum Visa Envoy tau hais tias, txawm tias tau muaj ntau tus neeg thov tau visa nyob ib ntus tau ncaim ntawm Australia rov qab mus rau lub caij tseem muaj kab mob kis thoob ntuj vim tsis muaj hauj lwm ua los yog tsis tau txais kev pab cuam, los tam sim no nws cia siab tias tej zaum tej neeg uas tseem nyob ntawm Australia no kuj yuav muaj txoj xub ke thov tau nyob ruaj, thiab yeej tau qhia txog tej xub ke no rau sawv daws lawm.
Tej tswv yim xyoo 2021-22 uas tau npaj tseg ntawd ces yeej yuav tos tej neeg txog li 160,000 tus uas tseem tsis tau tos tsaib no, txhais tau tias muaj 79,600 daim visa tos cov neeg paub ua hauj lwm (Skill stream), muaj 77,300 daim visa tos tsev neeg (Family), 100 daim visa yog tos rau cov muaj cai (Special Eligibility) thiab muaj 3,000 daim visa yog tos tej me nyuam yaus.
Nws hais tias "Kuv xav tias, [Lub tuam chav Department of Home Affairs] yeej xav kom ib co neeg uas thov tau cov visa nyob ib ntus uas yeej tseem nyob ntawm teb chaws no mus thov 160,000 daim visa ntawd seb puas tau ntaub ntawv nyob ruaj."
"Thiaj yog ib cov kev pauv hloov loj heev; laawv tso kev yooj yim me ntsis thiab kuj muaj ntau txoj xub ke sib txawv rau tej neeg xaiv, thiab muaj ntau cov kev txuas visa rau tej neeg uas twb nyob ntawm teb chaws no lawm kom ua tau raws li lawv cov kev tsiv teb tsaws chaw uas lawv npau suav xav ua ntawd."
Raws li ib tug kis ntawm lub tuam chav Department of Home Affairs tau hais ces "Tsoom fwv yeej tau hloov ib co visa rau lub caij tseem muaj kab mob sib kis no thiab yeej yuav txheeb xyuas tej visa txuas ntixv kom thiaj pab tau Australia tej lagluam kom rov qab zoo tuaj."
Cov kev pub tej neeg tsiv teb tsaws chaw uas paub ua hauj lwm kho mob thiab tos txais qhua thov tau cov visa nyob ruaj
Nyob rau lub 11 hlis ntuj ces tsoom fwv yeej kom thiaj ceev tau tej neeg tsiv teb tsaws chaw uas muaj txij ci siab rau tej hauj lwm tseem ceeb tam li yog ib feem ntawm cov kev pab kom tej lagluam rov qab zoo tuaj. Raws li cov kev pauv hloov no hais ces yeej yuav muaj ib txhia neeg tsiv teb tsaws chaw uas txiav txim siab nyob thiab ua hauj lwm ntawm teb chaws Australia no rau lub caij muaj kab mob sib kis yog cov yuav muaj cai thov tau visa nyob ruaj.
Cov kev pauv hloov no thiaj yuav tau txais txiaj ntsim rau cov changes may Temporary Skill Shortage (subclass 482) visa uas tuaj ib ntus uas yav tag los mas yeej raug txwv tias tsuas pub nyob 2 xyoos xwb thiab tsis muaj peev xwm yuav siv tau lwm txoj xub ke thov tau lwm yam visa ntxiv lawm. Tsis tas li ntawd tej neeg thov tau cov visa Temporary Work Skilled (subclass 457) uas tsis siv tam sim no lawm, uas tej zaum tej neeg ntawd yuav tsis muaj cov hnoob nyoog raws li tsoom fwv xav tau ntawd lawm los tej zaum kuj yuav tau txais txiaj ntsim thiab.
Alex Hawke uas yog tus nom teb chaws tswj cov dej num tsiv teb tsaws chaw tau hais rau lub caij ntawd tias “Nod tsuas yog ib cov kev zam tim tsum zoo heev los ua cov kev lees paub txog tej neeg muaj txuj ci siab uas txiav txim siab nyob ntawm teb chaws Australia no rau lub caij muaj kab mob sib kis, thiab pab Australia vim tsis muaj neeg ua hauj lwm. Tej no yuav tso cai rau lawv nyob tau ntawm no, thiab muaj ib txoj xub ke rau lawv kom thov ua tau pej xeem Australia."
Mr Hawke tau hais tias muaj tej neeg txog li ntawm 20,000 tus uas tau visa siv yog cov neeg tej zaum yuav tau txais txiaj ntsim los ntawm cov kev pauv hloov no, uas cov coob tshaj plaws yog cov tau ua hauj lwm kho mob thiab tej lagluam tos txais qhua.
Mr Watt tau hais tias cov kev pauv hloov no yuav yog tej yam zoo heev pab rau tej neeg uas tau nyob thiab tau ua hauj lwm rau ntawm tej nroog loj rau ib co lagluam tos txais qhua uas tsis muaj peev xwm yuav thov tau nyob ruaj ntawd.
"Raws li kuv ib txwm ua tej hauj lwm no, ces kuv yeej pom muaj tej neeg ua zaug mov thiab tej neeg tswj tej khw noj mov tuaj ua hauj lwm hauv ib lub khw noj mov twg los yog ua ib co lagluam twg ntawm Sydney, Briabane, thiab Melbourne thiab lawv yeej muaj peev xwm pab tau tej lagluam no tiag."
"Yeej nrhiav neeg ua tej hauj lwm no nyuaj heev. Thiaj li yog ib co teeb meem nyuaj kawg nkaus rau tej neeg no vim lawv yeej xav kom muaj ib txoj xub ke rau lawv thov tau nyob ruaj."
"Ces thiaj yuav xaus tau tej xwm txheej phem no thiab yog ib co kev txhawb siab kom muaj neeg coob tuaj ntxiv mus ua tej hauj lwm ntawd."
Lub tuam chav no tus kis thiaj tau hais tias yeej tau qhia txog cov kev pauv hloov no rau hnub tim 25 lub 11 hlis ntuj xyoo 2021 thiab yeej tau siv cov kev pauv hloov no ua ntuv zus txij lub 12 hlis ntuj xyoo 2021 los txog ntua rau hnub tim 1 lub 7 hli ntuj xyoo 2022.
Cov Permanent residency rau tej neeg tsiv teb tsaws chaw muaj txuj ci thiab paub ua hauj ntawm tej zos cheeb tsam tuaj ntug nroog thiab zos yaj sab
Ruby Fowdar uas yog ib tug migrant agent uas yog tus coj lub koom haum Australian Immigration Agency tau hais tias tej neeg tsiv teb tsaws chaw uas thov tau cov visa tuaj nyob ib ntus uas tau khuam daig txawv teb chaws rau lub caij muaj kab mob sib kis yog cov raug teeb meem loj tshaj plaws. Tab sis tej thov tau tej visa no uas tseem nyob rau teb chaws Australia no ''yuav tau txais txiaj ntsim zoo.''
Ntawm ntau txoj xub ke uas tej neeg muaj peev xwm thov tau nyob ruaj (Permanent residency) ntawd ces nws kuj tham txog cov visa ua tej neeg tau tuaj nyob, tau ua hauj lwm thiab tau kawm rau ntawm ib co zos cheeb tsam raws tej visa dhau los uas muaj cai thov tau ntawd thiab.
Nws tau hais tias "Yog ib txoj xub ke rau koj; koj yuav tsum tau thov cov visa 494 siv rau lub sij hawm 3 xyoos ces mam li hloov los thov cov visa 191."
Tab sis yeej tseem tsis tau pib siv cov visa no mus txog rau ntua rau hnub tim 16 lub 11 hlis ntuj xyoo 2022 no diam, raws li lub tuam Department of Home Affairs tau qhia.
Pub tej neeg Hong Kong thov nyob tau ruaj
Kuj muaj ib cov xov xwm zoo rau ib txhia neeg Hong Kong uas tuaj nyob ntawm Australia no thiab, kom lawv thiaj li muaj cai siv tau cov xub ke tshiab thov yob tau ruaj txij lub 3 hlis ntuj xyoo 2022 no mus.
Tsoom fwv yeej tau hais rau lub 11 hli ntuj tias yuav muaj 2 cov visa tshiab li - - coj los siv tam li yog ib feem ntawm Australia cov kev kub siab xav tsim kom muaj kev sib raug zoo nrog Hong Kong.
Mr Hawke tau hais tias “Tej visa tshiab no yuav yog ib txoj xub ke rau tej tub kawm tiav uas tuaj kawm tiav thiab muaj txuj ci ua hauj lwm ib ntus uas tuaj ntawm Hong Kong tuaj thiab tseem tab tom nyob ntawm teb chaws Australia no kom txuas tau lawv tej visa kom thiaj li txhawb nqa kom muaj cov kev sib cuag tau nrog tej cuab yig txheeb ze thiab cov kev sib cuag kev lagluam nrog Hong Kong uas yeej tau muaj los tau ntau xyoos lawm."
Thiab yeej tau muaj kev kwv yees lawm tias yuav muaj tej teeg ua hauj lwm muaj txuj ci thiab paub ua hauj lwm ib ntus txog li ntawm 8,800 tus uas kawm tiav los yog siv cov student visas ntawd yog cov muaj cai thov tau 2 co visa tshiab uas yuav qhib rau hnub tim 5 lub 3 hlis ntuj xyoo 2022 ntawd.
Cov kev pauv hloov tau muaj rau cov 189 New Zealand Stream Subclass Visa
Nyob rau xyoo 2021ces tsoom fwv Australia kuj tau kho kom muaj txoj xub ke rau tej neeg New Zealand uas tau cov temporary visa siv uas muaj cai thov ntawd thov tau nyob ruaj ntawm teb chaws Australia no thiab, yog tias lawv yog pej xeem New Zealand.
Mr Watt tau hais tias "Yog tias koj yog ib tug neeg New Zealand nyob ntawm teb chaws Australia no, thiab koj yeej khwv tau nyiaj me ntsis, ces koj yuav muaj peev xwm thov tau ib daim 189 visa uas siv cov skill migrants overseas ntawd.''
Txij hnub tim 1 lub 7 hi ntuj xyoo 2021ces yeej tau pib siv cov uas yuav pab kom tus neeg muaj cai thov tej visa no tsis txhob tau tos ntev xyoo li tau teev tseg los yog yuav tsum khwv kom tau nyiaj npaum li cas (rau lub sij hawm 4 los yog 3 xyoo ntawm lub sij hawm 5 xyoos dhau los uas tus neeg ntawd khwv tau nyiaj).
Tsoom fwv kuj tau siv ib co tswv yim los pab tej neeg thov tau visa nyob ib ntus kom muaj txoj xub ke thov nyob ruaj ua ntej yuav muaj kab mob COVID-19 kom muaj cai thov thiab.
Tus kis ntawm lub tuam chav Department of Home's Affairs tau hais tias "Pib txij li hnub tim 13 lub 11 hlis ntuj xyoo 2021 ces, tej pej xeem New Zealand thov tau cov New Zealand stream of the Skilled Independent (subclass 189) visa yuav muaj cai thov zam kom tsis tas khwv kom tau nyiaj li tau teev tseg ray cov nyiaj uas khwv tau rau xyoo 2020-21 ntawd lawm."
"Tej no yuav pab tej neeg thov cov visa uas tus kab mob COVID-19 tau ua rau muaj teeb meem rau lawv khwv tsis tau nyiaj rau xyoo 2020-21 rau lub caij tseem muaj kab mob COVID-19 sib kis ntawd. Ces tej neeg no muaj peev xwm thov cov COVID-19 income exemption txij xyoo 2019-20 los yog xyoo 2020-21 tau tab sis tsuas thov zam tau cov nyiaj kwv tau rau ib xyoos xwb tsis pub thov 2 lub xyoos no ua ke."
Tshem nqe cai 'Section 48 bar' rau cov skilled migration visas
Tej neeg tsiv teb tsaws chaw uas muaj txuj ci thiab paub ua hauj lwm (Skilled migrants) nyob ntawm teb chaws Australia no los kuj yuav muaj cib fim thov tau 3 hom skilled migration visa subclasses ib ntus thiab.
Nqe cai (Section 48 bar) no yog siv rau tej neeg thov visa uas raug nom tswv tsis pub visa rau lawv siv los yog raug nom tswv muab lawv tej visa cancelled txij li zaum kawg uas lawv tau rau teb chaws Australia.
Hnub tim13 lub 11 hlis ntuj ces Mr Hawke tau pom zoo zam rau 3 cov visa subclass , thiab ib ntus.
Mr Watt tau hais tias "Yeej muaj ib co neeg coob heev ntawm Australia uas tseem siv cov bridging visa uas nom tswv thiab tej kws lij choj tseem yuav tau txheeb xyuas, uas tej zaum yuav siv sij hawm ntev txog li 5 xyoos diam."
"Tam sim no los kuj caw tej neeg no kom mus thov ntaub ntawv nyob ruaj hauv teb chaws Australia no thiab thov cov privisional visas uas yuav pab kom lawv muaj cai thov tau nyob ruaj tau.
"Ces thiaj li yog ib cov kev qhib kev dav heev rau tej neeg coob heev uas yav tag los yeej tsis muaj peev xwm yuav thov tau. Tam sim no ces yeej ua tau lawm tab sis kuj yuav ua rau muaj teeb meem ntau yam rau xyoos tom ntej no thiab."
Tus kis ntawm lub tuam chav Department of Home's Affairs tau hais tias tsuas siv cov kev pauv hloov no rau lub caij tseem muaj COVID-19 emergency tam sim no xwb.
Lawv tau hais tias "Yuav tshem tsis siv tej subclasses visa no ntawm cov exempt visa lawm thaum tag lub sij hawm li tau hais los no lawm."
Cov visa settings rau tej tub kawm uas tau cov visa tuaj kawm ib ntus uas kawm tiav lawm
Tej tub kawm uas thov tau cov Temporary graduate visa uas tseem khuam daig txawv teb chaws uas tsis muaj peev xwm tuaj tau rau Australia vim muaj kab mob sib kis yuav muaj peev xwm thov hloov dua daim visa tshiab - tab sis yuav tau tos.
Tsoom fwv tau hais rau lub 11 hlis ntuj tias cov kev zam no yuav tso cai rau tej tub kawm uas tseem tab tom siv los yog twg tau siv cov temporary graduate (subclass 485) visa lawm tab sis tag sij hawm visa los yog thov tau tom qab hnub tim 1 lub 2 hlis ntuj xyoo 2020 ces muaj cai rov qab thov dua ib daim visa tshiab pib txij hnub tim 1 lub 7 hli ntuj xyoo 2o22 no uas yeej siv tau ntev ib yam li qub.
Yeej muaj cov visa 485 visas rau tej tub kawm txawv teb chaws uas nyuam qhuav kawm tiav tsis ntev los no rau ib cov hauj lwm twg tsi ntsees kom lawv tau txais kev tso cai ua tau hauj lwm hauv teb chaws Australia txuas ntxiv.
Tab sis kuj yuav muaj lwm cov kev pauv hloov rau cov temporary graduate visa settings no lawm thiab li yuav teev lub caij nyob ntawm teb chaws thaum thov cov 485 visa for Masters by Coursework graduates ntawm 2 xyoos mus ua 3 xyoos lawm, thiab rub lub sij hawm ntev tuaj ntxiv ntawm 18 hli mus ua 24 hlis los yog 2 xyoos rau cov Graduate Work stream.
Mr Watt tau hais tias yeej muaj ntau cov kev zam uas yeej tau qhia lawm tab sis sib chab sib chaws heev tab sis yeej tsim nyog mus txheeb xyuas thiab ''vim kuj yuav pab tau tej neeg no thiab."
"Yeej yog ib co kev zam raws ua hlub tshua lwm tus thiab, vim peb tham txog ntau yam peev xwm ntawm no, thiab peb muaj cib fim yuav rov qab tau tej no."
"Yeej muaj ntau cov kev pauv hloov rau tej txheej txheem sib txawv thiab ntau yam xwm txheej, tias seb leej twg yuav thov dab tsi thiab leej twg yuav tau dab tsi. Tab sis tej zaum kuj yuav rov qab muaj cov xwm txheej ua rau rov qab muab ciam teb kaw dua ntxiv thiab, ces tej no thiaj yuav yog thawj yam uas yuav tsum tau xub ua ua ntej."
Tsoom fwv tau hais tias tej kev pauv hloov no yeej yuav raug coj los siv ''kom ua tau hauj lwm zoo ua ntuv zus'' txij hnub tim 1 lub 12 hlis ntuj xyoo 2021 mus txog rau hnub tim 1 lub 7 hli ntuj 2022, uas yeej tseem yuav muaj xov xwm qhia ntxaws ntawm lub tuam chav Department of Home Affairs lub vas sab. Hos cov ntaub ntawv thov hloov visa ces yuav muaj peev xwm ua tau txij hnub tim 1 lub 7 hli ntuj xyoo 2022 no mus.
Tab sis vim yeej muaj tej xov xwm pauv hloov tas mus li thiab yeej tseem yuav muaj cov kev pauv hloov rau lub xyoo tshiab no ces Ms Fowder thiaj xav txhawb nqa kom nrog tej neeg paub zoo txog cov kev tsiv teb tsaws chaw sab laj.
Yeej muaj nom tswv tej xov xwm qhia txog txog tej visas ntau yam uas koj muaj peev xwm txheeb tau ntawm .
