CEO Forum thiab digital transformation

Cov lus tham txog Australia cov kev txhawb nqa kom muaj kev lagluam ntawm Australia nrog ASEAN ntau tuaj ntxiv thiab ASEAN tus coj cov lus nqua hu kom Australia mus nqes peev lagluam ntawm cheeb tsam Southeast Asia.

ASEAN-Australia Special Summit 2024 Nicholas Moore AO, Special Envoy for Southeast Asia, Department of Foreign Affairs and Trade, Australia gives a keynote address to the Australian and ASEAN CEO Forum at the ASEAN-Australia Special Summit 2024 in Melbourne, Tuesday, March 05, 2024. Photograph by Leigh Henningham/ASEAN Credit: Lee Henningham/ASEAN

Nyob rau lub rooj sab laj tawm tej coj lagluam (CEO Forum Keynote address) ntawm Melbourne Covention and Exhibition Centre ntawd ces kuj muaj Australia tus nom tswj lagluam thiab kev ntoj ncig Don Farrell tau los pib tham txog lub tswv yim ua lagluam nrog lub koom haum ASEAN (Australia-Southeast Asia Strategy 2040), thiab hais tias 'Australia lub neej pem suab ces yog cheeb tsam Southeast Asia'. Yog li ntawd Australia thiaj tau teeb tsa Nicholas Moore uas tus special convoy rau Australia mus nrog txhawb nqa lagluam ntawm Australia thiab cheeb tsam no.

Nws hais tias txog rau xyoo 2040 ces yuav muaj cov kev ua lagluam raug nyiaj txog li 530 billion dollars yog tias tseem muaj cov kev ua lagluam ntawm Australia nrog ASEAN li no loj hlob tuaj ntxiv txog li 6.5% rau ib lub xyoo twg mus txog xyoo 2040.

Tsis tas li ntawd los tsoom fwv Albanese kuj tau qhia tias yuav siv nyiaj txog li 2 billion dollars coj los txhawb nqa tej hauj lwm lagluam thiab kev nqes peev lagluam ntawm Australia thiab Southeast Asia no. Lub hom phiaj yog los txhawb nqa lagluam thiab cov clean energy. Thiab kuj yuav siv nyiaj txog li 19 million dollars los tsim cov business exchange uas yuav pab kom Australia tej neeg lagluam thiab tej neeg lagluam ntawm cheeb tsam Southeast Asia tau mus xyuas seb ho yuav ua cov lagluam li cas.

Senator Don Farrell hais tias Australia yeej muaj tej lagluam ntau yam li clean energy, agriculture, education, digital technology, creative industry and telecommunication uas muaj peev xwm coj mus ua luam nrog cheeb tsam no, feem ntau mas yog sim cov chaw ntawm Singapore, Malaysia thiab Hociminh City.

Tos hos ua tej hauj lwm no los raws li Nicholas Moore cov kev teeb txheeb yeej tau qhia lawm tias cov kev ua luam ntawm Southeast Asia mus tau zoo dua cov kev ua lagluam nrog Meskas, EU thiab Japan, thiab yeej muaj cov kev sib khom pom zoo lagluam ntawm cheeb tsam no lawm.

Dr Kao Kim Hourn uas yog tus coj lub koom haum Southeast Asian Nations (ASEAN) los kuj tau txhawb nqa kom Australia tej lagluam mus nqes peev lagluam ntawm cheeb tsam teb chaws no, kom tau txiaj ntsim rau ob tog thiab yeej muaj kev sib hwm rau ib tog twg. Vim cheeb tsam no muaj pej xeem ze txog li 700 million tus, uas cheeb tsam no yeej kub siab txog cov green economy, ecommerce, digital literatcy, carbon neutral, carbon capture thiab renewble energy.

Nicholas Moore yeej tau qhia txog Australia lub tswv yim ua lagluam nrog cheeb tsam Southeast Asia 40 xyoo no no ces Australia xav kub siab tshaj plaws txog 8 yam lagluam li qoob loo, peev txheej, green energy, infrustructure, education/skills, visitor economy, health care, digital economy profesional thiab financial serivces nrog rau cov lagluam creative industries uas muaj cib fim yuav ua tau lagluam nrog cheeb tsam Southeast Asia.

Ua ke no los kub rooj sab laj tham txog digital transformation kuj yog ib cov cib fim tseem ceeb heev.

Raws li Jack Siwit Techathawiekul uas yog tus coj lub koom haum Thai Australian Chamber hais ces 'yuav tau kub siab xyuas kom nkag siab txog tej teb chaws no tej kab lis kev cai, tsim kom muaj kev sib cuag tau nrog tej teb chaws no thiab tsim kom muaj cov kev nkag siab thiab kev ntseeg siab' thiab kawm los ntawm tej experience uas tej teb chaws no paub lawm. Thiab yuav tsum tau mus ua kiag lagluam kom tshwm ntsej muag thiab.

Ryan O'Hare uas yog tus coj lub koom haum Australia & Asia Pacific Keypath Education hais tias muaj ntau yam ntawm cheeb tsam Southeast Asia yog ib cheeb tsam uas muaj neeg xav yuav khoom siv, yog li yuav tau xyuas ntau yam lag luam li digital economy, retail, banking, tourism, online education, Australia tej tsev kawm qib siab mus teeb tsa ntawm tej teb chaws no, uas yog uas yog tej yam tseem ceeb heev.

Tsis tas li ntawd los nws kuj hais tias muaj neeg siv internet thiab mobile phone ntau tuaj ntxiv txog li 40 million tus txhua xyoo thiab tej lagluam kev kawm los kuj loj hlob tuaj sai kawg nkaus li lawm thiab. Yog li ntawd thiaj yuav ua tib zoo xyuas kom tsim kom tau cov digital services, kho kom tsis txhob muaj kev tu ncua rau phab digital equity thiab tsim kom tej teb chaws no muaj lub tsab peev xwm los ua tau tej lagluam no.

Aimi Ramlee uas yog tus teeb txa lub koom haum Tyne Solutions kuj tau hais tias qhov tseem ceeb mas yog tseem muaj cov kev sib tu ncua rau cov kev siv cov transaction cross border us yuav tau xyuas,

Louise Adams ntawm lub koom haum COO Aurecon hais tias qhov tseem ceeb tshaj plaws uas yuav tau txiaj ntsim los ntawm cov hauj lwm digital ces yog cov data centre, digital automation, thiab nrog xyuas kom siv tau tej digital technology no haum raws li ntau lub teb chaws xav tau. Tab sis qhov teeb meem tseem ceeb tom ntej no mas yog cov AI uas tseem yuav tau txais txiaj ntsim ntau yam ntxiv thiab.

Yog li ntawd qhov tseem ceeb tshaj plaws uas Australia tab tom ua tam sim no ces thiaj yog pab tsim tej personel los yog human resources, thiab yuav tau pab tej teb chaws no npaj tej hauv paus txhim kho (infrustructure) kom thiaj yuav ua tau tej lagluam ntev txuas ntxiv rau tom ntej.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.