rau lub 11 hlis ntuj xyoo 2024 thiab yuav sib tw nrog Donald Trump ntawm pab nom Republican.
Tus lwm thawj tsav meem (vice-president) Harris no ces yeej ua rau muaj tej neeg tawm tswv yim ntau yam sib txawv txoj li raug xaiv los ua nom xyoo 2020.
Ces txij li thaum nws tau ua nom los kuj tau muaj teeb meem muaj tej neeg ua hauj lwm tsis txaus los ua hauj lwm rau nom tswv thiab kuj raug tib tias yeej ua tsis tshua tau nws tej hauj lwm tsim nyog ua li pov puag tej neeg xaiv nom tej cai xaiv nom thiab daws tej teeb meem tsiv teb tsaws chaw ntawm cov teb chaws Central America.
Ua ke no los kuj muaj ntau yam hauv internet yeej tau teev txog nws tej lus tawm tswv yim txawv ntau yam txog kev ua lub neej, tej video clips seev cev, nws cov kev luag ntau yam sib txawv tej zaum kuj yog txaj muag, los yog ua tej yam dab tsi txawv thiab cov kev tawm tswv yim txog ib yam dab tsi uas ua rau lwm tus yoob.
Ces Harris pab neeg pab nrhiav suab thiab nws tej neeg txhawb nqa nws thiaj tau mus sau lus, tso duab thiab videos ntau yam hauv internet coj los kho tej no uas tej zaum yog tej yam ua rau tej neeg tsis tshua swm tej xwm txheej no yoob.
Hos lwm qhov chaw ces tej neeg uas txhawb nqa nws yeej cav tias tej zaum nws yuav yog tus ua kom tej neeg xaiv nom hluas kub siab mus xaiv nom, thiab yuav tau txais kev txhawb nqa ruaj los ntawm neeg Meskas dub, thiab nws yog tus muaj tej txuj sib teev theem zoo heev los sib tawm tsam dej num laj fai kum xeeb nrog Meskas tus qub thawj tsav meem dhau los.
Yog li ntawd ne, nws cov kev yog ib tug neeg tawv ncauj thiab pheej tso tej duab txiv coconut hos muaj lub ntsiab lus txhais tau li cas tiag? Thiab dua ntawm ntau yam li tau hais ntawd lawm, los ho sawv cev rau dab tsi? Thiab tseem yuav muaj dab tsi uas nws yuav ntsib rau ntau limtiam ntxiv tom ntej no?
Nod yog 6 yam uas tsim nyog peb paub txog Kamala Harris.
1. Nws yeej tsis txawv deb ntawm nws niam nws txiv thiab uas pheej nyiam siv tsob ntoo (coconut) tree
Tom qab uas President lub 6 hli ntuj (2024), ces Harris tej neeg uas caum nws qab hauv online hu ua K-Hive kuj tau tsim 'fancam' coj los kho nws tej lus ntau yam nws hais thiab seev cev hauv TikTok, thiab muaj tsob txoob coj los qhia txog lawv cov kev xa thoob plaws hauv tej social media.
Tsob txoob no yog ib lub cim qhia txog tej kev xav uas teev txog qee yam uas Harris tau teev txog nws niam tau hais thaum nws tau los hais lus txog cov kev kawm tam li yog Meskas tus lwm thawj tsav meem.
"Muaj qee zaus ces nws yeej hais rau peb tias, 'Kuv kuj tsis paub tias xyov muaj dab tsi yuam kev rau nej tej hluas lawv. Puas nej pheej xav tias yog nej poob saum tso ntoo coconut los xwb lod? Peb yeej tshwm sim los ntawm tej chaw uas peb nyob thiab tej uas tau muaj tshwm sim ua ntej yuav muaj peb','' raws li Harris tau hais rau lub caij nws tseem hais tej lus ntawd.
Tsis tas li ntawd los tej koom haum cai lij choj ntawm Meskas lub tuam ceeb Washinton DC lso kuj tau los koom tej xwm txheej no thiab tau los tham txog cov kev haus dej coconut thiab rov qab los txhawb nqa cov kev haus kua txiv puv luj.
Thaum uas Biden tau tso tseg tsis sib tw president thiab tau los txhawb nqa Harris, ces yeej ua rau muaj neeg nyiam haus kuv txiv coconut kawg nkaus li.
Hawaii tus nom Senator Brian Schatz thiab yees ib daig duab nrog ib tug txiv neej uas tseem tab tom nce ib tsob ntoo coconut thiab hais tias ''Madam Vice-President, peb npaj txhij lawm yuav pab koj."
Hos Illinois tus hau xeev JB Prtizker los kuj hais ib co lus tias "Puas yog koj xav tias kuv poob ntoo txoob coconut? thaum uas nws tau qhia tias nws yuav tsis sib tw thiab tig los txhawb nqa Harris.
2. 'Kamala puas yog ib tug neeg tawm ncauj'?
Txawm tias Mr Biden uas tam sim no muaj hnoob nyoog 81 xyoos los yeej tsis tshua muaj peev xwm yuav tau txais cov kev txhawb nqa ntawm tej neeg xaiv nom hluas, yog li ntawd thiaj cia siab tias Harris uas muaj hnoob nyoog 59 xyoos tej zaum yuav tau txais kev txhawb nqa zoo dua.
Thiab zoo li tej hauj lwm uas lawv xub ua zoo li yeej ua tau zoo heev thiab.
Tsis tas li ntawd los Harris phau account X uas nrhiav suab sib tw nom los kuj raug kho lub cim dua tshiab ua tsos kob ntsuab li txiv qaub raws li Charli XCX's daim nkauj nqua txog Brat, uas yog ib co ya suab hu rau phaum hlua Gen Z ntawm lub teb chaws sab qaum ntuj ntawm lub caij ntuj so xyoo no.
Ces thiaj siv lo lus ''Brat'' coj los hloov lo lus ''kamala hq,'' lawm.
Charli XCX thiaj piav tias "brat" ces yog "tus ntxhais uas ib nyuag ntxhov quav niab, nyiam koom koob tsheej, thiab tej zaum pheej uas tej yam tsis tshua tsim nyog ua.''
Tom qab tau tsis ntev uas Biden tau qhia tias nws tsis sib tw lawm ces tus neeg nqua yas suab pop star no thiaj tau los hais lus txhawb nqa Harris tias ''kamala IS brat''.
Ces Harris cov lus coconut tree speech thiaj muaj neeb mus saib ntau millions zaus, thiab thiaj yog ib cov kiab khw lagluam zoo rau Harris cov kev nrhiav suab xaiv tsa.
Li Maxwell Frost hnoob nyoog 27 xyoo thiab yog Florida ib tug Congressman hais ces ''yeej yuav tawm suab ruaj rau Brat lawm.''
3. Nws cov kev tawm tsam kom tej neeg muaj peev xwm rho me nyuam kuj ua rau nws tau txais kev txhawb nqa thiab muaj neeg tsis xaiv nws
Harris uas yog ib tug kws txiav txim plaub ntug dhau los ces yeej yog ib tug coj nruj heev rau tej neeg dag lwm tus nyiaj thiab ua tsis ncaj thiab tej plaub ntug yuam deev lwm tus, kuj tau cog lus rau hnub zwj Hli (Monday) tias cov kev los tawm tsam kom tej neeg muaj cai rho tau me nyuam yog ib co hauj lwm tseem ceeb rau nws cov kev nrhiav suab sib tw ua president.
Nws tau qhia txog tej no rau nws cov kev nrhiav suab sib tw nom thawj zaug tias "Peb yuav tawm tsam kom tau txais kev ywj pheej rau kev rho me nyuam, vim yeej paub tias yog Trump muaj cib fim los ua tau, ces nws yeej yuav kos xyeem mem tes los txwv thiab muab cov kev rho me nyuam ua ib cov kev ua txhaum cai ntawm txhua txhua lub xeev.''
Pab nom Democrats thiaj cia siab tias Harris yuav tau txais kev txhawb nqa tej poj niam tej cai los ntawm tej poj niam ntawm tej zos thiab tej leej niam uas ua hauj lwm.
Txij li thaum uas Supreme Court tau thim rooj plaub Roe v Wade in 2022, , ces tej zaum kuj yuav ua rau muaj tej neeg tig los txhawb nqa tus president uas yog poj niam no thiab.
Hos qhov uas txawv ntawd, los tej zaum Harris cov kev muab tej hauj lwm no coj los ua ib co tseem ceeb rau nws cov kev nrhiav suab pab nws cov kev xaiv tsa no tej zaum kuj yuav ua rau ib txhia neeg tawm tsam tsis pub rho me nyuam tig mus txhawb nqa Trump thiab.
4. Nws yeej yog ib tug txhawb nqa neeg Palestinian yam tso tshav lug
Txawm tias Harris yuav ua raws li Biden tej cai pej kum haiv rau tej hauj lwm tseem ceeb ntau yam txog Ukraine thiab Suav, los tej zaum nws kuj yuav coj cai ruj zog rau Israel thiab los kuj tau — hais ntsi ntsees txog — thiab nws kuj yog tus muaj kev hlub tshua txog tej neeg Palestinians dua Biden.
Lub 3 hlis ntuj dhau los ces Nws thiaj hais tias "Tej neeg ntawm Gaza tab tom tuag tshaib tuag nqhis. Tej xwm txheej no yog ib co tsis ncaj ncees. Yog li nws thiaj tau hais tias ''Thaum peb pom tias ib co neeg twg raug kev txom nyem tab sis pheej tsis kub siab txog no tau yuam kom peb yuav tsum tau los ua ib yam dab tsi pab.''
"Vim tej xwm txheej raug tsim txom loj heev ntawm Gaza no thiaj yuav tsum tau tso tseg cov kev sib tua kiag tam sim no, rau lub caij 6 limtiam,'' rau lub caij muaj tej nom tswv qhuas nws.
US vice-president Kamala Harris makes a speech at a campaign event in North Carolina on 18 July. Source: Getty / Anadolu
Tsis tas li ntawd los Harris kuj ntsib teeb meem nyuaj sib chab sib chaws rau cov kev yuav ua ua kom tej neeg xaiv nom tig mus xaiv nws li lub xeev Michigan uas muaj tej pej xeem neeg Meskas caj ceg neeg Arab coob nyob, thiab kuj tsis muaj peev xwm ua tau dab tsi rau tej neeg xaiv nom uas txhawb nqa Israel thiab tej koom haum lobby groups uas yaum tej nom tswv kom pom zoo nrog ib cov hauj lwm twg nrog lawv.
Ces tej zaum thiaj yuav muaj cov kev tsis haum xeeb no thaum nws ntsib Israel tus thawj pwm tsav Benjamin Netanyahu rau lub caij nws tseem xyuas tuam ceeb Washington limtiam no.
5. Cov kev txiv teb tsaws chaw los kuj yuav yog ib cov teeb meem rau nws pab nom
Tej xwm txheej uas pheej ces yeej tau raug pab nom Republicans tib los ntev, thiab yeej liam Biden.
Yog li cov kev nrhiav suab xaiv nom txog tej hauj lwm no thiaj yuav ua rau muaj teeb meem rau Harris, uas tam li yog tus lwm thawj tsav meem (vice-president) ces yuav tau los daws tej chiv keeb teeb meem ntau yam uas pheej ua rau muaj cov kev tsiv teb tsaws chaw uas txawv heev no.
Ces tam sim no pab nom Republicans thiaj yuav tsub tej teeb meem no rau nws.
Harris tus kheej kiag los kuj yog ib tug ntxhais ntawm tej neeg tsiv teb tsaws chaw mus nyob rau teb chaws Meskas thiab los yeej raug ob tog tib tsis hais pab nom Republicans thiab tej koom haum pab tej neeg tsiv teb tsaws chaw thaum tham txog cov kev mus nyob ruaj rau teb chaws Meskas.
Txawm tias tau muaj ib tug nom senator uas nws tau txhawb nqa yeej tau los ua tej hauj lwm no kom nthuav dav thiab muaj ntau txoj xub ke lij choj pab rau tej me nyuam uas tau coj mus rau teb chaws Meskas yam tsis raug cai. Los lub caij xyoo 2021 uas tseem xyuas teb chaws Quatemala ntawd nws yeej tau ceeb toom rau tej neeg tsiv teb tsaws chaw uas tseem xav khiav mus rau Meskas kom ''Tsis txhob mus.''
6. Nws tab tom nkag rau tsov chaw - yog tham txog tej kev ntxub ntxaug tsis nyiam poj niam los yog lwm hom neeg thiab cov kev faib cais ntxub ntxaug ib tsav neeg twg
Txij thaum nws tau txhawb nqa los, ces yeej tau pom muaj cov kev tsis tej poj niam los yog tej lus tawm tswv yim tsis zoo txog lwm hom neeg txog Harris.
Thiab ua ntej ntau limtiam uas Trump thiab nws tej neeg txhawb nqa nws yuav rov qab los npaj lawv cov kev nrhiav suab sib tw xaiv nom, ces Harris thiab nws cov kev nrhiav suab sib tw xaiv nom yeej yuav tau npaj tej duab uas tau muab kho muab txuas, tej lus hais tsis zoo rau lwm hom neej, thiab tej lus puab quav ciab ntxub ntxaug lwm tsav neeg, tej lus tawm tswv yim cuav, los yog tej xov xwm cuav txog tej poj niam txiv neej los yog lwm hom neeg.
Kuj muaj ib co social media posts cav tias Harris "yeej tau nrog lwm tus pw kom nws thiaj tau ua txoj hauj lwm tseem ceeb ua'', uas tau teev txog nws cov kev nkauj nraug lub caij xyoo 1990s nrog Willie Brown uas yog tus hau nroog San Fransisco. Tsis tas li ntawd los kuj muaj ib co duab txua/kho uas muaj Harris nrog Jeffrey Epstain raug coj mus tso rau hauv social media platform X uas sawv daws paub yav dhau los tias yog Twitter.
Hos lwm cov social media posts uas pab tau nws zoo ces yog nws cov kev yog ib tug neeg pawg tsawg, uas cav tias nws hais tshaj qhov muaj tseeb txog nws lub cim thawj kom nws tau txais txiaj ntsim rau sab laj fai kum xeeb.
Following Joe Biden's exit from the US presidential election, Donald Trump's campaign will now be repositioning itself towards discrediting Democratic hopeful Kamala Harris. Source: AAP / Julia Nikhinson/AP
Nyob rau lub caij 200 xyoos ntawm Meskas cov kev tswj hwm democracy uas tso cai rau pej xeem xaiv lawv tus coj ntawd, ces tsuas muaj tib tug president uas yog cov neeg dub thiaj raug xaiv los ua president xwb, thiab yeej tsis tau muaj ib tug poj niam yuav tau los ua president li.
Thiab raws li ib tsav ntawv cej luam ntawm lub koom haum Center for Democracy and Technology hais, ces tej poj niam ntawm ntau tsav neeg coj ntseeg ntau yam kab lis kev cai thiab hais ntau hom lus lub caij xaiv tsa tsoom fwv teb chaws xyoo 2020 ntawd yog cov uas yuav tau tej xov xwm cuav ntau tshaj 2 npaug thiab yog cov uas yuav ntsib teeb meem kub ntxov txog li 4 npaug ntau dua yog piv rau tej poj niam neeg dawb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
