'Mloog tau tias txawv heev lod?': Nod yog vim li cas thiaj tsim nyog koj txheeb Facebook friend requests

Lub tuam txhab Meta uas tswj Facebook hais tias tau kho tau tej teeb meem uas siv tsis tau Facebook lawm, thiab piav tias tej xwm txheej no zoo tam li yog ib cov xwm txheej ''ua rau tej neeg ntshai thiab tsis paub tias yuav ua li cas'' rau tej teeb meem uas ''cuam tshuam rau yus''.

Some Facebook users said an "awkward" glitch saw friend requests sent automatically. Source: Getty / Daniel Lozano Gonzalez

NTSIAB LUS TSEEM CEEB:

• Muaj ib txhia neeg siv Facebook tau qhia tias cia li muaj neeg xa cov kev thov ua phooj ywg nrog lawv ncaj qha xwb.
• Tam sim no lub tuam txhab no hais tias twb daws tau tej teeb meem no lawm.
• Thiaj li yog ib co xwm txheej teeb meem loj khawg nkaus uas tau tshwm sim rau lub caij lub tuam txhab Meta los hloov kho nws lub tuam txhab rau tej hauj lwm "Year of Efficiency".

Puas yog tias koj nrhiav ib tug twg cov Facebook profile los yog txheeb tus neeg ntawd thaum lawv thov ua phooj ywg nrog koj tsis ntev los no? Los sis tej zaum koj kuj yuav thov ua phooj ywg nrog lawv thiab.

Muaj qee tus neeg siv social media tau qhia txog tej xwm txheej tau tshwm sim ob peb hnub dhau los tias Facebook ''cia li xa'' cov kev thov ua phooj ywg ncaj qha nrog yus los yog ntawm yus ncaj qha rau lwm tus, uas lawv hais tias ''yog tej yam txawv'' thiab ''yog tej yam tsis tsim nyog li''.

Tau muaj ib tug neeg sau ntawv hauv Twitter tias "Tam li yog ib tug neeg uas tsis nyiam kom lwm tus cuam tshuam yus, ces Facebook cov teeb meem no yog tej ua rau yus ntshai thiab txhawj xeeb heev."

Meta — uas yog lub tuam txhab uas tswj Facebook, uas muaj neeg siv coob txog 2 billion tus txhua hnub ntawd - thiaj lees paub rau hnub Friday no tias muaj teeb meem rau nws tej software los yog hardware ces thiaj ua rau muaj tej teeb meem ntawd.

Ib tug kis ntawm lub tuam txhab Meta thiaj tau qhia rau Meskas lub chaw nthuav xov xwm The Daily Beast tau hais tias “Peb kuj kho tau ib co teeb meem ua tau muaj rau peb lub app uas tau kho tshiab tsis ntev los no ces thiaj ua rau muaj cov kev xa moo ceeb toom thov ua phooj ywg nrog lwm tus yuam kev xwb."

“Peb twb tau tiv thaiv kom tsis txhob muaj tej xwm txheej no tshwm sim ntxiv, thiab peb thov txim uas tej zaum ua rau muaj teeb meem rau sawv daws."

Ces thiaj yog ib cov xwm txheej tshiab rau lbu caij uas Mark Zuckerberg uas yog tus coj lub tuam txhab Meta tus coj cov hauj lwm ''Year of Efficiency'' uas tau ua rau lub tuam txhab social media tau txuag nyiag. Thiab thiaj li tau rov qab muab tej neeg ua hauj lwm rho tawm ua zum ob, rau lub 4 hlis ntuj tsis ntev los no, uas tau ua rau muaj ntau txheeb tus neeg ua hauj lwm raug muab rho tawm rau lub caij uas los kho kom lub tuam txhab no ''ruaj khov tshaj qub thiab kom tig tau cev thiab hloov tau raws tej xwm txheej."

Thiaj tau muaj tej xwm txheej no ntxiv tom qab tau muaj teeb meem rau lub 4 hlis ntuj dhau los uas lub tuam txhab Meta no raug yuam kom tso tseg tag nrho nws cov kev haub tau yaum, vim muaj ib txhia customers yws tias lawv them tej nqe haub tau yaum no kim tshaj qhov tsim nyog lawm.

Thiab lub 8 hlis ntuj tsaib no ces, cov ''kev hloov kho'' lub platform no tau ua rau coob leej ntau tus neeg siv Facebook yws tias uas li cas thiaj muaj tej xov xwm ntawm lwm tus neeg uas lawv twg tsis paub pheej mus sau lus tawm tswv yim rau tej neeg nto npe tej posts.

Yuav txheeb yus cov kev thov ua phooj ywg nrog lwm tus uas ys tau xa hauv Facebook

• Thaum tseem siv Facebook ntawm ib lub computer ces, nyem rau lo lus 'Friends' ('Phooj ywg') ntawm sab laug ntawm lub vas sab uas yus siv ntawd.
• Ces nyem rau lo lus 'Friend requests' ('Thov koom ua phooj ywg').
• Tom qab ntawd ces nyej rau qhov 'view sent requests' (Saib cov kev thov ua phooj ywg uas yus tau xa rau lwm tus).