Kev muaj vaj tse txaus nyob ua rau Australia ob lub nroog poob theem nroog xis nyob

Xyoo no ces nroog Melbourne thiab Sydney yeej raug teev ua ob lub nroog ntawm ntiaj teb 10 lub nroog uas xis nyob tshaj plaws, tab sis kuj tau poob cov theem no vim cov kev tsis muaj vaj tse txaus nyob.

Melbourne is the world's fourth most liveable city, according to the Economist Intelligence Unit's annual global index. Source: Getty / Avalon/Universal Images Group

Melbourne tau yeej Sydney tam li yog Australia lub nroog xis nyob tshaj palws, thiab tau ua ntiaj teb lub nroog xis nyob ua zum 3 xyoo no raws li cov kev teeb txheeb Economist Intelligence Unit's Global Liveability Index. 

Cov kev tshawb fawb no tau mus txheeb 173 lub nroog thiab siv ntau yam li kev ruaj ntseg, kev kho mob, kab lis kev cai, tej ib puag ncig, kev kawm thiab tej hauv paus txhim kho coj los ua cov ntsuam. Tab sis tsis txheeb txog cov kev muaj peev xwm yuav tau los nyog ntiav tau tsev nyob.

Ces ib lub nroog twg thiaj yuav tau cov zauv ntawm 0 mus txog rau 100 raws cov kev txheeb no.

Ces Australia ob lub nroog no tau cov zauv zoo heev rau phab kev kawm uas, tab sis Melbourne yog lub nroog tau cov zauv zoo dua rau tej kab lis kev cai txog 95.8 thiab Sydney tau 94.4.

Daim phiaj qhia txog ntiaj teb 10 lub nroog xis nyob tshaj plaws.

Tsis tas li ntawd los ob lub nroog no yeej tau cov zauv teev txog nkawv tej hauv paus txhim kho tsawg dua cov zum nkawv tau tsaib no, vim tsis muaj tej vaj tse pheej yig txaus uas tej neeg muaj peev xwm ntiav tau los sis yog yuav tau nyob.

Ces Melbourne thiaj li poob ib theem qes dua ntawm theem plaub uas tau tsab no ua lub nroog theem peb hauv ntiaj teb no uas xib nyob tshaj plaws lawm. Sydney los kuj tau poob ntawm theem plaub mus ua theem xya ntawm tej nroog uas raug txheeb ntawd thiab.

Lub nroog Vienna ntawm teb chaws Austria ces tseem tau zum zoo tshaj plaws tias yog ntiaj teb lub nroog uas xis nyob tshaj plaws ua xyoo peb sib law liag.

Nroog Damascus ntawm teb chaws Syria los kuj tseem yog ntiaj teb lub nroog uas tsis xis nyob tshaj plaws ntawm tej nroog uas tau mus txheeb, vim tau cov zauv tsawg heev rau sab kev ruaj ntseg thiab kev kho mob.

Vienna in Austria was ranked the most liveable city in the world for the third year in a row. Source: Getty / Alexander Spatari

Tej teeb meem ua rau tej nroog tsis xis nyob

Tel Aviv ces yog lub nroog uas poob ntau theem tshaj plaws ntawm 92 mus ua theem 112 tom qab tau pib cov tsov rog Hamas-Israel.

Tab sis tej nroog feem coob ntawm sab hnub poob cov teb chaws Europe kuj yog tej uas poob lawv cov theem xis nyob thiab.

Ces Germany tsib lub nroog li — Berlin, Munich, Hamburg, Stuttgart thiab Düsseldorf — los kuj yog tej nroog ntau lub uas tej poob theem sai heev li thiab vim tsis tau txais kev ruaj ntseg tom qab uas ''tau muaj tej kev tawm tsam ntau tuaj ntxiv'' thiab ''muaj teeb meem cuam tshuam txog tej cai ntau yam txij li ''tej kev ua liaj ua teb mus txog rau cov kev tsiv teb tsaws chaw.''

Cov kev ruaj ntseg ces yog ib co uas ntau cov nroog tau tsawg tshaj plaws piv rau lwm cov.

Russia cov kev nam nias Ukraine thiaj tau ua rau nroog Kyiv yog ib lub nroog tuaj twv ntawm 10 lub kawg.

Tsab ntawv cej luam no thiaj tau qhia tias cov kev tsis muaj tej tsev txaus thiab pheej yig uas ntiav tau thiab yuav tau nyob yog tej ua rau Australia thiab Canada tej nroog poob cov theem nroog xis nyob.

Raws li Economist Intelligence Unit hais ces kuj tau muaj ntiaj teb tej nroog ''ib nyuag xis nyob me ntsis ntxiv' tsaib no. Tab sis kuj qhia tias cov kev kho mob zoo tuaj ntxiv thiab cov kev kawm zoo tuaj ntxiv thoob tej nroog ntawm qee lub ntawm Europe thiab cov teb chaws America qaum teb thiaj pab kom tau kev ruaj ntseg ntau ntxiv tuaj.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.