NTSIAB LUS TSEEM CEEB:
- Raws li tau muaj ib tsab ntawv cej luam tshiab qhia, ces Australia yog lub teb chaws uas muaj neeg noj tshuaj tua kab mob antibiotics ntau tshaj plaws ntawm cov teb chaws vam meej hauv ntiaj teb no.
- Tsab ntawv cej luam no kuj tseem txheeb tau tias muaj ib txhia kab mob bacteria tau twv nyom nrog rau tej tshuaj tua kab mob uas ib txwm siv tas mus li lawm thiab.
- Thiab yog tham rau qhov phem tshaj lawm ces yog thaum tej tshuaj tua kab mob pab tsis tau tej neeg mob lawm ces ntshe yuav tsis muaj lwm txoj xub ke kho mob siv lawm.
Tau muaj ib co kev ceeb toom rau tej neeg mob uas pheej yuav tshuaj antibiotics ntau heev los khaws cia kom ua tib zoo xav kom zoo ua ntej yuav noj tej tshuaj tua kab mob coj los kho tej mob me vim muaj kev txhawj xeeb tias tsam yuav ua rau tej teeb meem mob nkeeg no ras los ua ib cov teeb meem phem tshaj qub ntxiv.
Tej kab mob bacteria phem heev uas ua rau tus kab mob bacteria golden staph ua mob rau tej neeg, ua rau mob plab raws pob, mob kas cees ntawd ces yog cov uas pheej , raws li tau muaj ib tsab ntawv cej luam tshiab ntawm lub koom haum Australian Commission on Safety and Quality in Health Care uas tau coj los qhia rau hnub zwj Teeb (Thursday).
Yog yog thaum poob rau tej xwm txheej mob nkeeg loj uas tej tshuaj antibiotics kho tsis tau tej neeg mob lawm ces ntshe yuav tsis muaj lwm txoj xub ke kho lawm.
ces kuj muaj neeg yuav tshuaj noj tsawg txog li 25 feem pua lawm tab sis kuj txhawj tias rov qab muaj tej neeg yuav tshuaj noj ntau tuaj ntxiv txog li 10 feem pua xyoo 2022 lawm thiab raws li ib tsab ntawv cej luam tshiab tau qhia.
Kuj txheeb tau tias australia yog ib lub teb chaws ntawm cov teb chaws vam meej uas muaj neeg noj tshuaj tua kab mob (antibiotics) ntau tshaj plaws, vim muaj ib tug ntawm peb tug neeg twg yeej tau yuav yav tsawg li ib yam tshuaj twg noj tsaib no.
Thiaj ua rau tej kws paub zoo txog txoj kev noj qab haus huv txhawj xeeb thiab nqua hu kom kub siab ceev nrooj los tiv thaib kom tsis txhob ua li no ua ntej yuav lig dhau heev lawm.
Professor John Turnidge uas yog ib tug neeg tseem ceeb uas sab laj txog kev kho mob tau hais tias australia tseem muaj cib fim los daws tej xwm txheej li nws tau piav tias ''yog ib co xwm txheej mob nkeeg uas nyuaj tshaj plaws ntawm peb tiam no.''
Tej kws kho mob thiab lwm cov neeg kho mob thiab tej neeg mob yeej muaj lub luag hauj lwm yuav tau nrog xyuas kom haiv neeg no muaj peev xwm los tswj tau cov kev siv tshuaj ''kom zoo tshaj qub ntxiv. Xav kom tag nrho peb sawv daws xav kom zoo zoo tso mam li yuav tshuaj thiab siv tej tshuaj tua kab mob los yog noj tej tshuaj no 'tsam ho muaj teeb meem. Yog tias peb tsis ua li no, ces tej zaum ntshe yav pem suab peb yuav tsis muaj peev xwm phais neeg li phais hloov khoom nrog cev, tshiab tshuaj chemotherapy kho kab mob cancer, tswj tej mob ntshav qab zib thiab phai tej kev phais mob tseem ceeb ntxiv lawm.Tej ntawd yog tej xwm txheej tsis zoo rau yav pem suab uas peb tsis xav ntsib."Professor John Turnidge
Antibiotic resistance could stop us from performing some medical procedures, an expert has warned. Credit: E+
Tau muaj ib cov kev teeb txheeb uas r aug coj mus cej luam ntawm phau ntawv xov xwm txog tshuaj thiab kev kho mob The Lancet xyoo 2022 ces kuj txheeb tau tias tej xwm txheej kab mov twv tshuaj no twb tau ua rau muaj ntau pua tus neeg tas sim neej ntawm teb chaws Australia txhua lub xyoo lawm.
Professor Peter Collingnon uas yog ib tug kws paub zoo txog kab mob sib kis thiab kuj yog tus neeg sab laj tawm tswv yim rau lub koom haum Australian Commission on Safety and Quality in Health Care tau rov qab qhia rau tej neeg mob tias tshuaj tua kab mob antibiotics tsuas yog tib cov tshuaj tua kab mob bacteria xwb tsis muaj peev xwm tua tau tej kab mob virus li khaub thuas (colds and flu) thiab yeej muaj tej neeg txog li ntawm 5 feem pua yog cov neeg noj tsis haum qee yam tshuaj antiobiotics.
Tej mob uas mob sab li mob daim npluag qhwv paj hlwb los yog daim npluag hlwb pob txhab nrob qaum (meningistis), mob ntsws, lub cev xa taug tua kab mob tab sis ua rau muaj teeb meem thoob rau lub cev (sepsis), ces peb yuav tau siv tshuaj antibiotics pab thiaj ciaj thiab tej kws kho mob yog tus yuav pab yus txheeb txog tej no.Professor Peter Collingnon
Turnidge kuj tau hais ntxiv tias yeej tau muaj pov thawj tim khawv tshiab qhia tias cov kev pheej siv tej tshuaj tua kab mob no ces tej zaum kuj yuav ua rau muaj ib cov mob uas mob ntev rau yav lig ntawm yus lub neej thiab.
Muaj peev xwm siv tshuaj antibiotics pab cawm tau yus txoj sia, yog li thiaj tsim nyog peb siv tej tshuaj no los pab cawm tej mob nkeeg uas yuav tsim tau kev phom sij rau peb txoj sia xwb, tab sis kuj xav kom peb yuav tsum tau nco tias tej tshuaj no kuj yuav tsim tau teeb meem phom sij loj thiab.Professor Peter Collingnon
Kuj tau muaj kev txhawj xeeb tias xyoo 2022 ntawd tau muaj neeg yuav tshuaj tua kab mob (antibiotics) noj ntau tuaj ntxiv txog 10 feem pua lawm thiab. Source: AAP / Julien Behal/PA/Alamy
Tsab ntawv cej luam no thiaj tau taw qhia kom tej neeg ua hauj lwm kho mob ntawm tej chaw kho mob rau tej zejzog thiab tej chaw tu tsom kwm tej laus ua raws li cov kev taw qhia tsim nyog thaum sau tshuaj tua kab mob kho tej mob cuam tshuam txog raum thiab zais zis, tej mob cuam tshuam txog tawv nqaij, tej teeb meem mob ntsws uas ua tsis taus pa, thiab lwm yam mob khaub thuas los yog cuam tshuam txog ntsws thiab tej hlab cua.
Tsab ntawv cej luam no kuj tau qhia ntxiv tias tej tsev kho mob yuav tau kub siab tshaj no ntxiv txog tias seb yuav siv tej tshuaj co los tiv thaiv tej neeg mob raug phais li cas, thiab tswj tej kab mob uas twb twv nyom nrog tej tshuaj tua kab mob lawm li cas thiab kom ceev faj txog tej xwm txheej antifungal resistance.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
