Australia daim passport kuj kim tuaj lawm. Tab sis vim li cas ho kim ua luaj li?

Australia ib daig passport raug tus nqe $325, thiab tseem yog tus nqe kim tshaj ntau lub teb chaws tej passport lawm thiab. Muaj laj thawj dab tsi thiaj qhia tau tias tsim nyog yuav sau tus nqe no?

Australian passports offer a number of security measures. Source: AAP / DAN PELED/AAPIMAGE

Cov ntsiab lus tseem ceeb:

• Henley Passport Index tau qhia tias Australia daim passport yog ntiaj teb ib daig passport uas "muaj fwj chim tshaj plaws''.
• Ib daig passport rau tus neeg nto hnoob nyoog raug nyiaj $325 thiab siv tau 10 xyoo thaum uas Australian Passport Office tsim tau cov passport phaum "R series" siv rau xyoo 2023.
• Ib yam ntawm ntau yam ntawm daim passport no ces muaj cov kev tswj kev ruaj ntseg.

Yog koj yog ib tug pej xeem Australia thiab ho xav tau ib daig passport shiab siv ces yuav tau them tus nqe kim.

Australia daim passport yog ntiaj teb ib daig passport uas muaj fwj chim tshaj plaws yog tham txog cov kev siv passport ntoj ncig yam tsis tas thov visa siv. Thiab Henley Passport Index tau muab Australia daim passport teev uas zum yim (8) ntawm 185 lub teb chaws uas tsis tas thov visa siv.

Australia daim passport kuj yog ib daig passport uas kim tshaj plaws thiab. Teb chaws Canada, Greece thiab Malta tej passport los yeej tso cai rau lawv tej neeg muaj peev xwm ntoj ncig tau rau lwm lub teb chaws yam tsis tas thov visa siv tib yam li Australia daim passport thiab, tab sis tus nqe ib nyuag pheej yig zog, hos Malta daim ces raug tus nqe li ntawm €70 thiab €80 ($107 to $122) thiab Greece daim ces tau them €84.40 ($130).

Yog muab New Zealand daim tus nqe piv rau Australia daim ces tsuas tau them NZD$199 ($180) xwb.

Credit: SBS News

Yog koj xav tau Australia daim passport uas siv tau ntev txog 10 xyoo uas pib siv txij tim 1 lub 1 hlis ntuj xyoo 2023 no mus ces yuav tau them tus nqe $325. Uas tau nce ntawm tub qub nqe $308 hnub tim 1 lub 1 hlis ntuj xyoo 2022, thiab tau them $301 rau daim passport uas siv txij hnub tim 1 lub 1 hlis ntuj xyoo 2021.

Vim li cas Australia daim passport thiaj kim ua luaj li?

David Bierman uas yog ib tug neeg qhia ntawv paub zoo txog cov kev tswj dej num thiab ntoj ncig ntawm tsev kawm qib siab University of Technology Sydney hais tias tej zaum tos Australia daim passport tus nqe kim los vim tso tej twj tswj kev ruaj ntseg ntau yam rau.

Thiab nws hais tias yeej muaj ntau lub teb chaws li US (America), Aaskiv (UK) thiab Canada los yeej tso tej twj tswj kev ruaj ntseg rau hauv lawv tej passport thiab.

Mr Bierman tau hais tias “Txawm li cas los kuj tsis muaj peev xwm tshab txhais tau tias vim li cas tus nqe yuav kim ua luaj li.”

Kuj tseem muaj lwm yam nqe tsub ntxiv rau thiab li nqe zog thiab nqe luam, ntxiv ntawd los yeej muaj tej neeg xav tau passport coob heev kom lawv mus ntoj ncig tau tom qab uas tau tso tseg tsis txwv kab mob COVID lawm. Xyoo 2022 ntawd ces yeej muaj neeg thov Australia tej passport siv ntau tshaj 2.6 million daim diam.

Mr Bierman kuj tau hais ntxiv tias ''tej zaum kuj yog ib lub tswv yim khwv nyiaj'' ces thiaj tsub nqe passport kim xwb.

Nws tau hais tias “Kuv xav tias ib co laj thawj uas to ho kim heev los...tej zaum yeej yog ib lub tswv yim zoo coj los khwv kom tau nyiaj xwb.”

Txhua lub xyoo txij hnub tim 1 lub 1 hlis ntuj ces nom tswv yeej tau nce nqe rau tej ntaub ntawv siv ntoj ncig no raws li tej nyiaj poob nqe raws li Australian Passports (Application Fees) Determination 2015 lawm. Thiab tej nyiaj tau los ntawm tej nqe passport ntawd yuav coj mus khaws cia nrog tsoom fwv teb chaws cov nyiaj Consolidated Revenue Fund.

Ho muaj tej twj tswj kev ruaj ntseg dab tsi hauv Australia daim passport tshiab?

Lub koom haum Australian Passport Office (APO) uas tsim Australia tej passport thiab nyob qab tswj hwm ntawm lub tuam chav Department of Foreign Affairs and Trade, thiab tau pib coj cov passport hom R tshiab coj los siv no yeej muaj cov twj tswj kev ruaj ntseg los tiv thaiv kom txhob muaj neeg phem nyiag siv tau tus tswv passport tej cim thawj (identity theft) los yog kom tej neeg phem tsis txhob ua tau tej passport cuav siv.

Raws li APO qhia ces cov hom passport R series tshiab no yog ib cov “tau txais kev ruaj ntseg tshaj” hom passport P, uas tau pib siv txij xyoo 2014 los lawm.

Dua ntawm cov kev tiv thaiv kom txhob muaj neeg phem nyiag siv tau tus tswv passport tej cim thawj (identity theft) los yog kom tej neeg phem tsis txhob ua tau tej passport cuav siv lawm, los tej nplooj ntawv ntawm phau passport ntawd yeej siv tej ''roj hmab uas ruaj ntau txheej, tswj tau kev ruaj ntseg zoo heev thiab.”

Tsis tas li ntawd los kuj tseem muaj lwm cov kev tswj kev ruaj ntseg ntxiv thiab xws li siv cov tsos ultraviolet, thiab cov kev hloov kob (xim) ntawm Australia cov paj haiv Wattle ntawm nplooj uas tswj kev ruaj ntseg ntawd thiab.

Lub koom haum Australian Passport Office thiaj tau hais rau hnub zwj Teeb (Thursday) tias ''tau pib coj 1 million daim ntawm cov hom passport shiab ‘R Series’ coj mus siv txij limtiam no mus lawm.''

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm 

Facebook, Googlepodcasts, Spotify, thiab Apple podcasts los yog download SBS Radio App  thiab SBS Hmongpodfollow kom koj mloog tau SBS Hmong.