Kev sib raug zoo ntawm Australia thiab Nplog

Kev sib raug zoo ntawm Australia thiab Nplog tshaj 70 tawm xyoo.

His Excellency Mr Sonexay Siphandone, Prime Minister of the Lao PDR is welcomed by The Honourable Anthony Albanese MP, Prime Minister of Australia during the Leaders’ Official Welcome at the ASEAN-Australia Special Summit 2024 in Melbourne. Credit: Leigh Henningham/ASEAN

Tam sim no ces Nplog yog tus tswj lub koom txoos ASEAN Summit ntawm cov teb chaws Southeast Asia xyoo 2024 no, thiab thawj pwm tsav Sonexay Siphandone kuj yog tus koom tswj lub rooj koom txheej ASEAN-Australia Special Summit 2024 ntawm nroog Melbourne txij hnub tim 4-6 lub 3 hlis ntuj xyoo no.

Australia thiab Nplog (Lao People's Democratic Republic - Lao PDR) yeej muaj cov kev koom tes ntawm ob lub teb chaws no los ntev thiab kuj muaj kev koom tes nrog ntau lub teb chaws ntawm cheeb tsam Southeast Asia li tau muaj cov kev koom tes, kev sib raug zoo rau sab lagluam thiab kev sib cuam tshuam ntawm tej neeg ntawm ob lub teb chaws no.

Ob tug coj no kuj tau sib ntsib zaum dhau los ntawm lub rooj sab laj ASEAN Summit ntawm tuam ceeb Jakarta lub 9 hlis ntuj xyoo 2023.

Australia yeej zoo siab heev uas yog ib lub teb chaws tau muaj cov kev sib raug zoo nom tswv nrog Nplog los ntev heev (tau 72 xyoo dhau los lawm).

Lub 11 hlis ntuj xyoo 2022, thawj pwm tsav Albanese thiab thawj pwm tsav Phankham Viphanvanh uas yog Nplog tus thawj pwm tsav dhau los tau qhia tias nkawv yeej xav kho kom muaj kev sib raug zoo ntawm Australia thiab Nplog kom ras los ua ib cov kev koom tes ntau yam kom zoo tshaj qub tuaj ntxiv.

Xyoo 2023 ces yeej muaj 912 tus tub kawm Nplog tseem tab tom kawm ntawm Australia tej teej kawm thiab yeej muaj 123 tus yog cov tau cov Australia Awards tuaj kawm. Tsis tas li ntawd los cov Scholarship hu ua Australia Awards yeej tau pab neeg Nplog ntau tshaj 1,400 tus tuaj kawm kom lawv tau txuj ci thiab kev txawj ntse ntawm Australia tej tsev kawm qib siab kom thiaj li pab txhim kho tau teb chaws Nplog txuas ntxiv rau yav tom ntej.

Australia thiab Nplog yeej tau kos xeem mem tes Memorendum of Understanding (MOU) rau cov kev koom tes phab tub rog rau lub 9 hlis ntuj xyoo 2022, thiab yog ib cov kev koom tes uas yeej muaj siv tam sim no.

Ces thiaj muaj ntau yam kev koom tes li: cov kev sib xyuas, kev kawm thiab xyaum qhia, kev tswj kev thaj yeeb, tej tshuaj siv rau tub rog thiab kev koom tes pab tej neeg txom nyem thiab raug xwm txheej phom sij.

Cov xov xwm no tau los ntawm Department of Prime Minister and Cabinet.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.