Sai sai no ces tag nrho txuas tus neeg Australia hnoob nyoog nto yuav tau hno koob tshuaj COVID-19 booster shot

Tsoom fwv Australia tau qhia tias tsis hais ib tug twg li yog tseem tsis tau hno koob tshuaj COVID-19 booster shot los yog tus neeg uas kis tau kab mob COVID-19 rau lub sij hawm 6 hli dhau los lawm muaj peev xwm rov qab mus hno dua ib koob tshuaj vaccine ntxiv.

The recommendation for a booster is for people whose most recent COVID-19 vaccine or infection was six months ago or more. Source: AAP / Albert Perez

Tag nrho txhua tus neeg Australia uas tseem tsis tau hno koob tshuaj COVID-19 booster shot los sis yog tus neeg uas kis tau kab mob COVID-19 rau lub sij hawm 6 hli dhau los lawm muaj peev xwm rov qab mus hno dua ib koob tshuaj vaccine ntxiv.

Mark Butler uas yog tus nom tswj dej num noj qab haus huv tau hais tias tsoom fwv lees txais cov kev taw qhia ntawm pawg neeg sab laj tawm tswv yim txog cov kev hno tshuaj vaccine Australian Technical Advisory Group on Immunisation (ATAGI), cov lus no thiab yuav pib siv txij hnub tim 20 lub ob hlis ntuj no mus.

Mloog tau zaj xov xwm uas nom tswv Australia txhawb nqa kom tej neeg Australia mus teem caij nrog tej GPs thiab tej chaw muag tshuaj kom thiaj tau mus hno tshuaj COVID vaccine koob 5.

LISTEN TO

Hno tshuaj COVID-19 vaccine koob 5

SBS Hmong

09/02/202315:51

Play

Cov kev taw qhia no xav kom tej neeg uas tau mus hno tshuaj COVID-19 vaccine booster shot tsis ntev dhau los no los yog cov neeg uas kis tau tus kab mob coronavirus 6 hli dhau los no los yog txawm tau hno pes tsawg koob dhau los los tsis ua li cas kom rov qab mus hno dua koob tshiab ntxiv.

Mark Butler says extended booster eligibility will add greater protection from the virus. Source: AAP / Lukas Coch

ATAGI tej kws tau hais kom yog ib tug twg uas tej zaum yog kis tau tus mob coronavirus es yuav ua rau mob sab - li tej neeg hnoob nyoog 65 xyoos los yog hnoob nyoog siab tshaj ntawd thiab tej hluas uas muaj ntau yam mob, los yog tej neeg puas cev los sis tej neeg uas yuav xav tau ntau yam kev kho mob sib chab sib chaws - yog cov tsim nyog mus hno koob tshuaj booster dose xyoo no ntxiv.

Yuav tsis hno cov booster dose rau tej hluas hnoob nyoog qes dua 18 xyoo, tsuas yog tias ntshe cov me nyuam ntawd ho muaj hnoob nyoog 5 xyoo los yog hnoob nyoog siab tshaj ntawd thiab ho yog cov muaj ntau yam mob uas tej zaum yuav ua rau lawv raug mob sab heev thiaj yuav tau hno koob tshuaj no xwb.

Thiaj xav kom hno hom tshuaj Omicron mRNA booster vaccines dua lwm cov vaccines, vim muaj tej tshuaj no txog li 4 million koob siv tam sim no thiab kuj tseem yuav muaj cov tshuaj no ntxiv li 10 million koob xa tuaj txog rau yav lig rau lub hli no thiab.

Yog li thiaj txhawg nqa kom tej chaw tu tsom kwm tej laus yuav tau siv tej kws kho mob thiab tej kws tshuaj zos mus hno tej tshuaj booster dosed no rau tej laus neeg ntawm lawv tej tsev laus.