Tej zaum lub tswv yim no yuav pab kom tsis txhob muaj neeg ua hauj lwm tas sim neej

Raws li tau muaj ib co cai tshiab raug coj los sab laj ntawm tsev tsoom fwv xeev New South Wales (NSW) ces yog tej lagluam tsis kub siab xyuas thiab muaj neeg ua hauj lwm tas sim neej ntawm lawv tej chaw ua hauj lwm ces yuav raug kaw tsev laj cuj 25 xyoos thiab raug nplua nyiaj txog $20 million.

No other mainland jurisdiction has a 25-year maximum sentence for industrial manslaughter, although NSW will be the last mainland state or territory to introduce the offence.

Ntsiab lus tseem ceeb:

• Hnub zwj Quag (Tuesday) dhau los ces tsoom fwv NSW tau coj ib tsab cai los sab laj ntawm nws lub tsev tsoom fwv.
• Nom tswv hais tias yuav rau txim kom hnyav tshaj plaws rau tej tuam txhab lagluam ''uas tsis kub siab txog tej kev nyab xeeb rau lawv tej neeg ua hauj lwm tshaj plaws''.
• Li yuav coj lub tuam txhab ntawd kaw tsev laj cuj 25 xyoos tib yam li cov kev rau txim ntawm xeev Victoria thiab yuav raug nplua nyiaj ib nyuag ntau zog ntawm xeev NSW.

Yog txeem txheeb tau tias tej lagluam thiab tej neeg ntiag tug twg tseem muaj feem ua rau tej neeg ua hauj lwm ntawm xeev NSW tej chaw ua hauj lwm tas sim neej vim tsis kub siab txog tej neeg ua hauj lwm txoj kev nyab xeeb ces yuav raug nplua hnyav tshaj plaws raws li tau coj ib cov cai industrial manslaughter tshiab los sab laj.

Hnub zwj Quag (Tuesday) dhau los ces tsoom fwv xeev NSW kuj tau coj tej cai tshiab no los sab laj ntawm nws lub tsev tsoom fwv thiab yuav raug txim rau xeev NSW tej chaw ua hauj lwm uas tsis kub siab saib xyuas tej neeg ua hauj lwm uas tau ua rau lawv tej neeg ua hauj lwm raug ploj raug tuag ntawm tej chaw ua hauj lwm ces yuav raug nplua hnyav tshaj plaws.

Ces yog tias tsim tau tsab cai no coj los siv tiag ces yuav ua rau tej lagluam los yog tej neeg ntiag tug uas muaj feem xyuam ua rau tej neeg tas sim neej ntawm tej chaw ua hauj lwm yuav raug kaw tsev laj cuj txog 25 xyoos thiab tej lagluam yuav raug nplua nyiaj txog li ntawm $25 million.

Ces thiaj ua rau lub xeev NSW no yuav rau txim kaw tsev laj cuj rau tej neeg ua txhaum no tib yam li xeev Victoria tab sis tseem nplua nyiaj ntau zog thiab.

Sophie Cotsis uas yog NSW tus nom tswj kev noj qab haus huv thiab kev nyab xeeb ntawm tej chaw ua hauj lwm tau qhia tias tsab cai no tsis yog tsim coj los siv tab sis ''yog tej yam tseem ceeb'' heev tom qab tau muaj tej neeg ua hauj lwm tas sim neej txog 300 leej 5 xyoos dhau los.

"Rau qhov peb yeej tau pom tias muaj tej neeg ua hauj lwm ntau heev tas sim neej ntawm tej chaw ua hauj lwm ...tsis hais yog poob saum tej ruv tsev, poob ntawm tej qhov uas tsis vov, raug hluav taws xob laum/hlawv, raug tej twj los yog tej tsheb loj hnyav tais/tsoo, los yog raug mob los ntawm tej twj siv thiab tej khoom hnyav.''

Ces tus nom no thiaj qhia tias tsis muaj lub luag hauj lwm tshiab dab tsi rau cov kev los tswj kom tau txais kev noj qab nyob zoo thiab kev nyab xeeb tab sis ytej cai tshiab no yuav yuam kom tej neeg yuav tsum los nrog xyuas tej hauj lwm no.

Ces thiaj yuav siv cov kev rau txim no raws li lub koom haum Union NSW tom qab lub koom haum Safe Work Australia tej xov xwm txheeb tau tias yeej muaj ib tug neeg ua hauj lwm tas sim neej rau ib lub limtiam twg ntawm lub xeev no txij xyoo 2023 los no.

Cov kev ua txhaum loj tshaj plaws uas yog ib tug neeg ua hauj lwm twg tas sim neej ntawm chaw ua hauj lwm thiab yuav raug txim raws li tej cai Health and Safety laws ces tsuas raug kaw tsev laj cuj 5 xyoos rau tej neeg ntiag tug los yog tsuas nplua tej lagluam txog $3.8 million xwb.

Tab sis Cotsis kuj tau qhia tias cov kev yuav siv tej cai manslaughter laws no mas yog tej yam nyuaj vim yuav tau qhia kom tau qhov tseeb tias seb puas yog tus neeg ntiag tug ntawd txhob txwm los yog tim lub tuam txhab ntawd.

Ces lub kooom haum Director of Public Prosecutions thiaj yuav ua tus tswj tej neeg ntiag tug uas muaj feem ua cov kev ua txhaum no los yog qee zaus ces kuj yuav nrog txheeb tej tuam txhab lagluam uas uas tej kev txhaum no yog tias tsim tau tej cai tshiab no coj los siv tiag.

Ces thiaj tau muaj cov kev sab laj txog tej cai tshiab no nrog tej zejzog li tej kws paub zoo txog cov kev noj qab nyob zoo thiab kev nyab xeeb rau tej chaw ua hauj lwm, tej lagluam, tej koom haum lij choj, tej cuab yig uas muaj tej neeg ua hauj lwm tau tas sim neej ntawm tej chaw ua hauj lwm.

Thiab kuj tau muaj ib tug kis ntawm pab nom Liberal tau qhia tias lawv tus tsoom fwv dhau los yeej tau pom zoo tias xav kom tsim tau ib tsab cai industrial manslaughter no coj los siv thoob teb chaws no rau xyoo 2023, tab sis nws kuj tseem tsis tau qhia meej tias seb nws xav li cas rau tej cai tshiab uas tseem xav thov tsim coj los siv no.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.