Kws kho mob txheeb tau tias muaj ib tug cab hauv ib tug poj niam lub hlwb

Tau muaj ib tug kws teeb txheeb tau qhuas ib tug poj niam lub tsab peev xwm tom qab tej kws kho mob txheeb tau tias muaj ib tug cab ntev txog 8 centimetres uas muaj ntawm cov nab python thaum lawv phais nws lub paj hlwb.

Researchers believe the woman became infected when she collected and cooked a type of native grass called Warrigal greens after she found it beside a lake near her home. Source: AAP / John Cancalosi

Ntsiab lus tseem ceeb:

Tau muaj ib tug poj niam hnoob nyoog 64 xyoos ntawm NSW sab qab teb hnub tuaj raug coj mus kho ntawm ib lub tsev kho mob zejzog.
Thaum tej kws kho mob phais nws lub hlwb txheeb tias yog tim dab tsi ces pom ib tug cab kheej ntev txog 8 centimetres.
Cov kev txheeb tau tus cab no thiaj teev txog qhov tseem ceeb ntawm cov kev yuav tau yaug thiab tsaug tej zaub des tom tej kev los noj kom huv huv tso mam li noj.

Tej kws kho mob tau rub tau ib tug cag uas ntev txog li 8 centimetres (CM) uas tseem nti nti ntawm ib tug poj niam neeg Australia lub paj hlwb uas feem ntau mas yeej ib txwm pom muaj nyob rau hauv cov nab carpet python, thiab xav tias yog thawj zaug uas pom muaj tej cab no nyob hauv tib neeg lub cev.

Tus poj niam hnoob nyoog 64 xyoos ntawm NSW sab qab teb hnub tuaj no thiaj raug coj mus kho ntawm lub tsev kho mob zejzog xyoo 2021 tom qab uas nws pheej raws plab tau peb (3) limtiam thiab pheej mob plab, ntxiv ntawd ces txawm pheej hnoos qhuav, ua npaws thiab pheej tawm fws hmo ntuj.

Nws thiaj nyuaj siab heev thiab pheej ua rau nws cim xeeb tsis zoo ua ntej ib tug kws phais hlwb ntawm tsev kho mob Canberra Hospital tau txheeb tau tias zoo li muaj ib yam dab tsi txawv txav rau nws lub hlwb ntawm kis xub ntiag sab xis ntawm nws lub paj hlwb tau tau siv MRI scan xyoo 2022 ntawd.

Thaum uas tej kws kho mob tau phais nws lub hlwb txheeb seb yog dab tsi, ces lawv kuj pom ib tug cab hu ua kheej ntev 8 cm hu ua Ophidascaris robertsi, uas tej kws tshawb fawb (scientists) ntseeg tias yog thawj zaug uas txheeb pom tus cab no ntawm tib neeg lub cev.

Tus cab kheej no yeej ib txwm muaj ntawm hom nab carpet pythons thiab nyob rau ntawm tus tsiaj no txoj hlab nqos mov thiab nyob rau ntawm tus nab no lub plab ua ntej nws yuav nteg tej qe cab tawm nrog tus nab ntawd tej quav tawm los.

Sharon has diabetes. She says this device is 'buying' her more years

Tej kws teeb txheeb (researchers) uas nrhiav tau tus cab no ntseeg tias tos tus poj niam no los, twb vim yog thaum nws mus de tej zaub Warrigal greens ntawm ib lub pas dej nyob ze nws tsev ntawd coj los noj ntawd nws tsis ua kom siav tso mam noj.

Tej zaum cov zaub no muaj tej cab uas nyob ntawm tus nab python xyaws ntau heev thiab tej kws teeb txheeb xav tias tej zaum kuj yuav muaj cov me nyuam cab mos no nyob ntawm nws tej ntsws thiab tej siab thiab los kuj tau.

Sanjaya Senanayake uas yog tus kws paub zoo txog kab mob sib kis thiab yog tus koom sau tsab ntawv cej luam no tau hais tias "Nod yog thawj zaug hauv ntiaj teb no uas peb pom muaj tus cab Ophidascaris no ntawm tib neeg lub cev.''

"Thiab raws li peb paub ces, yog thawj zaug uas cuam tshuam txog tej tshiaj yug me nyuam pub mis ib hom twg thiab tib neeg."

"Yeej ib txwm pom muaj tej me nyuam cab no ntawm tej tsiaj pub me nyuam mis me thiab tej tsiaj muaj ib lub hnab ntawm xub ntiag, uas tus nab python noj, ces tej cab no mam li loj hauv tus nab."

Dr Senanayake thiaj tau hais tias cov kev teeb txheeb tau tus cab no thiaj yog ib yam tseem ceeb uas yuav tsum tau ua tib zoo ntxuav tej zaub tej txiv xyoov txiv ntoo uas de ntawm tej ntug kev kom huv tso mam li ua noj thiab qhia txog qhov tseem ceeb ntawm tej kev phom sij ntawm kab mob thiab cov kev kis kab mob ntawm tej tsiaj txhu rau tib neeg.

Infectious diseases, coughs and stress: Why doctors want 'urgent action' on this threat

Tus poj niam ntawd yeej tawm ntawm tsev kho mob tau ntau hli lawm thiab yeej tau ua lub neej nyob hauv tej zejzog, tab sis tej kws paub zoo txog kab mob sib kis thiab tej kws paub zoo txog paj hlwb yeej tseem txheeb xyuas nws txuas ntxiv.

Dr Senanayake tau hais tias "Tus cab Ophidascaris no tsis muaj peev xwm kis tau ntawm tib neeg rau tib neeg, yog li thiaj yuav tsis sib kis rau lwm tus li tej kab mob SARS, COVID-19 los yog Ebola."

"Txawm li cas los, tus nab no thiab tej cab no yeej pom muaj ntawm lwm tshaj chaw hauv ntiaj teb no thiab, ces ntshe tej zaum kuj yuav muaj lwm cov neeg tau tus cab no rau lub sij hawm ntau xyoo ntxiv no ntawm lwm cov teb chaws thiab los kuj tau."

Dr Senanayake tau hai tias lub sij hawm 30 xyoo dhau los no ces yeej muaj tej kab mob 30 hom sib kis hauv ntiaj teb no, thiab 75 feem pua ntawm tej kab mob ntawd ces yog cuam tshuam txog tej kab mob kis ntawm tsiaj txhu rau tib neeg.